Գնում էինք խաղալու, սար բարձրանալիս դմբոց լսեցինք, իջանք ներքեւ, տեսանք՝ մեքենա է ընկել գետը, վազեցինք մոտիկ (տեսանյութ)

Մի կաթիլ մեղրի պատմությունը դարձավ. անօգնական վիճակում գետում հայտնված մեքենան ով էլ տեսներ, մեր փոխարեն հաստատ այդպես կվարվեր, հնարավոր չէր թողնել փախչել: Այսպես մեկնաբանեցին մարտի 3-ին Լոռու մարզում Վանաձոր-Ալավերդի ավտոճանապարհի ավտովթարից տուժածներին օգնություն ցուցաբերած Վանաձորի  թիվ 1 հիմնական դպրոցի 8-րդ դասարանի աշակերտներ՝ Էդիկը, Էդմոնն ու Տիգրանը:

Տղաները, գտնվելով վթարի վայրում, մինչեւ փրկարարների ժամանելը, ուղղել էին ավտոմեքենան, կանխել հրդեհի վտանգն ու տուժողներին ցույց տվել առաջին օգնություն: Ինչպես իրենք են ասում՝ մարդասիրական պարտքը կատարելուց հետո հանգիստ խղճով գնացել են իրենց տները՝ առանց որեւիցե մեկից շնորհակալության ակնկալիքի:

Երեւանի Մխիթար Հերացու անվան բժշկական համալսարանի ռեկտոր Արմեն Մուրադյանը, լսելով 12, եւ 14-ամյա տղաների խիզախ արարքի մասին, ցանկություն էր հայտնել անպայման մոտիկից ծանոթանալ նրանց, եւ փոքրիկ նվերներ հանձնել: ԵՊԲՀ ռեկտորի հրավերով Վանաձորի թիվ 1 հիմնական դպրոցի տնօրենն ու տղաների եռյակն այսօր Երեւանում էին, բժշկական համալսարանում: Արմեն Մուրադյանը նրանց նվիրեց մեկական սպիտակ խալաթ եւ ժամացույցներ:

«Հայկական ժամանակ»-ի հետ զրույցում Արմեն Մուրադյանն ասաց, որ իր ընկեր՝ ծնունդով վանաձորցի Արեն Բաբլումյանից է տեղեկացել տղաների արաքի մասին:

«Տղաներին այսօր ողջագուրելուց բացի նաեւ պետք է ներշնչել, որ ուրիշի խնդրին, ցավին անտարբեր չլինելն ու վճռական լինելը կարեւորագույն քաղաքացիական պարտք է: Վճռական դրսեւորել այն գիտելիքները, որոնք ստացել են: Տղաներն այսօր ստացան իրենց առաջին խալաթները: Ուրախ եմ, որ ինձ բախտ վիճակվեց այս երեխաներին տեսնել, միգուցե տասնյակ տարիներ հետո նորից հանդիպենք եւ այսօրվա այս խորհրդավոր հանդիպումը իրենց համար եւս լինի հիշարժան»,-ասաց ԵՊԲՀ ռեկտորը:

Արմեն Մուրադյանը տղաներին կոչ արեց, որ եթե իսկապես ուզում են բժիշկ դառնալ, ապա պետք չէ սպասել որեւիցե փորձանքի, որ դրսեւորեն իրենց մարդասիրական մղումները. «Ես 15 տարեկանից եղել եմ հիվանդանոցներում, այնպես որ, իրենք էլ կարող են մտածել այդ ուղղությամբ եւ սկսել մեր ազգաբնակչությանն օգտակար լինել»:

Տղաները հայտնեցին, որ դեպքից հետո որոշել են անպայման բժիշկ դառնալ: Վստահեցրեցին, որ բոլորովին չեն վախեցել, միայն տեսել են՝ վթարից տուժածները երկուսն էլ շարժվում են, հանգիստացել են:

Տղաները պատմեցին, որ դժվար չի եղել առաջին օգնություն ցուցաբերելը, քանի որ Վանաձորի թիվ 1 հիմնական դպրոցում գործում է հրշեջ փրկարարական ջոկատ։ Դպրոցի ռազմագիտության ուսուցիչ՝ փոխգնդապետ, արցախյան ազատամարտի մասնակից Արկադի Մարտիրոսյանն այդ ջոկատը ձևավորվել է 2008 թվականից: Դպրոցում ամեն տարի ուսուցողական նպատակով տագնապ է հայտարարվում եւ տարհանում է իրականացվում։ Ջոկատի անդամները պարբերաբար փոխվում են։ Ռազմագիտության դասերից բացի, ամիսը մեկ անգամ կազմակերպվում են արտակարգ իրավիճակներին ուղղված սեմինարներ, որոնց աշակերտները մասնակցում են բացառապես կամավորության սկզբունքով։

«Միասին գնում էինք խաղալու, սար բարձրանալիս դմբոց լսեցինք, Էդմոնն ասեց՝ եկեք իջնենեք ներքեւ, իջանք, տեսանք, որ մեքենա է ընկել գետը, վազեցինք մոտիկ: Էդմոնը զանգեց շտապ օգնություն: Տեսանք, որ ներսում երկու հոգի են: Մեքենան կողքի էր շրջվել, երկաթի կտոր գտանք, սկսեցինք կոտրել ապակին: Վարորդի ոտքերը խանգարում էին, չէինք կարողանում հանել, միակ ելքը մեքենան ուղղելն էր, որ նրան դռնով հանեինք: Երեքով շրջեցինք մեքենան եւ արդեն փրկարարներն էլ եկան: Ես ու էդմոնը վարորդին հանեցինք, ուշագնաց էր եղել, ուշքի գալուց հետո ասաց, որ մեջքի հատվածում ուժեղ ցավ ունի, մենք մեջքն անշարժացրեցինք: Դե իսկ հետո շտապ օգնության մեքենան եկավ եւ երկուսին էլ օգնություն ցույց տվեց»,-պատմեց 14-ամյա Էդիկը:

Հիշեցնենք, որ ԱԻՆ-ից ավելի վաղ հայտնել էին, որ Լոռվա խճուղու թիվ 1 հասցեի մոտակայքում «Mercedes Benz» մակնիշի ավտոմեքնան (վարորդ՝ Մ. Մ., ծնված 1985 թ.) դուրս է եկել ճանապարհի երթևեկելի հատվածից և կամրջից ընկել Տանձուտ գետը: Փրկարարները վարորդին և ուղևոր Ա. Թ.-ին (ծնված 1982 թ.) պատգարակով մոտեցրել են շտապօգնության ավտոմեքենային: Վերջիններս հոսպիտալացվել են Վանաձորի ԲԿ, որտեղ բժիշկները տուժածների առողջական վիճակը գնահատել են բավարար:

Տեսանյութ՝

Տպել
2291 դիտում

Վեթինգը ստորացուցիչ համարող դատավորներից ազատվելը միայն դրական կլինի մեր դատական համակարգի համար․ Կարեն Անդրեասյան

Մեծ կյանք եք մտնում նոր երկրում. ԿԳ նախարարի շնորհավորական ուղերձը՝ Վերջին զանգի կապակցությամբ

Արդարադատության փոխնախարարների մասնակցությամբ կայացել է ՀՀ-ԵՄ հանրային քննարկում

Սիրալիր և անվճար հուշում ՍԴ նախագահ Հրայր Թովմասյանին և դատական բանդայի անդամներին. Ս. Սաֆարյան

Ջերմաստիճանը կբարձրանա, բայց տեղումները կշարունակվեն առաջիկա օրերին անձրեւի եւ կարկուտի տեսքով

Հայաստանից ձեզ շատ սեր եմ բերել․ Աննա Հակոբյանը հանդիպել է Ալմաթիի հայ համայնքի հետ (լուսանկարներ)

Էլեկտրաէներգիայի 6-ժամյա անջատումներ են սպասվում Երեւանում եւ 7 մարզերում

Եղեգնաձորի դպրոցի բակում 15-ամյա պատանիների վեճի արդյունքում մեկը գլխուղեղային վնասվածք է ստացել

Երևան քաղաքի Ռոստոմի փողոցի տներից մեկում հայտնաբերվել է բնակչի դին

Լոռու մարզպետի հետ հանդիպումը արդյունք չտվեց. վարորդները որոշեցին շարունակել գործադուլը

Էրդողանը շնորհավորական ուղերձ է հղել Ալիևին՝ Ադրբեջանի 101-ամյակի կապակցությամբ

Արմավիրի մարզի մի շարք համայքներում հակակարկտային կայանքներից արձակվել է 1811 կրակոց

Պուտինը պետական պարգեւներ եւ կոչումներ է շնորհել ռուսաստանաբնակ հայտնի հայ գործիչներին

Աղբահանման և աղբի վերամշակման աշխատանքները համակարգող աշխատանքային խումբը սկսում է գործունեության առաջին փուլը

Եվրոպա լիգայի եզրափակիչը կարող է խաղացվել հազարավոր դատարկ տրիբունաների առաջ. The Sun

Ողբերգական դեպք Գյումրիում. երեխան մահացել է

Աշխարհաքաղաքականության և հակամարտությունների ֆրանսահայ փորձագետը ՀՀ ԱԳՆ-ում հանդես եկավ դասախոսությամբ

Դատավոր Դավիթ Գրիգորյանը հանցագործության մասին հաղորդում է ներկայացրել գլխավոր դատախազին

BBC-ն Գրանդ փղի մասին վավերագրական ֆիլմը կցուցադրի հունիսի 6-ին

Օսիպյանը շնորհավորական ուղերձ է հղել վերջին զանգի առթիվ