Ջավախահայերի պատվիրակությունն այցելել է սփյուռքի նախարարություն

26/03/2019 schedule23:07

Սփյուռքի նախարարի պարտականությունները կատարող Բաբկեն Տեր Գրիգորյանը մարտի 26-ին ընդունեց ջավախահայերի պատվիրակությանը: 

Ինչպես հայտնում են ՀՀ սփյուռքի նախարարությունից, պատվիրակության կազմում էին Հայ առաքելական եկեղեցու Վիրահայոց Թեմի առաջնորդ Վազգեն եպիսկոպոս Միրզախանյանը, Վիրահայոց Թեմի Սամցխե-Ջավախքի և Ծալկայի փոխառաջնորդ Մաղաքիա վարդապետ Ամիրյանը, «ՋԱՎԱԽՔ» հայրենակցական  միության հիմնադրամի գործադիր տնօրեն Արմեն Ավետիսյանը,  գործարար  Արամ Սանոսյանը, Վրաստանի հայ գործարարների միության նախագահ, գործարար Սամվել Աղեկյանը, Վրաստանի Սամցխե-Ջավախք և Քվեմո Քարթլի նահանգների հայկական հասարակական կազմակերպությունների համակարգող Արտակ Գաբրիելյանը, պատմաբան Վահե Սարգսյանը, «ՋԱՀ» իրավաբան Արմեն Եսոյանը, «ՋԱՀ» գործադիր տնօրեն Սամվել Մկոյանը, «ՋԱՀ» հոգաբարձուների խորհրդի  համակարգող Հովհաննես Հովհաննիսյանը, «ՋԱՀ» ներկայացուցիչ, գործարար Գրիգոր Տաշչյանը /ՌԴ Պերմի երկրամաս/, «ՋԱՀ» համահիմնադիր, հոգաբարձուների խորհրդի անդամ, գործարար Սերգեյ Վանցյանը: Ճանաչողական հանդիպման գլխավոր նպատակը Հայ առաքելական եկեղեցու Վիրահայոց թեմի նորանշանակ առաջնորդի հետ ծանոթությունն էր ու ջավախահայության հիմնախնդիրների լուծման ուղիների հետ կապված հարցերի քննարկումը:

Ողջունելով հյուրերին՝ Բաբկեն Տեր Գրիգորյանը կարևորեց նախարարության աջակցությունը Ջավախքի հայության համայնքային, մշակութային, կրթական հարցերի լուծմանը, նշեց, որ առաջիկայում ևս սփյուռքի հարցերով գլխավոր հանձնակատարի գրասենյակը կշարունակի այդ ուղղությամբ աշխատանքներ տանել. «Կան բազմաթիվ խնդիրներ, որ պետք է քննարկվեն մեր վրացի գործընկերների հետ ամենաբարձր մակարդակներում և լուծումներ ստանան: Մենք պետք է աշխատենք այդ ուղղությամբ»:

Հայ առաքելական եկեղեցու Վիրահայոց Թեմի առաջնորդ Վազգեն եպիսկոպոս Միրզախանյանը շնորհակալություն հայտնեց հանդիպումը կազմակերպելու համար և ներկայացրեց Սամցխե-Ջավախքի և Ծալկայի նորանշանակ առաջնորդին՝ Մաղաքիա վարդապետ Ամիրյանին: «Ուրախությամբ պետք է նշեմ, որ երկու տարվա ընդմիջումից հետո Սամցխե-Ջավախքի և Ծալկայի համայնքում  վերջապես նոր հոգևոր առաջնորդ ունենք, որը համայնքի և երիտասարդության հետ աշխատելու մեծ փորձառություն ունի: Շնորհավորենք և հաջողություն մաղթենք նրան: Ուզում եմ շնորհակալություն հայտնել սփյուռքի նախարարությանը՝ այս հանդիպումը կազմակերպելու և ջավախահայության խնդիրներին ծանոթանալու պատրաստակամության համար: Հիմնադրման առաջին օրից նախարարությունը եղել է ջավախահայության կողքին, աջակցել է, օգնել է կարգավորել բազմաթիվ կրթամշակութային խնդիրներ, միասին բազմաթիվ ծրագրեր ենք իրականացրել: Հույս ունենք, որ աջակցությունը կշարունակվի»,- հավելեց Վիրահայոց Թեմի առաջնորդը:

Մաղաքիա վարդապետ Ամիրյանը նշեց, որ սփյուռքի նախարարության հետ վաղուց է համագործակցում, դեռևս Արգենտինայի  թեմում աշխատելու տարիներից և հավելեց. «Հուսով եմ, որ այն մեծ փորձառությունը, որ Արգենտինայից եմ բերել, կօգնի հաղթահարել դժվարությունները: Վստահ եմ, որ պիտի առաջ տանեմ կրթական, մշակութային հարցերը: Ես գալիս եմ ծառայելու համար: Հուսով եմ, որ կկարողանամ օգտակար լինել»:

Սփյուռքի նախարարի պաշտոնակատար Բաբկեն Տեր Գրիգորյանը մեկ անգամ ևս շեշտեց միասին աշխատելու պատրաստակամությունը. «Եկեղեցին համախմբող հարթակ է համայնքն աշխուժացնելու, միասնական դարձնելու և հայապահպանության համար»:

Քննարկման ընթացում անդրադարձ կատարվեց համայնքի առջև ծառացած խնդիրներին, մարտահրավերներին: Հյուրերը շնորհակալություն հայտնեցին արդյունավետ հանդիպման համար, որոշվեց քննարկումներն ավելի հաճախակի և շարունակական դարձնել:

Տպել
683 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)