Եվրո 2020-ի ընտրական փուլի մեկնարկից առաջ հայ ֆուտբոլասերների քննարկումներում սպասելիքների վերաբերյալ խոսակցություններ գրեթե չկան: Գուցե նրանց հիշողություններում դեռ թարմ է այն, որ ընդամենը մի քանի ամիս առաջ Հայաստանը կորցրեց խոշոր մրցաշարի ուղեգիր ձեռք բերելու իր պատմության լավագույն հնարավորությունը. տապալվեց Ազգերի լիգայում, որտեղ պայքարում էր հզորությամբ իրեն համարժեք թիմերի դեմ: Իսկ հիմա՝ Եվրոյի որակավորման փուլում, J խմբում մրցակիցները, մեղմ ասած, նվեր չեն՝ Իտալիա, Բոսնիա եւ Հերցեգովինա, Ֆինլանդիա, Հունաստան: ՀՀ-ն թերեւս շունչ կքաշի միայն Լիխտենշտեյնի դեմ խաղերում: ՖԻՖԱ-ի՝ փետրվարին հրապարակած դասակարգման աղյուսակում Հայաստանն իր խմբի ներկայացուցիչներից միայն այս թիմին է գերազանցում: Գումարած այս ամենին գլխավոր մարզիչ Արմեն Գյուլբուդաղյանցի կողմից առաջին 2 խաղերին հրավիրված կազմն էլ մի շարք երկրպագուների շրջանում դժգոհությունների առիթ է դարձել:

Այս ընտրական փուլին ընդառաջ հենց կազմի մասին խոսակցություններն են գերակայում ֆուտբոլասերների շրջանում: Մարզիչը նախնական հայտացուցակում ընդգրկել է քիչ խաղաժամանակ ունեցող կամ ընդհանրապես չունեցող ֆուտբոլիստներ՝ այդ թվում 5 դարպասապահ ու առանց ակումբի մնացած Յուրա Մովսիսյանին: Եթե մյուս օղակներում մարզիչը կարող է տարբեր մարտավարություններ մշակելով փորձել լուծել այդ խնդիրը, ապա դարպասապահի դիրքի վրա պրակտիկայի բացակայությունն առավել ցայտուն է երեւում: 5 դրապասապահներից ոչ մեկն այնպիսի վիճակում չէ, որ հնարավոր լինի հստակ ասել, որ հենց նա է լինելու հիմնական կազմում: Անատոլի Այվազովն ու Արսեն Բեգլարյանը 2019 թ. ընթացքում դեռեւս չեն խաղացել, Արամ Հայրապետյանը, Հենրի Ավագյանը, Գրիգոր Մելիքսեթյանը քիչ են խաղում:

Հարձակման գծի իրավիճակը մի շարք երկրպագուների նույնպես չի հիացրել: Նրանց զարմացրել է, որ մարզիչը դարպասպահ ընտրելու համար հրավիրել է 5, իսկ հարձակվող ընտրելու համար միայն 3 ֆուտբոլիստ, որոնցից մեկը ոչ միայն խաղաժամանակ, այլեւ ընդհանրապես ակումբ չունի: Ճիշտ է՝ կան կարծիքներ, որ Մովսիսյանն ընդամենը թիմակիցների կողքին լինելով կարող է շատ օգտակար լինել, սակայն մյուս կողմից ոմանք նրա ներկայությունն այս պարագայում չեն հասկանում: Հարձակվողներից մյուսը՝ արգենտինահայ Նորբերտո Բրիասկո Բալեկյանը, 2018-ի մարտին ընտրանու կազմում նորամուտը նշելուց հետո չի հրավիրվել, իր թիմի՝ «Ուրականի» կազմում էլ, դատելով ակումբի ֆեյսբուքյան էջի հրապարակումներից, վերջերս միշտ չէ, որ խաղաժամանակ է ստանում: Մնում է Ալեքսանդր Կարապետյանը:

Հայտացուցակի խնդիրները լրացնում է Մարկոս Պիզելիի բացակայությունը: Ազգերի լիգայում հենց նա էր դարձել թիմի ոգին ու առաջատարը: Այդ մրցաշարի Մակեդոնիայի դեմ խաղում ստացած լուրջ վնասվածքից հետո նա վիրահատվեց եւ դեռեւս վերականգնվում է: ՀՀ ընտրանու մյուս առաջատար, ավագ Հենրիխ Մխիթարյան էլ «Արսենալից» ժամանել է նոր-նոր մեջքի վնասվածքից ապաքինվելուց հետո:

Իսկ ահա առաջիկա՝ մարտի 23-ին կայանալիք, խաղում ՀՀ մրցակից Բոսնիա եւ Հերցեգովինան հայտնի ակումբներում խաղացող ֆուտբոլիստների պակաս չունի: ՀՀ դեմ տնային հանդիպման նրանց հայտացուցակում են այնպիսի խաղացողներ, ինչպիսիք են Միրալեմ Պյանիչ «Յուվենտուսից», Էդին Ջեկոն «Ռոմայից», Կենան Կոդրոն «Ատլետիկից» եւ այլն:

ՀՀ ընտրանու կազմում կադրային այս խնդիրները պատահական չեն ի հայտ եկել: Այս իրավիճակը տարիների ընթացքում առաջացած ու չվերացված թերությունների արդյունքն է: Այդ բացերի մասին մասնագետները վաղուց են խոսում, ընդգծում, որ խորքային են ու որ երկար տարիներ են պետք շտկումներ անելու համար: Ստացվում է, որ Եվրո 2020-ի ընտրական փուլի ընթացքում պետք է բավարարվենք նրանով, ինչ ունենք: Որակավորման փուլը կայանալու է 2019-ի ընթացքում: Իհարկե հնարավոր է, որ տարվա ընթացքում ներկա կազմում փոփոխություններ լինեն, սակայն դրանք դժվար թե էական ազդեցություն ունենան վերջնական արդյունքի վրա: Մնում է՝ տղաներն ամեն ինչ անեն արժանապատիվ ֆուտբոլ ցուցադրելու համար, ինչի մասին Գյուլբուդաղյանցը սիրում է նշել:

Եվրո 2020-ի ընտրական փուլում Հայաստանի ազգային հավաքականի խաղացանկը հետեւյալն է.

23.03.19 Բոսնիա եւ Հերցեգովինա-Հայաստան 23:45

26.03.19 Հայաստան-Ֆինլանդիա 21:00

08.06.19 Հայաստան-Լիխտենշտեյն 20:00

11.06.19 Հունաստան-Հայաստան 22:45

05.09.19 Հայաստան-Իտալիա 20:00

08.09.19 Հայաստան-Բոսնիա եւ Հերցեգովինա 20:00

12.10.19 Լիխտենշտեյն-Հայաստան 22:45

15.10.19 Ֆինլանդիա-Հայաստան 22:45

15.11.19 Հայաստան-Հունաստան 20:00

18.11.19 Իտալիա-Հայաստան 22:45

Տպել
909 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը