Կենտրոնական ավտոկայանի տնօրենի մեքենան այրել են, ոստիկանները եկել էին Նորագյուղցի Բոգոյի հետեւից (լուսանկարներ)

Մարտի 1-ի լույս 2-ի գիշերը, ժամը 02:30-ին այրվել է ՀՀ կենտրոնական (Կիլիկիա) ավտոկայանի տնօրեն Ռոման Համբարձումյանի «Լեքսուս» մակնիշի ավտոմեքենան: Համբարձումյանը շուրջ 1 ամիս է՝ ինչ նշանակվել է ավտոկայանի տնօրեն: Մեր զրույցում նա ասաց, որ թշնամիներ չունի եւ ոստիկանությունն էլ քննում է գործը, պարզելու համար՝ այրե՞լ են, թե ինչ-որ խնդրի պատճառով ինքն իրեն այրվել է ավտոմեքենան: Համբարձումյանը միայն նշեց, որ իր աշխատանքի ընթացքում ավտոկայանում օրինականություն է փորձել պահպանել:

«Հայավտոկայարան» ՓԲԸ-ի գլխավոր տնօրեն Աշոտ Մնացականյանը կարծում է, որ մեքենան իրականում այրել են: Իսկ ոստիկանությունից ՀԺ-ին հայտնեցին, որ նյութեր են նախապատրաստվում եւ դեռ հստակ չէ՝ մեքենան այրել են, թե այրվել է:

ՀԺ-ն այցելեց Կենտրոնական ավտոկայան ու պարզվեց, որ ոստիկանությունը ներսում հսկողություն է իրականացնում: Ըստ ներկաների՝ րոպեներ առաջ այնտեղից գնացել էր Նորագյուղցի Բոգոն (Ռուբեն Կոստանյան): Նա ԱԺ նախկին պատգամավոր, գործարար Սամվել Ալեքսանյանի մտերիմներից է եւ ԱԺ նախկին պատգամավոր Արկադի Համբարձումյանի (Դերժավայի Արկադի) խնամին:

Պարզվում է, որ Կոստանյանը տարիներ շարունակ պետական շինություն հանդիսացող Կենտրոնական ավտոկայանի ներսում՝ 2-րդ հարկում, «սեփական» սենյակ եւ հյուրանոց է ստեղծել ապօրինի: Ոստիկաններն ավտոկայան էին այցելել հենց Կոստանյանին այնտեղից հեռացնելու համար: Բայց սա էլ դեռ ամենը չէ, պարզվում է՝ Կոստանյանը ոչ միայն տարիներ շարունակ «սեփականաշնորհել» էր ավտոկայանը, այլեւ վարորդներին ճնշել է եւ ամեն օր նրանցից գումարներ է վերցրել: Ըստ նույն տեղեկությունների՝ այդ գումարները օրական հասնում էին մինչև 2-3 հազար դոլար եւ յուրաքանչյուր վարորդի վրա «պլան» էր դրված. «Եթե ուզում ես աշխատել, պիտի Բոգոյին մուծվես» կարգախոսով:

Թե, որքանով նոր տնօրենի մեքենայի այրվելը կապ ունի Կոստանյանին «իր սենյակից» հանելու եւ Կոստանյանի իրականացրած անօրինական բիզնեսը վերացնելու հետ՝ քննությունը ցույց կտա:

ՀԺ-ն զրուցեց նաեւ «Հայավտոկայարան» ՓԲԸ-ի ներքին վերահսկողության եւ ուղեւորափոխադրումների բաժնի պետ Արտաշես Ջիլավյանի հետ:

- Պարոն Ջիլավյան, ի՞նչ խնդիր է առաջացել Կենտրոնական ավտոկայանում: Խոսակցություններ կան, որ Նորագյուղցի Բոգոն անօրինական կերպով տարիներ շարունակ հանգրվանել էր ավտոկայանում եւ մինչեւ այսօր դեռ դուրս չէր գալիս:

- Այո, ճիշտ է: Նորագյուղցի Բոգոն իմ տեղեկություններով՝ արդեն 18 տարի է՝ գտնվում է այստեղ եւ ծավալում է ապօրինի գործունեություն: Այսինքն, որեւիցե պաշտոն, որեւիցե կապ ավտոկայանի հետ չունի, բացի այն, որ իր անվան հետ կապվում են որոշ գծեր: Ավտոկայանի շենքում՝ պետական շենքում, աշխատասենյակ է սարքել՝ ապօրինի, կողքը հյուրանոց է, որը նույնպես ապօրինի է: Երբեք, որեւիցե պայմանագիր չի ունեցել:

- Ճի՞շտ է, որ նա վարորդներին ճնշում է: Նմանատիպ բողոքներ ստացե՞լ եք:

- Նմանատիպ բողոքներ ես տարբեր տեղերից լսում եմ՝ չեմ կարող կոնկրետ ասել: Վարորդները չեն խոսում, կարծում եմ՝ վախի մթնոլորտը դեռ կա:

- Ի՞նչ է կատարվել այսօր ավտոկայանի ներսում:

- Հիմա ՓԲԸ-ի տնօրենը դիմել է ոստիկանությանը, որպեսզի փաստացի ապօրինի գտնվող մարդկանց եւ սենյակները ազատեն, քանի որ սա ՓԲԸ-ի գույքն է: Մենք հիմա եկել ենք այստեղ, ոստիկանությունը պահպանում է հասարակական կարգը, իսկ նրանք եկել էին՝ հիմա այստեղ են, չեն գնացել են: Ոստիկանությունը հասարակական կարգը պահպանում է, որպեսզի նրանք ինչ գույք ունեն սենյակում՝ դուրս հանեն:

- Ճի՞շտ է, որ վարորդներից ամեն օր գումարներ են վերցնում, որպեսզի թույլատրեն աշխատել:

- Ես նման տեղեկություն 100 տոկոսով չեմ կարող ասել: Ինչ-որ խոսակցություններ լսել եմ, բայց փաստ չունեմ:

Ի դեպ, նշենք, որ փետրվարի 20-ին Կենտրոնական ավտոկայանում դարձյալ միջադեպ էր տեղի ունեցել, որին նույնպես՝ ըստ շրջանառվող լուրերի մասնակցություն է ունեցել Կոստանյանը:

Հիշեցնենք, որ դեռեւս 2018 թվականի սեպտեմբերին Երեւան-Արմավիր երթուղու կանոնավոր ուղեւորափոխադրման թույլտվություն ունեցող «Գալակտիկա տրանս սերվիս» ՍՊԸ-ի տնօրեն Շուշանիկ Խաչատրյանը լրագրողների հետ զրույցում հայտարարել էր, որ ընկերության կանոնավոր աշխատանքը խաթարված է եւ իրենց աշխատանքներին խանգարում է Կիլիկիայի ավտոկայանից Բոգո անունով մեկը: Խաչատրյանի խոսքով՝ Բոգոն ավտոկայանի կողքը ավտոկայան է ստեղծել իր համար ու անօրինական 35-37 մեքենա է աշխատեցնում, իսկ իր ընկերության վարորդները չեն կարողանում աշխատել:

Վարորդներից մեկը մեր զրույցում պատմեց, որ Նորագյուղցի Բոգոն կանոնավոր ուղեւորահոսքի վրա ազդում է՝ այդ վարորդներին ճնշելով, իսկ կողքից աշխատող մեքենաները նրան գումար են վճարում եւ կանոնավոր ուղեւորափոխադրողներից ուղեւոր են «փախցնում», այն դեպքում, երբ կանոնավոր ուղեւորափոխադրողները օրենքով սահմանված կարգով հարկ են վճարում, իսկ նրանք՝ ոչ:

Տպել
22236 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում