Ովքեր են հավակնում Հանրային հեռուստառադիոընկերության խորհրդի նախագահի պաշտոնին

Մարտի 11-ից սկսվել է Հանրային հեռուստառադիոընկերության խորհրդի նախագահի թեկնածուների հայտերի ընդունումը: Հանրային հեռուստառադիոընկերության խորհրդի նախագահ Ռուբեն Ջաղինյանի լիազորությունները դադարեցվել էին մարտի 3-ից: ՀՌՀ խորհրդի նախագահի պաշտոնի հավակնորդների թվում այսօր նոր անուններ են շրջանառվում: Մինչեւ Հեռուստատեսության եւ ռադիոյի հանձնաժողովի կողմից մրցույթի ամփոփումը խորհրդի աշխատանքները կհամակարգի ՀՌՀ խորհրդի ամենատարեց անդամը՝ Նառա Շլեպչյանը:

Մեր տեղեկություններով՝ Հանրային հեռուստառադիոխորհրդի նախագահի թեկնածուների թվում են Հայեր» մեդիահարթակի գլխավոր խմբագիր Արայիկ Մանուկյանը, ՀՌՀ նախկին նախագահ Գագիկ Բունիաթյանը, հաղորդավար, սցենարիստ, ռեժիսոր Արթուր Բախտամյանը, բանաստեղծ Տիգրան Պասկեւիչյանը:

Գագիկ Բունիաթյանը «Հայկական ժամանակ»-ի հետ զրույցում հաստատեց, որ պատրաստվում է մրցույթին մասնակցելու հայտ ներկայացնել: «Այս պահին ծրագրի վրա եմ աշխատում, այն դեռ վերջանական պատրաստ չէ, դեռեւս մշակում եմ, ամեն ինչ ծրագրիցս է կախված»,-ասաց նա: Բունիաթյանից հետաքրքրվեցինք, թե ինչով էր պայմանավորված Հեռուստատեսության եւ ռադիոյի հանձնաժողովի նախագահի պաշտոնից հրաժարականը, ապա խորհրդի նախագահի պաշտոնում ընտրվելու ցանկությունը: Բունիաթյանը հայտնեց, որ ՀՌ հանձնաժողովում իր հետ կապված որեւէ խնդիր չի եղել, նման որոշում ինքն է կայացրել:

«Հանձնաժողովի անդամ Տիգրան Հակոբյանին ՀՌՀ նախագահի պաշտոնում նշանակելն էլ եմ ես առաջարկել, ու նա միաձայն ընտրվել է: Ես չէի կարող երկրորդ անգամ ընտրվել հանձնաժողովի նախագահ, նոր փոփոխված օրենքով դա այդպես է: Տարին նոր էր սկսվել, ճիշտ գտա, որ հանձնաժողովը նոր նախագահ ունենա՝ նոր եռանդով ու նոր տրամադրությամբ աշխատի»,-ասաց նա: Նշենք, որ Գագիկ Բունիաթյանի պաշտոնավարման ժամկետը լրանում էր ապրիլ ամսին, սակայն նա հրաժարական տվեց հունվարին:

Բունիաթյանը հայտարարեց, որ լիիրավ կարող է հավակնել Հանրային հեռուստառադիոընկերության խորհրդի նախագահի պաշտոնին. «Ես երկարատեւ փորձ ունեմ այս ոլորտում, երկու անգամ աշխատել եմ Հանրայինում ՝ տարբեր տարիների, եղել եմ կոմերցիոն տնօրենն ու գլխավոր պրոդյուսերը, իսկ 2010-ից 2013-ը եղել եմ Հանրայինի տնօրեն: Ինձ թվում է՝ ես այդտեղ անելիք ունեմ»:

ՀՌՀ նախագահ Տիգրան Հակոբյանն էլ «Հայկական ժամանակ»-ի հետ զրույցում ասաց, որ ելնելով մի շարք պատճառներից, հանձնաժողովը հակված չէ մրցույթի մասնակիցների հայտերը ստանալուց հետո միանգամից ներկայացնել դրանք: «Հենց ինչ-որ մեկը հայտ է ներկայացնում, ամբողջ մամուլով սկսում են մրցակիցները նրան վարկաբեկել: Մենք ուզում ենք սպասել, որ բոլոր հայտերը հավաքվեն, բացելուց միանգամից հայտարարենք բոլորի անունները»,-ասաց ՀՌՀ նախագահը:

Տիգրան Հակոբյանից հետաքրքրվեցինք՝ այնուամենայնիվ, Հանրայինի խորհրդի նախագահի պաշտոնի հավակնորդները շա՞տ են, թե՝ ոչ: Վերջինս ասաց, որ շատ են, չբացառեց, որ Հանրային ռադիոյի նման կարող է լինել. «Դեմոկրատիան այդպիսի բան է, երբ իշխանությունները չեն նշանակում իրենց նախընտրած թեկնածուին, սովորաբար այսպես է լինում: Ազատ հասարակարգ ենք, հավակնորդները շատ են, անկախ նրանից՝ համապատասխանում են այդ պաշտոնին, թե՝ ո՛չ»:

ՀՌՀ նախագահը հույս հայտնեց, որ կընտրվի արժանի թեկնածուն, նկատելով, որ Հանրային ռադիոյում բոլորովին այլ պատկեր է, հետեւելով հայտ ներկայացրած անձնաց հրապարակային ելույթներին՝ նրանց մի մասը չի տիրապետում, թե ուր է գնալու աշխատելու:

Տիգրան Հակոբյանից հետաքրքրվեցինք, թե ինչ կարող էր լինել, եթե Ռուբեն Ջաղինյանը եւս 6 տարի զբաղեցներ Հանրային խորհրդի նախագահի պաշտոնը, քանի որ ավելի վաղ խորհրդի նախկին նախագահը նման ցանկությունը չէր թաքցրել: Տիգրան Հակոբյանը խուսափեց որեւէ գնահատական տալ, սակայն կարծիք հայտնեց, որ ծայրահեղություն կլինի Ռուբեն Ջաղինյանի պաշտոնավարած տարիները ներկայացնել ամենավառ գույներով, կամ հակառակը՝ գնահատել ամենավատ ձեւով եւ ասել, թե նա որեւէ բան չի արել:

«Հանրային հեռուստառադիոընկերությունում այս տարիներին բավականին մեծ աշխատանք է կատարվել եւ ես համոզված եմ, որ Հանրայինն այսօր ավելի լավ է կատարում իր առաքելությունը, քան մինչեւ Ջաղինյանի նշանակումը»,-ասաց ՀՌ հանձնաժողովի նախագահը:

ՀՌՀ խորհրդի նախագահի պաշտոնի համար հայտարարված մրցույթին մասնակցելու մասին պաշտոնապես եւ ամենաառաջինը հայտարարել էր «Ա1+» հեռուստաընկերության տնօրեն Մեսրոպ Մովսեսյանը: Ավելի ուշ հայտնի դարձավ, որ հնարավոր թեկնածուների թվում է նաեւ ՀՌՀ խորհրդի անդամ Ստեփան Զաքարյանը, որը, սակայն, «Հայկական ժամանակ»-ի հետ զրույցում հայտնել էր, որ հավակնություններ ուներ մինչեւ այն պահը, երբ իմացավ, որ մրցույթին մասնակցելու է Մեսրոպ Մովսեսյանը. «Եթե լինեն Մեսրոպի նման մարդիկ, որ իմանամ՝ իձնից վատ այդ գործը հաստատ չեն անի՝ չեմ դիմի»:

Հեռուստատեսության եւ ռադիոյի հանձնաժողովի կողմից ձեւավորված մրցութային հանձնաժողովը մրցույթի մասնակիցների հաստատված ցանկը կհրապարակի 10 օրից: 

Նշենք, որ նախկինում Հանրային հեռուստառադիոընկերության խորհրդի կազմը ձեւավորում էր Հեռուստատեսության եւ ռադիոյի ազգային հանձնաժողովը, սակայն 2018 թվականի հուլիսի 30-ից այն որոշելու է հատուկ այդ գործառույթի համար ձեւավորված մարմինը՝ Հանրային հեռուստառադիոընկերության խորհրդի անդամների ընտրության հանձնաժողովը:

5 անդամից բաղկացած այդ նոր հանձնաժողովում են Գյումրու «Ասպարեզ ակումբ»-ի ղեկավար Լեւոն Բարսեղյանը, մշակույթի փոխնախարար Նազենի Ղարիբյանը, ԱԺ պատգամավոր, ԿԳ նախկին փոխնախարար Հովհաննես Հովհաննիսյանը, ժուռնալիստների միության նախագահ Սաթիկ Սեյրանյանն ու Համլետ Գասպարյանը՝ Հեռուստատեսության եւ ռադիոյի հանձնաժողովից: 

Տպել
2484 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը