Հրաժարվել Մադրիդյան սկզբունքներից. Ամերիկայի հայկական ազգային կոմիտեի կոչը

22/03/2019 schedule18:10

Ամերիկայի հայկական ազգային կոմիտեն (ԱՀԱԿ) հաստատել է իր սկզբունքային անհամաձայնությունը Մադրիդյան սկզբունքներին՝ խորապես սխալ եւ հապճեպ արված ասիմետրիկ առաջարկություն, որն առաջ է քաշել ԵԱՀԿ Մինսկի խումբը Արցախի կարգավճակի եւ անվտանգության վերաբերյալ։ Այս մասին ասված է կոմիտեի տարածած հայտարարության մեջ:

Նշվում է, որ կազմակերպությունն աջակցում է բանակցություններին ԵԱՀԿ Մինսկի խմբի շրջանակում՝ որպես կառուցողական հարթակ բանակցությունների շարունակման համար, բայց մերժում է առկա առաջարկությունը՝ որպես խորապես սխալ եւ վերջնարդյունքում՝ հակաարդյունավետ պլան, որը հետ է մղում խաղաղության գործը եւ բարձրացնում պատերազմի վերսկսման վտանգի հարցը։

«Մադրիդյան սկզբունքները խորապես ասիմետրիկ, նախնական, ռազմավարական եւ Արցախի հողերի ու անվտանգության անվերադարձ զիջումներ պահանջող սկզբունքներ են՝ Ադրբեջանի կողմից կարգավիճակի վերաբերյալ միայն անորոշ, ժամկետանց խոստումների դիմաց։ Մադրիդյան սկզբունքների փուլայնությունը պատասխանատվություն է դնում Արցախի վրա եւ ամբողջ շահավետությունը տրամադրում է Ադրբեջանին։ Այդ ոչ կոռեկտ բանաձեւը խաղաղության չի հանգեցնի, այլ, ամենայն հավանականությամբ, պայմաններ կստեղծի հակամարտության շարունակման եւ տարածաշրջանային անկայունության համար:

Ադրբեջանը վերջին 25 տարիներին հետեւողականորեն խախտել է Հայաստանի եւ Արցախի հետ 1994 թվականի հրադադարի մասին եռակողմ համաձայնագրի իր պարտավորությունները՝ հարցականի տակ դնելով, թե արդյոք ներկա կամ ապագա ղեկավարությունը գործնականում կհետեւի Բաքվի պարտավորություններին՝ Մադրիդյան համաձայնագրի վրա հիմնված խաղաղության պլանի շրջանակում։ Մադրիդյան սկզբունքները հակասում են դեմոկրատական ինքնորոշման հավատին։ Դեմոկրատական եւ այլ կարգավորումը պետք է հիմնվի ազատ քաղաքացիների՝ իրենց ընտրությամբ որ կառավարության կառավարմամբ ապրելու իրավունքի վրա։ Մադրիդյան սկզբունքները չեն վերաբերում եւ անգամ չեն ընդունում Ադրբեջանի կողմից Արծվաշենի (Հայաստանի Հանրապետություն) եւ ողջ Շահումյանի, Մարտակերտի ու Մարտունու (Արցախի Հանրապետություն) օկուպացիան։

Ընդգծվում է, որ չկա որեւէ հիմք ենթադրելու, թե Արցախի կողմից իր ինքնիշխան տարածքի հանձնումը որեւէ կերպ Արցախն ավելի անվտանգ կդարձնի, իսկ Ադրբեջանը՝ պակաս ագրեսիվ, որ դրան կհետեւի Ադրբեջանի հրաժարումը Արցախի հանդեպ հավակնություններից եւ որ միջազգային խաղաղարարները փաստորեն կկանխեն կամ նույնիսկ կխոչընդոտեն Ադրբեջանի նոր գրոհներին։

Կոչ ենք անում ԱՄՆ-ին շարունակել առաջնորդությունը ԵԱՀԿ Մինսկի խմբում: Կոչ ենք անում կողմերին՝ հետաձգել չկայացած Մադրիդյան սկզբունքները եւ հրաժարվել հակամարտության լուծման այդ խորապես սխալ փուլային եւ ասիմետրիկ մոտեցումից, մշակել նոր մոտեցում՝ հիմնված դեմոկրատիայի եւ ինքնորոշման վրա, որը կլուծի կարգավիճակի եւ անվտանգության հարցերը Արցախի եւ Ադրբեջանի հանրապետությունների միջեւ, կամ Հայաստանի հետ միավորման հարցը՝ պահանջելով Արցախի Հանրապետության մասնակցության լիակատար վերականգնում բոլոր բանակցություններում եւ նրա ապագայի վերաբերյալ որոշումներ կայացնելիս»,- մասնավորապես ասված է հայտարարության մեջ։

Տպել
4466 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ