Մի կաթիլ մեղրի պատմություն, որն ավարտվել էր սպանությամբ. մեղադրյալը պնդում է, որ ինքն ինքնապաշտպանվել է, ոչ թե սպանել

Անցած տարի նոյեմբերին ճանապարհը չզիջելու շուրջ ծագած վիճաբանության ժամանակ տեղի ունեցած սպանության գործով նախաքննությունն օրեր առաջ ավարտվել է եւ գործն ուղարկվել է դատարան:

Դեպքը տեղի է ունեցել նոյմբերի 9-ին. սպանվածը՝ 35-ամյա Սանասար Բարսեղյանը, մահացու վնասվածքները ստացել է ավտոմեքենայի ճանապարհը չզիջելու շուրջ ծագած վիճաբանության ու ծեծկռտուքի ժամանակ: Գործով մեղադրանք է առաջադրվել 36-ամյա Վարուժան Գյուրջինյանին, որը սակայն մեղադրանքը չի ընդունում՝ նշելով, որ ոչ թե դիտավորություն է ունեցել սպանելու, այլ՝ ինքնապաշտպանվել է:

Վիճաբանությունը ծագել է տուժող Սանասար Բարսեղյանի ընկերոջ՝ «Օպել» մակնիշի ավտոմքենայի վարորդ Վահան Խաչատրյանի եւ մեղադրյալի ընկերոջ՝ Վարդան Ջուլֆայանի միջեւ՝ ճանապարհը չզիջելու պատճառով: Ըստ պաշտոնական հաղորդագրության՝ պարզաբանումներ կատարելու նպատակով վիճաբանող կողմերը պայմանավորվել են հանդիպել, ինչին մասնակցել են նաեւ նրանց ընկերները: Հանդիպումն ավարտվել է վիճաբանությամբ եւ ծեծկռտուքով, որի ժամանակ էլ մասնավոր ավտոդասընթացներ իրականացնող տղամարդու ընկերը (Վարուժան Գյուրջինյանը,-հեղ.) դանակով հարվածներ է հասցրել Սանասար Բարսեղյանին՝ պատճառելով «2-րդ կողաճառի, մեծ ճարպոնի, գոտկամկանի վնասումներով ձախից՝ կրծքավանդակի, որովայնի, գոտկային շրջանների ծակած-կտրած, թափանցող, արնահոսող վերքերի ձևով», առողջության համար ծանր վնասի հատկանիշներ պարունակող, կյանքին վտանգ սպառնացող մարմնական վնասվածքներ:

Պաշտպանական կողմը, սակայն, չի ընդունում առաջադրված մեղադրանքը: Թեմայի վերաբերյալ մեր հարցերին է պատասխանել մեղադրյալ Գյուրջինյանի պաշտպան Ինեսա Պետրոսյանը:

- Տիկին Պետրոսյան, ի վերջո ի՞նչից է առաջացել վիճաբանությունը:

- Վարուժան Գյուրջինյանը դեպքի օրը՝ նոյեմբերի 9-ին, գտնվում էր Կոմիտասի Արամ Խաչատրյանի փողոցի վրա գտնվող բնակարանում, այնտեղ կատարում էր շինարարական վերանորոգման աշխատանքներ եւ իրեն օգնելու է գալիս իր վաղեմի ընկերը՝ Վարդան Ջուլֆայանը: Այդ ժամանակ Վարդանին զանգեր են գալիս, ու սկսում են անհանգստացնել, նա պատասխանում է, որ համար չէ հանդիպել եւ այլն, սակայն զանգերը չեն դադարում: Վարուժանը հետաքրքրվում է, թե ի՞նչ է տեղի ունեցել եւ Վարդանը պատմում է, որ նշված օրը ինքը ավտոդասընթաց էր տալիս ինչ-որ աղջկա՝ իրեն պատակնող Հունդայի Էլանտրա մակնիշի ավտոմեքենայով, որի ժամանակ ինչ-որ ավտոմեքենա փորձել է վազանց կատարել, սակայն չի ստացվել, որից հետո այդ ավտոմեքենայի վարորդը բորբոքվել է, մեքենայի վրա գրված հեռախոսահամարով զանգահարել է Վարդանի բջջային հեռախոսահամարին եւ Վարդանի հետ կոպիտ տոնով խոսել, նա էլ ասել է, որ մեքենայի մեջ աղջիկ կա եւ չի կարող խոսել: Դրանից հետո էլի այդ տղան շարունակել է զանգել, կոպտել Վարդանին, վերջինս էլ կրկնել է, որ չի կարող խոսել:

Հերթական զանգի ժամանակ նա ասում է, որ գտնվում է Արամ Խաչատրյանի վրա գտնվող բնակարաններից մեկում. դիմացի կողմը չի համաձայնվում, որպեսզի նա գործը ավարտի, ընկերոջը օգնի, հետո հանդիպեն: Ի վերջո պայմանավորվում են հանդիպել. նշեմ, որ բնակարանը գտնվում է շենքի 1-ին հարկում եւ քանի որ իմ պաշտպանյալը բանվորական շորերով է եղել, դուրս չի եկել, Վարդանի հետ հանդիպելու եկած երկու տղաներին առաջարկել է գալ եւ տանը խոսել, սակայն նրանք հրաժարվել են: Պաշտպանյալս ասել է, որ հագուստ փոխի, կգան: Պարզվում է, որ գործով վկա Վահան Խաչատրյանը այնտեղ է եկել շատ մեծ խմբով՝ 10-14 հոգու հավաքել էր իր գլխին, ինչքան ծանոթ ուներ, եկել են, որ պետք է հարձակում գործեն Վարդանի վրա, դա է խնդիրը եղել, որ չի համաձայել բարձրանալ եւ տանը նորմալ պայմաններում խոսել: Երբ որ Վարդանն ու իմ պաշտպանյալը շքամուտքից դուրս են գալիս, երկու հոգու են տեսնում, բայց արդեն զգում են, որ տարբեր տեղերից ինչ-որ մարդիկ են դարանակալել: Իրենք քայլերն ուղղել են դեպի ավտոտնակների կողմ, այդ ընթացքում իմ պաշտպանյալն ասում է, որ ի՞նչ խոսելու բան կա, ի վերջո ղեկին աղջիկ է եղել: Այդ ընթացքում անմիջապես այդ ըմբոստ տղան՝ Վահանը, առաջին հարվածը հասցնում է Վարդանին, Վահանի հետ եկած գործով տուժող Սանասար Բարսեղյանը հարվածում է Վարուժանին ու երբ նրան գցում են գետնին՝ բոլորը վրա են հասնում, ու առնվազն 4-5 հոգով սկսում են իմ պաշտպանյալին ու Վարդանին ծեծի ենթարկել: Նրանց այլ բան չի մնում, քան փախչելը, անցնում են դիմացի մայթը ու երկուսով փախչում են: Այս տղաները ընկնում են նրանց հետեւից, տարբեր ուղղություններով վազում են, նույնիսկ տեսախցիկներ կան, ֆիքսել են, հակառակորդ կողմը մի քանի ավտոմեքենաներով է լինում, որոնք կայանած են լինում Արամ Խաչատրյան փողոցի վրա: Վարուժան Գյուրջինյանը նշեմ, որ սրտի հետ կապված լուրջ խնդիր ունի, ճանապարհին նույնիսկ չի էլ կարողանում վազել. շենքերի հետեւից դուրս են եկել Հովսեփ Էմին եւ Փափազյան փողոցների խաչմերուկում եւ արագ քայլերով իջել Հ. Էմինի փողոցով՝ դեպի Դավիթաշենի կամուրջ տանող ճանապարհ: Չհասնելով դեպի Դավիթաշենի կամուրջ տանող ճանապարհ՝ պաշտպանյալս նկատել է իրեն հարվածած թիկնեղ տղային՝ Սանասարին, փորձել է փախչել, սակայն չի կարողացել: Սանասար Բարսեղյանը, որը բավականին հաղթանդամ երիտասադ է լինում, ի տարբերություն Վարուժան Գյուրջինյանի, ում հասակը 1,64 է եւ քաշը՝ 53 կգ ընդամենը, հարձակվում է Վարուժանի վրա, իսկ Վահանն էլ երկաթյա ձողով հարձակվում է Վարդանի վրա: Բարսեղյանը սկսում է Վարուժանի գլխին հարվածներ հասցնել. այդ անհավասար պայքարում Վարուժանը տեսնում է, որ Սանասարի գոտկատեղին դանակ կա, այդ ժամանակ հանում է դանակը եւ անկանոն հարվածներ հասցնում, որպեսզի կարողանա փրկվի, նույնիսկ գոռում է՝ Վարդան օգնի: Հետո ինքն ու Վարդանը փախչում են այդտեղից, տուժողն էլ գնում է: Հետո գործի քննությամբ պարզվում է, որ տուժողը մոտավորապես 80-100 մետր իջնում է այդպես, արյան կորուստ է ունենում եւ իր ընկերները, ովքեր այդքան հոգով եկել էին իր հետ, որեւէ օգնություն ցույց չեն տալիս իրեն եւ միայն հետո հեռախոսազանգով են իմանում, որ Սանասարը նման խնդրի մեջ է. տարածքի հարեւանները հրավիրում են շտապօգնություն, այն ուշանում է, անծանոթ մի մեքենայով տուժող Սանասար Բարսեղյանին բավականին ուշացումով հասցնում են հիվանդանոց, որտեղ նա արյան առատ կորստից մահանում է: Ընկերներն անգամ հիվանդանոցում չեն մնում, որովհետեւ ակնհայտորեն գիտեին, որ իրենց սարքած գործն է սա, նույն գործով վկա Վահան Խաչատրյանն է այս ամբողջ գործի հեղինակը ու թողնում հիվանդանոցից հեռանում է եւ ցուցմունք տալիս ասում է՝ համացանցից տեղեկացա, որ Սանասարը մահացել է:

- Ձեր պաշտպանյալ Վարուժան Գյուրջինյանը դեպքից հետո ինքնակա՞մ է ներկայացել ոստիկանության բաժին:

- Միանշանակ ինքնակամ է ներկայացել այն առումով, որ այստեղ պետք է նշեմ հետեւյալը: Իմ պաշտպանյալը, երբ շոկային վիճակով դեպքի վայրից փախչում է, գիշերը կարդում է, որ նման դեպք է  եղել, նոր հասկանում է, որ այդ դեպքի մասին է խոսքը: Առավոտյան մոտավորապես ժամը 12-ի սահմաններում զանգահարում է ինձ, տեղեկացնում, խնդրում, որպեսզի ես հադիպեմ իրեն, ինքը գտնվում է այդ ժամանակ իր հաշվառման հասցեում: Ես մոտենում եմ, ինքը ինձ ներկայացնում է, որ նման դեպք է եղել եւ այդ պահին մտածում ենք, թե որ բաժին պետք է ներկայանանք, երբ 10 րոպեի ընթացքում գալիս են ոստիկանության աշխատակիցները եւ իմ պաշտպանյալին ուղեկցում ոստիկանության Արաբկիր բաժին. անմիջապես իրենց հետ գնում եմ քննչական բաժին, բոլորը տեսնում են, որ պաշտպանը իր հետ է եղել եւ գտնվելիս է եղել իր հաշվառման հասցեում: Որեւէ փախուստի, չներկայանալու մասին խոսք չէր կարող գնալ, որովհետեւ ես իր հետ գտնվել եմ իր հաշվառման հասցեում:

- Տիկին Պետրոսյան, դուք պնդո՞ւմ եք, որ տեղի ունեցածը ոչ թե դիտավորյալ սպանություն է այլ՝ անհրաժեշտ ինքնապաշտպանություն:

- Երբ մենք ներկայացանք բաժին, իմ պաշտպանյալն ասաց, որ  հարվածների արդյունքում է այդ ցավալի դեպքը տեղի ունեցել, սակայն նկարագել է, թե ինչ հանգամանքներ են եղել: Ինքը ոչ մի բանից տեղյակ չի եղել, երբեւիցե չի ճանաչել տուժող կողմին եւ որեւէ մեկին, գնացել էր շինարարական աշխատանքներ անելու ու ընկել նման պատմության մեջ: Մենք այստեղ գործ ունենք անհրաժեշտ պաշտպանության հետ, մինչդեռ վարույթն իրականացնող մարմինը նման ապօրինի մեղադրանք է առաջադրել, ինչն ակնհայտորեն անհիմն է: Նշեմ, որ առաջին ատյանի դատարանը կալաքի քննարկման ժամանակ, նաեւ վերջին երկարացման ժամանակ էլ նշել է, որ քրեական օրենսգրքի 104 հոդվածին համապատասխան հիմնավոր կասակած այստեղ առկա չէ. դեպք ունեն այստեղ տեղի ունեցած, բայց ոչ դիտավորյալ սպանություն, որովհետեւ գործով ձեռք բերված բոլոր տվյալները խոսում են այն մասին, որ այստեղ չկա դիտավորյալ սպանություն:

- Դուք միջնորդե՞լ եք վերաորակել ձեր պաշտպանյալին առաջադրված մեղադրանքը:

- Այո, միջնորդություններ ներկայացվել են, մերժվել են ինչպես քննիչի կողմից, այնպես էլ՝ հետո բողոքարկվել է դատախազին, վերջինս մերժել է: Այժմ գործն ուղարկվել է դատարան եւ արդեն ապրիլի սկզբին նախնական դատական նիստի օր է նշանակվել:

- Վահան Խաչատրյանը, որն ըստ պաշտպանական կողմի՝ այս ամենի հեղինակն է, գործով ի՞նչ կարգավիճակ ունի:

- Վկայի: Տեղեկություն ունեմ, որ նրա նկատմամբ մի քանի անգամ ծեծի հոդվածով քրեական գործեր են հարուցվել, սակայն հետագայում կարճվել են, գործում եւս այդպիսի տվյալներ կան:

- Նշեցիք, որ Սանասար Բարսեղյանը հարվածներ է հասցրել ձեր պաշտպանյալին, դատաբժշկական փորձաքննության արդյունքները կա՞ն, նա ի՞նչ վնասվածքներ է ստացել:

- Շրթունքի, ականջի մասում ուներ վնասվածք եւ հիմնական հարվածները գլխին են եղել:

Սույն թեմայի վերաբերյալ փորձեցինք զրուցել նաեւ տուժող Սանասար Բարսեղյանի հոր՝ Հայկազ Բարսեղյանի հետ. սակայն վերջինս մեր հեռախոսազանգն անպատասխան թողեց:

Տպել
5321 դիտում

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն