Բարձրացված վայնասունն ուղղորդված է, ես կարգելեի երաժշտությունն Օպերայի տարածքում. Լիլիթ Պիպոյան

Մայրաքաղաքի սրտում գտնվող Օպերային պետք է վերադարձնել իր նախնական մշակութային, կրթող եւ բարձր արվեստի կետին, այնտեղ չպիտի լինեն փչովի խաղալիքներ, Օպերայի կողքից հնչող այլ երաժշտություն չպիտի լինի: Այս մասին «Հայկական ժամանակ»-ի հետ զրույցում ասաց երգչուհի Լիլիթ Պիպոյանը՝ անդրադառնալով Օպերային թատրոնի հարակից տարածքի առաջին գոտին սրճարաններից ազատելու գործընթացին: Երգչուհին համոզմունք հայտնեց, որ եթե նույնիսկ թողնվեն մի քանի սրճարաններ, ապա դրանք պետք է լինեն մաքսիմալ լուռ եւ ավելորդ չխանգարեն:

«Մեր բնակիչներն ուղղակի գերհոգնած են երաժշտական այդ համատարած աղմուկից: Ուր գնում ես երաժշտություն է հնչում, ընդ որում՝ բարձր, անհասկանալի, վատ. նման երաժշտությունը պետք է պակասի: Քաղաքի աղմուկը պիտի պակասի՝ խանութներից, փողոցներից, էլ չասեմ Օպերայի տարածքից: Այնտեղ չի կարող կողքից որեւէ այլ երաժշտություն հնչել, որովհետեւ Օպերան երաժշտության տաճար է՝ քաղաքի սրտում տեղադրված»,-ասում է նա:

Երգչուհու համոզմամբ՝ քաղաքաշինության մեջ էլ առաջնայինը պիտի գաղափարը իշխի. «Քանի որ գիտեմ Օպերայի շենքի կառուցման պատմությունը եւ գիտեմ, թե Ալեքսանդր Թամանյանն ինչ էր ծրագրում Օպերայի շուրջ, հստակ կարող եմ ասել, որ նա ցանկանում էր ստեղծել մի այնպիսի վայր, որի շուրջ նաեւ մշակութային կյանք պիտի զարգանար, այսինքն պիտի աջակցեր մշակույթին»:

Վերադառնալով մեր օրեր, Լիլիթ Պիպոյանը նկատեց, որ բնականաբար շատ է սիրում է Երեւանի զարկերակը, գիշերային կյանքը, սրճարանները եւ այլն. «Այդ ամենը շատ գրավիչ է ե՛ւ զբոսաշրջիկների ե՛ւ տեղացիների համար, լավ է, որ կան դրանք, բայց պետք է չափը պահել»:

Պիպոյանը պատմում է, որ տարիներ առաջ եղավ դժվար, անցումային մի ժամանակաշրջան, կենտրոնը ծանրաբեռնվեց սրճարաններով՝ կանաչ տարածքների հաշվին. «Մենք կորուստ կրեցինք, թե՛ քաղաքի խաղաղության, եւ թե՛ կանաչ տարածքների առումով: Գուցե այդ ժամանակաշրջանի համար դա արդարացված էր, բայց հիմա դա պետք է շտկվի: Երբ ես իջնում եմ կենտրոն, հասկանում եմ, որ պիտի ապակենտրոնացվի այս գերծանրաբեռնվածությունը, ապակենտրոնացվի նաեւ մշակութային կյանքը»:

Ըստ Լիլիթ Պիպոյանի՝ Երեւանի արվարձանները նույնպես պետք է զարգանան, ունենան իրենց մշակութային կյանքը, իրենց գիշերային եւ զվարճալիքային կյանքը. «Պետք չէ, որ ամբողջ քաղաքը գա կենտրոն, դա սխալ է, սկզբունքորեն սխալ, բոլոր հատվածները պետք է ունենան իրենց հետաքրքիր կյանքը, ընդ որում՝ տարբերվող կյանքը: Քաղաքը պիտի հավասարաչափ զարգանա, ես տեսնում եմ ծայրամասերի խեղճ վիճակը, չպիտի նման ձեւով մնա»:

Երգչուհին համոզված է, որ եթե սրճարանների սեփականատերերն էլ հետեւեն մայրաքաղաքի ապակենտրոնացմանը եւ կառուցեն քաղաքի տարբեր մասերում, իրենց եկամուտը նույնը կլինի: Սրճարանի տերերն էլ դժգոհելու առիթ չեն ունենա, որ իրենց բիզնեսն են վնասում: «Ինձ որ հնարավորություն տային, ես կարգելեի երաժշտությունը այդ տարածքում: Իսկ այն վայնասունը, որը բարձրացված է, կարծում եմ՝ ուղղորդված է»,-ասաց նա:

Ըստ Լիլիթ Պիպոյանի՝ առողջապահական տեսանկյունից եւս մեծ օգուտ կարող է լինել այդ համատարած աղմուկի վերացումը. «Ես այդ հարցը ուսումնասիրել եմ, առողջապահության նախարարությունը շատ մանրամասն մշակված սահմանափակումներ ունի, բայց, ցավոք սրտի, հետեւողական չէ դրանց իրականացմանը: Պետք է մոնիտորինգ անեն, հետեւեն: Մեր քաղաքը ձայնի իմաստով շատ անհանգիստ է ու շատ անառողջ»:

Տպել
1925 դիտում

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ն ու Հենրիխ Մխիթարյանը շնորհավորել են Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ