Ես գող-ավազակ չեմ, ոչ էլ՝ թուրք, եթե անօրինությունը չվերացվի, չեմ աշխատի. ստուգումներ «Մոդուս Գրանում» հոլդինգում

ՀՀ ոստիկանության աշխատակիցները ստուգումներ են իրականացրել Գուրգեն Նիկողոսյանին պատկանող «Մոդուս Գրանում» հոլդինգում: Այն նախկինում հայտնի է եղել «Մանանա գրեյն» անունով:

Ընկերությունը մի քանի ոլորտում է գործունեություն ծավալում՝ քարի հանքի շահագործում ու քարի մշակում, ընտանի կենդանիների համակցված կերերի գործարան, ալյուրի արտադրություն եւ այլն: Այս հոլդինգի մեջ է մտնում Արմաշի ալյուրի գործարանը, որն իր գործունեությունը ծավալում է 1992թ-ից եւ ունի մոտ 500 աշխատող:

«Հայկական ժամանակ»- հետ զրույցում հոլդինգի սեփականատեր Գուրգեն Նիկողոսյանը ասաց, որ անցած հինգշաբթի օրվանից ոստիկանության 6-րդ վարչության 12 աշխատակիցները սկսել են ստուգումներ իրականցնել իր գործարանում`նպատակ ունենալով ստուգել հոլդինգի` 2016-2018 թ-ների գործունեությունը:

«Մեզ տեղեկացրել են, որ եկել են ստուգումներ իրականացնելու, բայց թե ինչ հիմունքով են խուզարկություն կատարում, չեն ասել: Առանց մեզ տեղեկացնելու ստուգումների արդյունքները տեղափոխել են ոստիկանական բաժանմունք: Ասում են, թե տեղեկություններ ունեն, որ աշխատողներին վճարել ենք ավելի քիչ, ցույց տվել`շատ: Նրանց խոսքով՝ հարկային պարտականություններն էլ անհրաժեշտ կերպով չենք կատարել, բայց փաստաթղթերով մենք ցույց ենք տվել, որ նման բան չկա»- ասաց հոլդինգի սեփականատերը:

Մեր հարցին՝ արդյո՞ք  ճիշտ են այն լուրերը, որ ոստկանության աշխատողները հարցաքնության ժամանակ ծեծել են գործարանի բանվորներից մեկին, Նիկողոսյանը պատասխանեց. «Ինչ գործողություն եղել է ստուգումների ժամանակ, ես հանրությանը ներկայացրել եմ: Ստուգումները սկսելուց հետո գյուղապետերի, թաղայինների միջոցով 6-րդ վարչության բաժանմունք են հրավիրել ընկերության աշխատակիցներին, սպառնացել ճիշտը չգրելու դեպքում Երեւան տանել, նույնիսկ մեր աշխատողներին չեն զգուշացրել, որ կարող են ցուցմունք չտալ, չէ՞ որ դա նրանց սահմանադրական իրավունքն է: Իսկ հարցաքննությունից հետո մեր աշխատողներից մեկը ասաց, որ իրեն ծեծել են: Մենք ունենք ձայնագրություն, որի մեջ աշխատողը ասում է, որ իրեն ծեծել են»:
Նիկողոսյանի խոսքով` մի քանի օր հետո էլ քարի հանքի պետին են հրավիրել Երեւան՝ 6-րդ վարչություն. «Հարցաքննվող մեր աշխատակցին ասել են, որ իրենք տեղյակ են, որ 2 ցուցակով են աշխատավարձ ստանում, պահանջել են`գրի ինչքան: Բնականաբար մեր աշխատակիցը ասել է, որ նման բան չկա ու չի եղել: Քննիչներն էլ ասել են՝ գրեք, որ նոր տարուն  հավելավճար եք ստացել, որը չի գրանցվել: Մեր աշխատողը բնականաբար այդ տեղեկությունը եւս հերքել է»:

Գուրգեն Նիկողոսյանը հավելեց նաեւ, որ ունի 500 աշխատակից, որոնք բոլորն էլ գրանցված են: Նա վստահեցրեց, որ աշխատավարձերի ուշացում չի լինում եւ բոլոր փաստաթղթերն էլ կարգին են ու օրինական: «Ես գող-ավազակ չեմ, ոչ էլ թուրք եմ, եթե անօրինությունը չվերացվի, ես կդադարեցնեմ իմ աշխատանքը: Նույնիսկ մտածում եմ Հայաստանից հեռանալու մասին, քանի որ ես ինքնասիրություն ունեմ»,-ասաց նա:

ՀՀ ոստիկանությունից էլ ՀԺ-ին պատասխանեցին, որ եթե Նիկողոսյանը պնդում է, որ ոստիկանության աշխատակիցները ծեծել են հոլդինգի աշխատողներին, կարող է դիմել դատախազություն և հայտատարություն տալ: Ըստ նրանց խոսքի՝ հոլդինգի աշխատողների նկատմամբ բռնի ուժ չի գործադրվել:

Հիշեցնենեք, որ ավելի վաղ ՀՀ ոստիկանությունը պարզաբանում էր տարածել «Արմաշի ալյուրի գործարանում» 6-րդ վարչության աշխատակիցների իրականացրած գործողությունների վերաբերյալ, որ ՀՀ ԱԱԾ-ից ստացված օպերատիվ տեղեկությունների հիման վրա նախապատրաստվում են նյութեր՝ «Մոդոս Գրանում» ՍՊ ընկերության տնօրինության կողմից 2016-2018 թվականների ընթացքում կազմակերպության աշխատակիցների վերաբերյալ ՀՀ ՊԵԿ ներկայացվող հաշվետվություններում խեղաթյուրված, նվազեցված աշխատավարձերի վերաբերյալ հաշվետվություններ ներկայացնելու եւ դրանով իսկ առանձնապես խոշոր չափերի հարկային պարտավորությունների կատարումից խուսափելու վերաբերյալ:

Նախապատրաստվող նյութերի շրջանակներում իրականացվում են համապատասխան քրեադատավարական գործողություններ:

Տպել
7060 դիտում

Գյումրի-Վանաձոր ավտոճանապարհին այրվել է ավտոքարշակ (տեսանյութ)

Չեմ կարծում, թե ՄԻԵԴ-ը հայտնի, որ 300․1 հոդվածը հակասում է Եվրոպական կոնվենցիային․ Սեդա Սաֆարյան

«5-րդ Ալիքի» սեփականատեր Արմեն Թավադյանը դատարան չէր ներկայացել. նիստը հետաձգվեց

Երևանի տուբդիսպանսերը չի դադարել բյուջեից ֆինանսավորվել նեղ անձնական շահերի շնորհիվ. Արսեն Թորոսյան

Բժշկասոցիալական փորձաքննության հանձնաժողովի նախագահը կաշառք է պահանջել և ստացել. ԱԱԾ (տեսանյութ)

Վրաստանի եւ Հայաստանի վարչապետները քննարկել են հայ-վրացական համագործակցության մասին հարցեր (տեսանյութ)

Վարչապետ Նիկոլ Փաշինյանն ընդունել է Վրաստանի վարչապետ Գեորգի Գախարիային (տեսանյութ)

ՆԱՏՕ-ի վրա ճնշումներ կգործադրենք, որպեսզի միջոցներ ձեռնարկի Թուրքիայի դեմ. Պենտագոնի ղեկավար

Ռոբերտ Քոչարյանը գտնվում է հետվիրահատական բուժման մեջ. դատական նիստը նրա բացակայության պատճառով հետաձգվեց

Աննա Հակոբյանը հուլիսի 1-ին Երևանից Բեյրութ է մեկնել Էկոնոմ դասով. «Արմենիա» ավիաընկերություն

Վրաստանի նորանշանակ վարչապետ Գեորգի Գախարիան ժամանել է Հայաստան

Լոռու մարզի որոշ հասցեներում վաղը 11 ժամով կդադարեցվի ջրամատակարարումը

Քաղաքացիները տեղյակ չեն Հայկական Կարմիր խաչի տարին մեկանգամյա անվճար բուժօգնությունից. նրանց չե՞ն ուղղորդում

Զ. Մնացականյանը Մինսկի խմբի համանախագահների հետ հանդիպմանը բարձրացրել է պարտավորությունների համաչափության հարցը

Հոկտեմբերի 26-ին բոլորով գնում ենք «Դբա լավը». Նիկոլ Փաշինյանը հրավիրում է Վանաձոր

Իսկապես ապշեցուցիչ է. Սերժ Թանկյանն Էրդողանին նմանեցրել է Հիտլերի հետ (լուսանկար)

Հակատուբերկուլոզային դիսպանսերի 2019 թվականի ֆինանսական ծավալում փոփոխություն չի եղել. նախարարություն

Ոստիկանությունն ուսումնասիրում է Սանասարյանի կողմից անչափահաս երեխայի վրաերթի ենթարկելու վերաբերյալ հրապարակումները

Գագիկ Խաչատրյանը մի քանի օր ԲԿ-ում հետազոտվելուց հետո երեկ տեղափոխվել է ՔԿՀ

Տնտեսական հանձնաժողովում այսօր նախատեսված է գույքի կադաստրային գնահատմանը վերաբերող օրինագծի քննարկումը