Քաղաքական հասունություն է պետք ցուցաբերել սոցիալական հարցերը արտադրական բնույթի հարցերին չհակադրելու համար․ Մելքումյան

Պետական կենսաթոշակների մասին օրենքում լրացումներ եւ փոփոխություններ կատարելու մասին նախագծի քննարկման ժամանակ ԱԺ ԲՀԿ խմբակցության պատգամավոր Միքայել Մելքումյանին նախագծի զեկուցող, սոցիալական հարցերի փոխնախարար Սմբատ Սաիյանին մի քանի հարցադրումներ արեց, մասնավորապես՝ քանի՞ ծայրահեղ աղքատ կա երկրում, եւ ո՞ր տոկոսի մասին է խոսքը, երբ ասում ենք՝ թոշակը իսկապես շատ քիչ է։

Հիշեցնենք, որ Սմբատ Սաիյանն այսօր Ազգային ժողովում ներկայացրեց պետական կենսաթոշակների մասին օրենքում լրացումներ եւ փոփոխություններ կատարելու մասին նախագիծը, ըստ որի՝ կառավարությունն առաջարկում է նվազագույն կենսաթոշակ սահմանել 25500 դրամը։

Միքայել Մելքումյանն իր խոսքում հիշեցրեց, որ 2023 թվականին կառավարությունը ծրագրում է երկրում վերացնել ծայրահեղ աղքատությունը, եւ հարցրեց՝ նախագծով հարցի ո՞ր տոկոսն է լուծում․

«Հնարավոր չէ՞ր, եթե գնում ենք տնտեսական հեղափոխության ու սպասում ենք ՀՆԱ-ի աճի, ապա 0.1 տոկոսն ի՞նչ էր, որ չենք դնում ու կտրուկ բարձրացնում՝ 32 հազար դրամ, այսինքն՝ ավելի արագ առաջ գնանք»,- մասնավորապես հարցրեց պատգամավորը, ինչին ի պատասխան՝ փոխնախարարն ասաց, որ սա քննարկման հարց է՝ բարձրացնել կենսաթոշակների չա՞փը, թե վերանորոգել միջհամայնքային որեւէ ճանապարհ․

«Թերեւս պետք է քննարկել ու հասկանալ՝ արդյոք նպատակահարմար է Իջեւանի շրջանի որեւէ ճանապարհահատված վերանորոգե՞լ, թե՞ կենսաթոշակառուների թոշակների չափերը բարձրացնել»։

Մելքումյանը փոխնախարարին հորդորեց քաղաքական հասունություն ցուցաբերել՝ ասելով, որ սոցիալական հարցերը երբեք չպետք է հակադրել արտադրական բնույթի հարցերին․

«Իսկ ո՞վ է ասել, որ ՀՆԱ-ի 0.1 տոկոս աճը ուղղել կենսաթոշակներին, նշանակում է Իջեւանում կամ ինչ-որ այլ տեղ ինչ-որ բան չանել։ Քաղաքական հասունություն պետք է ունենալ, որ մեկը մյուսին չհակադրել, այսինքն, եթե մենք մի սոցիալական ծախս ենք անում, դա պետք է գնա հակադրվի էն մյուս ծախսի՞ն, համադրել է պետք, թե չէ ինչի համար ենք մենք ուզում զարգացնել արտադրությունը, երբեք չհակադրեք իրար»,-մասնավորապես ասաց Մելքումյանը։

Փոխնախարարը պատասխանեց, որ իր նպատակը հակադրելը չէր, այլ ներկայացնելը, որ տնտեսական աճի շրջանակներում գեներացված եկամուտների ծախսման ուղղությունները որոշվում են՝ հաշվի առնելով պետության առաջնահերությունները.

«Վստահեցնում եմ, որ եւս 12 մլն դրամ կենսաթոշակային համակարգի վրա դնելը լուրջ առաջընթաց չի արձանագրելու գլոբալ խնդիրների իմաստով։ Հազար դրամով ավելացումը ենթադրում է շուրջ 5 մլրդ դրամ լրացուցիչ հարց, չենք կարող սրա հետ հաշվի չնշել։ Իսկ երկում ծայրահեղ աղքատությունը մոտ 2,3 տոկոս է կազմում, բայց դա չի նշանակում, որ բոլոր ծայրահեղ աղքատների տեղը պետությունը գիտի, մոտ 60-70 հազար անձ, բայց դրանք բոլորը չեն, որ կենսաթոշակառուներ են, դրանց մեջ ընդամենը մի չնչին մասն է, որ կենսաթոշակառուներն են»,-եզրափակեց փոխնախարարը։

Տպել
823 դիտում

Վրաստանի հետ թռիչքների դադարեցման հետևանքով «Ուրալյան ավիաուղիները» 1 միլիարդ ռուբլու վնաս է կրել

Իրանի տարբեր քաղաքներում սկիզբ առած ցույցերի հետեւանքով 106 մարդ է մահացել. Amnesty International

Նախագահ Արմեն Սարգսյանը հանդիպում է ունեցել Կատարի Հայր Էմիր Համադ բին Խալիֆա Ալ Թանիի հետ

Փոխվարչապետ Տիգրան Ավինյանը մասնակցել է Մրցակցության միջազգային օրվան նվիրված համաժողովին

Փոխվարչապետ Տիգրան Ավինյանն ընդունել է Համաշխարհային բանկի պատվիրակությանը

Սեմյոնովկա գյուղում անասնագոմ է այրվում. ԱԻՆ

Թուրքիան չպետք է վախեցնի Եվրամիությանը՝ օգտագործելով փախստականների խնդիրը. ԵԽ խոսնակ

Չգիտեմ՝ Վատիկանների որ պադվալներում են պախկված, վզներից բռնելու ենք հանենք, տանենք կանգնեցնենք դատարանները. Փաշինյան

Պրոֆեսոր Գրիգորի Կարագուլյանն ընտրվել է ՀՀ ԳԱԱ Մաթեմատիկայի ինստիտուտի տնօրեն

Թուրքիան «աշխարհի ռեկորդ է սահմանել» կալանավորված լրագրողների թվով

Լինելով ադրբեջանցի, մտել եք հայկական եկեղեցի, որտեղ հայեր են․միջադեպ եկեղեցում. Փաշինյանը պատասխանեց ադրբեջանցի բլոգերին

Հայկական գինիները ներկայացվում են Լեհաստանում՝ ENOEXPO 2019 գինու միջազգային 17-րդ ցուցահանդեսում

Խոշոր ավտովթար Լոռիում. կան վիրավորներ (լուսանկարներ)

Պաշտոնական այցով Հայաստան է ժամանել ՌԴ արտակարգ իրավիճակների նախարարի տեղակալ Նիկոլայ Գրեչուշկինը

Գանձաքար գյուղում բռնկված հրդեհը մարվել է. ԱԻՆ

ՀՀ-ից Իտալիայի քաղաքացիների որդեգրած ավելի քան 30 երեխաները ողջ-առողջ են. արդարադատության նախարարությունը վերահսկում է

Արայիկ Հարությունյանն ու աշակերտները հանդիպել են` Երեխաների համաշխարհային օրվա շրջանակում

Հանրային հատվածի մի խումբ ներքին աուդիտորներ բաց նամակով դիմում են վարչապետ Նիկոլ Փաշինյանին

Վարչապետը հանդիպում է Միլանի հայ համայնքի հետ. ուղիղ

Ռուս մեքենավարները ՀՀ-ում են փորձի փոխանակման նպատակով. ՀԿԵ