Այն, որ որեւէ նախագիծ ներկայացրել է ընդդիմությունը, դա դեռ չի նշանակում, որ այդ նախագիծը պետք է մերժվի․ վարչապետ

Կառավարության անդամներն այսօր՝ մարտի 21-ին, երկար քննարկումից հետո հավանության արժանացրին եւ կողմ քվեարկեցին ԱԺ «Լուսավոր Հայաստան» խմբակցության պատգամավորների կողմից ներկայացված «Վարչական իրավախախտումների վերաբերյալ օրենսգրքում լրացում կատարելու մասին» նախագծին։ Նախագիծը ներկայացնում էր Արդարադատության նախարար Արտակ Զեյնալյանը։

Նա նշեց, որ նախագծով առաջարկվում է վարչական պատասխանատվություն սահմանել լիզենցիա չունեցող անձանց կողմից վարկային ծառայությունների գովազդումը լրատվության միջոցների, սոցիալական ցանցերի, էլեկտրոնային հաղորդակցման ցանկացած այլ միջոցների օգտագործմամբ։

ՀՀ վարչապետ Նիկոլն Փաշինյանն արձագանքեց, որ, ըստ էության, նախագծի հեղինակների մտահոգությունն այն է, որ տարբեր տեղերում գովազդվում են վարկեր, փողեր, պարտքեր, որոնց հետեւանքով առաջանում են խնդիրներ․

«Մարդիկ, ժարգոնով ասած, տոկոսի տակ են ընկնում»,- մասնավորապես նշեց Փաշինյանը՝ շեշտելով, որ ՀՀ օրենսդրությամբ կա հնարավորություն՝ առանց լիցենզավորման նման օրինական ծառայություն մատուցվի։

«Կենտրոնական բանկի հետ մենք շատ կարեւորել ենք քաղաքացիների ֆինանսական գրագիտության բարձրացումը։ Մի բանում վստահ ենք՝ մենք պետք է անենք պետական ծրագրեր՝ քաղաքացիների ֆինանսական գրագիտությունը բարձրացնելու առումով»,- ասաց վարչապետը։

ՀՀ կենտրոնական բանկի նախագահ Արթուր Ջավադյանն էլ նշեց, որ այս ուղղությամբ բազմաթիվ ծրագրեր են իրականացնում, այս պահին աշխատում են կրթության եւ գիտության նախարարության հետ․

«Դպրոցների բավական մեծ թվով ուսուցիչներ վերապատրաստում են, նրանց ամբողջական քանակը մոտ 12 հազար է»,- նշեց ԿԲ նախագահը։ Նա առաջարկեց, որ շատ խիստ պատժվեն առանց լիցենզավորման գործունեություն ծավալնողները, որովհետեւ, ինչպես նշեց Ջավադյանը, 50 հազար դրամը շատ ավելի քիչ գումար է․

«Կան արդեն հարուցված քրեական գործեր՝ ոչ լիցենզավորված գործունեություն իրականացնելու համար։ Չեմ կարծում, թե 50 հազարը բավարար կանխարգելիչ միջոց է»,- ասաց ԿԲ նախագահը։

Փոխվարչապետ Մհեր Գրիգորյանն արձագանքեց՝ հարցնելով, որ եթե մենք բուն գործունեության հետ խնդիր չունենք, գովազդի վերաբերյալ ինչո՞ւ ենք խնդիր առաջացնում․

«Գուցե գործունեությունը արգելենք ու դրա համար սահմանենք վարչական պատասխանատվություն։ Սա եղավ էն կուրսայինների պատմությունը՝ բուն ֆունկցիայի հետ պրոբլեմ չունենք, բայց գովազդը արգելում ենք»,- նկատեց Գրիգորյանը։

Նիկոլ Փաշինյանը ԿԲ նախագահին հարցրեց՝ ի վերջո, նախագծին կո՞ղմ են, թե՞ դեմ, քանի որ գրավոր տեքստում գրված է, որ բացասական եզրակացություն պետք է տալ, բայց իր բանավոր խոսքում ԿԲ նախագան ասաց, որ շատ էլ լավ նախագիծ է․

«Այստեղ կարող եմ կռահել, որ գործ ունենք հին իներցիայի հետ, քանի որ նախագիծը ներկայացված է ընդդիմության կողմից, ուրեմն պետք է մերժել։ Եթե դա է, ուրեմն շատ վատ իներցիա է։ Հիմա կողմ ե՞ք, թե՞ դեմ»,-հարցրեց վարչապետը, ինչին ի պատասխան՝ ԿԲ նախագան ասաց, որ կողմ է։

Նիկոլ Փաշինյանը պաշտոնապես հայտարարեց, որ այն, որ որեւէ նախագիծ ներկայացրել է ընդդիմությունը, դա դեռ չի նշանակում, որ պետք է մերժվի․

«Հարգելի գործընկերներ, այն, որ որեւէ նախագիծ ներկայացրել է ընդդիմությունը, դա դեռ չի նշանակում, որ այդ նախագիծը պետք է մերժվի։ Այս պահից պետք է արձանագրվի նման գործելակերպի ավարտը։ Առաջարկում եմ նախագծի վերաբերյալ մեր դրական վերաբերմունքն արտահայտենք»,-ասաց Փաշինյանը։

Տպել
1537 դիտում

Վրաստանի հետ թռիչքների դադարեցման հետևանքով «Ուրալյան ավիաուղիները» 1 միլիարդ ռուբլու վնաս է կրել

Իրանի տարբեր քաղաքներում սկիզբ առած ցույցերի հետեւանքով 106 մարդ է մահացել. Amnesty International

Նախագահ Արմեն Սարգսյանը հանդիպում է ունեցել Կատարի Հայր Էմիր Համադ բին Խալիֆա Ալ Թանիի հետ

Փոխվարչապետ Տիգրան Ավինյանը մասնակցել է Մրցակցության միջազգային օրվան նվիրված համաժողովին

Փոխվարչապետ Տիգրան Ավինյանն ընդունել է Համաշխարհային բանկի պատվիրակությանը

Սեմյոնովկա գյուղում անասնագոմ է այրվում. ԱԻՆ

Թուրքիան չպետք է վախեցնի Եվրամիությանը՝ օգտագործելով փախստականների խնդիրը. ԵԽ խոսնակ

Չգիտեմ՝ Վատիկանների որ պադվալներում են պախկված, վզներից բռնելու ենք հանենք, տանենք կանգնեցնենք դատարանները. Փաշինյան

Պրոֆեսոր Գրիգորի Կարագուլյանն ընտրվել է ՀՀ ԳԱԱ Մաթեմատիկայի ինստիտուտի տնօրեն

Թուրքիան «աշխարհի ռեկորդ է սահմանել» կալանավորված լրագրողների թվով

Լինելով ադրբեջանցի, մտել եք հայկական եկեղեցի, որտեղ հայեր են․միջադեպ եկեղեցում. Փաշինյանը պատասխանեց ադրբեջանցի բլոգերին

Հայկական գինիները ներկայացվում են Լեհաստանում՝ ENOEXPO 2019 գինու միջազգային 17-րդ ցուցահանդեսում

Խոշոր ավտովթար Լոռիում. կան վիրավորներ (լուսանկարներ)

Պաշտոնական այցով Հայաստան է ժամանել ՌԴ արտակարգ իրավիճակների նախարարի տեղակալ Նիկոլայ Գրեչուշկինը

Գանձաքար գյուղում բռնկված հրդեհը մարվել է. ԱԻՆ

ՀՀ-ից Իտալիայի քաղաքացիների որդեգրած ավելի քան 30 երեխաները ողջ-առողջ են. արդարադատության նախարարությունը վերահսկում է

Արայիկ Հարությունյանն ու աշակերտները հանդիպել են` Երեխաների համաշխարհային օրվա շրջանակում

Հանրային հատվածի մի խումբ ներքին աուդիտորներ բաց նամակով դիմում են վարչապետ Նիկոլ Փաշինյանին

Վարչապետը հանդիպում է Միլանի հայ համայնքի հետ. ուղիղ

Ռուս մեքենավարները ՀՀ-ում են փորձի փոխանակման նպատակով. ՀԿԵ