Ինտերնետի աղբանոցից՝ ֆեյք նորություններ. օնկոգինեկոլոգը՝ պապիլոմա վիրուսի դեմ պատվաստման մասին

Հայաստանում պապիլոմա վիրուսի դեմ պատվաստումների նկատմամբ անվստահությունը շարունակվում է, եւ դա մտահոգում է առողջապահության ոլորտի պատասխանատուներին:

Պատվաստանյութը, որպես արգանդի պարանոցի քաղցկեղի դեմ պայքարի գործուն միջոց, մեր երկրում ներդրվել է 2017 թվականի դեկտեմբերին: Այդ ժամանակ որոշվել էր, որ կպատվաստվեն 13 տարեկան աղջիկները: Բայց այս տարեսկզբին տարիքային շեմը բարձրացվել է՝ պատվաստվելու հնարավորություն տալով նաեւ 14-45 տարեկան անձանց, այդ թվում՝ տղամարդկանց:

Վերջին տվյալով կատարվել է 2 հազար 567 պատվաստում, որից 944-ը, այսինքն՝ մոտ 37 տոկոսը, պատվաստման տարիքի շեմը ընդլայնվելուց հետո: Պատկերն այսպիսին է այն դեպքում, երբ 2017 թվականին հայտարարվում էր, որ վիճակագրական տվյալների համաձայն, Հայաստանում կա 13 տարեկան մոտավորապես 16 հազար աղջիկ:

Առողջապահության նախարարության մայրական եւ վերարտադրողական առողջության պահպանման բաժնի պետ Գայանե Ավագյանը, այսօր լրագրողների հետ հանդիպման ժամանակ փաստեց, որ Հայաստանում տարեկան արձանագրվում է արգանդի պարանոցի առաջնակի քաղցկեղի մինչեւ 260 դեպք, որից 50-60 տոկոսը հայտնաբերվում է ուշ, եւ բժշկությունն անզոր է դառնում փրկելու այդ կանանց կյանքը:

«Տարեկան 70-80 կին մահանում է արգանդի պարանոցի քաղցկեղից: Ես չեմ կարող ասել, դուք, ինքներդ որոշեք՝ դա մե՞ծ թիվ է, թե փոքր: 80 անմեղ զոհեր, որոնք կարող էին չլինել»,- նշեց նա:

Ուռուցքաբանության ազգային կենտոնի փոխտնօրեն, օնկոգինեկոլոգ Գագիկ Բազիկյանը, ընդգծելով, որ պատվաստումների շնորհիվ Հայաստանը համարվում է պոլիոմելիտից զերծ երկիր, խոզուկի, կարմրուկի, գրիպի դեմ պատվաստումները բնակչությունն ընդունում է առանց դժկամության, տարակուսեց. «Ի՞նչ պատահեց այսօր, որ այսպիսի ձայներ բարձրացան, եւ այս վիրուսի դեմ այսպիսի ընդդիմություն եղավ: Ես չեմ հասկանում այն մարդկանց, որոնք ուղղակի ապրիորի վերցնում են ինտերնետի աղբանոցի ֆեյքային նորություններ եւ  բերում, դնում են սեղանին: Եթե ունեն հետազոտություններ, էքսպերիմենտներ, գիտական աշխատանքներ, թող բերեն, միասին աշխատենք: Բայց աղբանոցից բերած ֆեյքային նորությունները հակասում են մարդկային մոտեցումներին: Ես չեմ կարծում՝ 70-ից ավելի երկրների կառավարությունները, առողջապահության նախարարությունները, Առողջապահության համաշխարհային կազմակերպությունը թշնամություն անի այդ երկրների կանանց հանդեպ: Ինչո՞ւ ենք մենք հրաժարվում»:

«Այդքան խոսում ենք արգանդի վզիկի քաղցկեղի մասին, բայց մեր նպատակը պապիլոմա վիրուսից առաջացող բոլոր քաղցկեղների դեմ պայքարն է: Ուղիղ աղու քաղցկեղի 91 տոկոսը դարձյալ պապիլոմա վիրուսի պատճառով է: Ինչու չէ, նաեւ կոկորդի քաղցկեղը: Դրա 70 տոկոսը պապիլոմա վիրուսով է պայմանավորված: Տղամարդկանց, կանանց սեռական օրգանների քաղցկեղի առնվազն 70 տոկոսը պապիլոմա վիրուսով է պայմանավորված»,- ասաց Իմունականխարգելման ազգային ծրագրի ղեկավար Գայանե Սահակյանը:

Նա հերքեց տարածվող լուրերը, թե պատվաստանյութի շահառուների ընդլայնումն օրինական հիմք չունի՝ հղում անելով առողջապահության նախարարի համապատասխան հրամանի վրա: Նշեց նաեւ, որ պատվաստանյութի պահպանման ժամկետը մինչեւ 2020 թվականի ապրիլն է, ի պատասխան տարածվող տեղեկությունների, թե դրա ժամկետը մոտենում է ավարտին: Պապիլոմա վիրուսի դեմ պատվաստում իրականացնելու նախաձեռնությունը Հայաստանում դիմադրության հանդիպեց առաջին իսկ օրվանից: Որոշ խմբեր, այդ թվում բժիշկներ, հայտարարում էին պատվաստանյութի վնասակարության մասին: Նախարարության մասնագետները դժվարացան կարծիք հայտնել այդ մարդկանց դրդապատճառների մասին, բայց եւ ընդգծեցին, որ խնդիրը նեղ մասնագիտական է եւ պատվաստման դեմ խոսելուց առաջ պետք է նյութի մեջ խորամուխ լինել:

Տպել
2480 դիտում

Վարչապետն ընդունել է ԵԱՀԿ Մինսկի խմբի համանախագահներին

Արցախի ոստիկանների կողմից հետախուզվողը հայտնաբերվել է Երևանում

Փրկարարները Կապան քաղաքում հայտնաբերված օձին տեղափոխել են անվտանգ տարածք

Երեւանում Ցեղասպանության թանգարան այցելելը շատ հուզիչ էր. Քարդաշյանը կրկին խոսել է Հայոց ցեղասպանության մասին

Հայաստանը 3 մեդալ է նվաճել սամբոյի աշխարհի առաջնությունից

Հակատուբերկուլյոզային դիսպանսերի աշխատողները բողոքի ակցիա են կազմակերպել. դժգոհում են ֆինանսավորման պակասից

«Հայելի» ակումբի մասնագիտական գործունեությունը խոչընդոտելու համար մեղադրանք է առաջադրվել 4 անձի

Զինված խմբի պարագլուխ համարվող Արթուր Վարդանյանը դատի է տվել Էդուարդ Շարմազանովին

Սիրիայում 4 երեխա է զոհվել, 9-ը՝ ծանր վիրավորում ստացել, իր տունը հարկադրված լքել է 70 հազար երեխա. ՅՈՒՆԻՍԵՖ

Երեւանի աղբահանության հիմնարկի բաժիններից մեկի պետը դուրս է գալիս աշխատանքից

Զորավարժությունների արդյունքում մեր վստահությունն ավելացել է մեր ԶՈՒ-ի և հավաքական ուժի նկատմամբ. վարչապետ

Գյումրիում այրվել է մոտ 10 հա խոտածածկ տարածք և 20 պտղատու ծառ

Շուշի քաղաքում բացվել է հայ-իրանական գիտամշակութային կենտրոն

Երևանում և ևս 7 մարզում այսօր էլեկտրաէներգիայի անջատումներ կլինեն

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ