Հայաստանի ֆուտբոլի ազգային հավաքականի «Red Eagles» ֆան-ակումբը հայտնում է, որ իրենց գործողություններով չեն փորձել սադրել Հայաստանի ֆուտբոլի ֆեդերացիային: Երեկ՝ մարտի 26-ին, Վազգեն Սրագսյանի անվան «Հանրապետական» մարզադաշտում ընթացող Եվրո 2020-ի ընտրական փուլի Հայաստան-Ֆինլանդիա հանդիպման ընթացքում ֆան-ակումբի անդամները ֆայերներ վառեցին: Մինչեւ խաղն էլ փորձել էին քաղաքական բովանդակություն ունեցող գրությամբ պաստառ մտցնել մարզադաշտ, ինչը նրանց թույլ չէին տվել:

2 արարքներն էլ, ՈՒԵՖԱ-ի ու ՖԻՖԱ-ի կանոններով, չեն թույլատրվում, եւ հաշվի առնելով այն, որ «Red Eagles»-ի ու ՀՖՖ-ի հարաբերությունները վերջին շրջանում լարված են՝ կողքից կարող էր տպավորություն ստեղծվել, թե երկրպագուները սադրում են ֆեդերացիային: «Red Eagles»-ի ղեկավարներից Դենիս Սարգսյանն ընդգծում է, որ այդպես չէ: «Հայկական ժամանակ»-ի հետ զրույցում նա նշեց, որ ՀՖՖ-ի հետ պայմանավորվածություն են ունեցել, որ 2 ֆան-ակումբների՝ իրենց ու ՖԱՖ-ի հարցում հավասարություն պետք է լինի, հարցը պետք է լուծվի մինչեւ մարտ ամիսը, սակայն չի լուծվել: Այդ պատճառով էլ ֆայեր վառելով բողոք են արտահայտել:

«Հստակ պայմանավորվածություն ունեինք Ջիբրալթարի դեմ հանդիպումից առաջ, որ հավասարություն կվերկանգնվի կամ կստեղծվի: Իմիջայլոց իրենք էլ ընդունել էին, որ հավասարություն չի եղել: Մեզ ասել էին՝ մի վառեք ֆայեր, հարցերը կլուծվեն, եթե չլուծվեն, դուք գիտեք, ինչ ուզում եք, կարող եք անել: Ինչպես գիտեք, մեր հարցերը մինչեւ այս պահը չեն լուծվել»,- ասաց նա:

Ֆայերներ վառելու համար «Red Eagles»-ի 2 անդամների բերման են ենթարկել: Սարգսյանը նշում է, որ իրենց տեղեկացրել են, որ վարույթ չի հարուցվել, ու իրենց բաց են թողել:

Ֆայերները «Հանրապետական» մտցրել էին, սակայն պաստառը ոչ: Ինչ վերաբերում է պաստառին, ապա Սարգսյանը նշեց, որ այն բերելը նույնպես հետին մտքեր չի հետապնդել: Դրա վրա գրված էր. «Արցախը Հայաստան է: Ոչ մի թիզ թշնամուն»: Ֆուտբոլային հանդիպումների ընթացքում քաղաքական ակցիաներն արգելված են, ու կարելի էր կանխատեսել, որ այն կարող են նկատել ու թույլ չտալ մարզադաշտ մտցնել: Սարգսյանը նշում է, որ իրենք դիտավորություն չեն ունեցել, որ պաստառը տանեն, այն հայտնաբերեն, ներս չթողնեն, ու աղմուկ բարձրանա: Նա պարզաբանեց՝ որն է եղել իրենց նպատակը:

«Մենք տեղեկություններ էինք ստացել, որ հայ-ադրբեջանական սահմանին որոշակի լարվածություն կա, եւ մարտի  29-ին Փաշինյան-Ալիեւ հանդիպում պետք է տեղի ունենա, եւ սա աջակցություն էր բանակցային գործընթացին եւ մեր հասարակության դիրքորոշումը այս հարցի հետ կապված»,- ասաց նա:

«Red Eagles»-ի ու ֆեդերացիայի միջեւ լարվածությունը սկսվել է մի քանի ամիս առաջ: Այն հասել է նրան, որ ֆան-ակումբը հրաժարվել է վարքի կանոնների վերաբերյալ համաձայնագիր ստորագրել ֆեդերացիայի հետ: Հայաստան-Ֆինլանդիա խաղից առաջ նրանց այդ պատճառով տոմսեր չէին վաճառել ֆան-ակումբների համար առանձնացված հատվածում, ու նրանք ստիպված էին եղել ուրիշներին ուղարկել տոմսարկղ ուրիշ տրիբունայի տոմսեր գնելու համար: Երեկ նրանք հարավային տրիբունայում էին: Դենիս Սարգսյանը նշեց, որ իրենք պատրաստ են ֆեդերացիայի հետ քննարկումներ սկսել ստղծված իրավիճակի վերաբեյալ: ՀՖՖ-ից էլ ՀԺ-ին ասացին, որ իրենք խոչըդոտներ չեն ստեղծել, բաց են համագորկացության համար ու առանձնակի լարվածություն թոթափելու ձգտում չունեն, քանի որ իրենց կողմից չէ այդ լարվածությունը: Ասացին նաեւ, որ, երբ «Red Eagles»-ի անդամները կգան եւ կստաձնեն ՀՖՖ-ի տոմսային նոր քաղաքականութան մեջ նշված պարտավորությունները եւ կստորագրեն ՈՒԵՖԱ-ի ու ՖԻՖԱ-ի ավտագության համապատասխան նորմեր պարունակող պարտավորագիրը, ՀՖՖ-ն պատրաստ է համագործակցել:

Մարտի 25-ին կայացած Հայաստանի հավաքականի մարզման ժամանակ էլ «Red Eagles»-ի անդամները ֆայերներով ակցիա էին արել: Նրանք մարզադաշտից դուրս էին: Վառել էին ֆայերներն ու վանկարկում էին: Այդպիսով, իրենց խոսքով, փորձում էին քաջալերել ֆուտբոլիստներին:

Տպել
607 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության