Ոչինչ ինձ չի կանգնեցնի՝ իրականացնելու մեր ծրագրերը․ Ռուբեն Վարդանյանի հայտարարությունը

Կոռուպցիոն սկանդալի ֆոնին ռուսաստանաբնակ հայազգի գործարար Ռուբեն Վարդանյանը հանդես է եկել հայտարարությամբ, որում շնորհակալություն է հայտնում բոլորին, ով հավատում է իրեն:

«Տրոյկա Դիալոգ» ընկերության՝ 2006-2012 թթ․-ի գործունեության վերաբերյալ ԶԼՄ-ներում մի շարք հրապարակումներից հետո ամբողջ աշխարհից մեծ թվով գործընկերներ, բարեկամներ և համախոհներ, անգամ անծանոթ մարդիկ դիմել են ինձ և Ռուսաստանում ու Հայաստանում տեղակայված մեր գրասենյակներ՝ փոխանցելով անկեղծ աջակցության խոսքեր, ինչպես նաև շնորհակալություն հայտնելով բոլոր այն ծրագրերի ու նախաձեռնությունների համար, որոնք իրականացնում են մեր ընտանիքը, մեր համախոհները և թիմը։

Ցավոք, ես չեմ կարող յուրաքանչյուրին անձամբ պատասխանել և այդ պատճառով որոշել եմ հանդես գալ բաց նամակով։ Ես խորապես երախտապարտ եմ բոլորին, ով հավատում է ինձ, մեր թիմին, և այն ամենին, ինչ մենք անում ենք։ Վստահությունն ամենամեծ արժեքն է, և ձեր անվերապահ աջակցությունն ստեղծված իրավիճակում դրա ամենալավ ապացույցն է։

Հրապարակված նյութերում ամեն ինչ իրար է խառնված՝ կոնտեքստից կտրված տեղեկատվություն, մեկնաբանություններ ու հորինվածք։ Չնայած նրան, որ նյութերի մեծ մասում նշվում է իմ հասցեին մեղադրանքների բացակայության մասին, ես՝ որպես «Տրոյկա Դիալոգի» ավագ գործընկեր, ինձ պատասխանատու եմ զգում կատարվող ամեն ինչի համար։ Մեր իրավաբաններն այժմ ուսումնասիրում են բոլոր հնարավոր իրավական գործողությունները մեր հեղինակությունը պաշտպանելու համար։ Միևնույն ժամանակ մոռացության է տրվում, թե ինչ ժամանակներում ենք ապրել․ «Տրոյկա»-ն ստեղծվում էր 1990-ականների սկզբին, երբ ներդրումային-բանկային ինդուստրիա գոյություն չուներ, և ամբողջ երկիրն էր գտնվում ստարտափային վիճակում։

Այդ ժամանակ մենք հրաժարվեցինք ապրել «ջունգլիների օրենքներով», և անում էինք հնարավոր ամեն ինչ, որպեսզի ստեղծենք Ռուսաստանում քաղաքակիրթ միջավայր՝ խաղի հստակ կանոններով։ Ճիշտ չէ գնահատել «Տրոյկա»-ի գործունեությունը պատմական, տնտեսական և բիզնես կոնտեքստից դուրս՝ գնահատելով այն այսօրվա չափանիշներով։ Մեկ անգամ ևս ընդգծեմ, որ իր պատմության ողջ ընթացքում «Տրոյկա»-ն անում էր ամեն ինչ, որպեսզի գործի օրինականության և թափանցիկության սկզբունքներին, միջազգային չափանիշներին համապատասխան, իսկ երբեմն էլ սահմանում էր ընդունված չափանիշները գերազանցող նշաձող։

Հատկանշական է, որ շատ հրապարակումներում հաճախ է նշվում իմ հայկական ծագումը։ Ես ռուսաստանցի եմ՝ հայկական արմատներով, ինչով շատ հպարտանում եմ։ Որպես ներկայացուցիչ մի ժողովրդի, որը երկար դարեր քաղաքակրթությունների միջև կամուրջի դեր է խաղացել, ես միշտ՝ իմ բոլոր նախագծերում, ձգտել եմ երկխոսության։ «Տրոյկա»-ն, իր բազմազգ և բազմամշակութային միջավայրով, կամուրջ էր ծառայում Ռուսաստանի և աշխարհի միջև, օտարերկրյա ներդրողներ էր բերում երկիր և ռուսաստանյան ընկերություններին հնարավորություն էր տալիս դուրս գալ համաշխարհային ֆինանսական շուկաներ։

Այսօր մենք շարունակում ենք իրականացնել առևտրային, սոցիալ-ձեռնարկատիրական և բարեգործական ծրագրեր՝ առաջնորդվելով նույն նպատակով և համոզմունքով։ Ռուսաստանում ՍԿՈԼԿՈՎՈ բիզնես-դպրոցը, Հայաստանում UWC Դիլիջան դպրոցը, և հատկապես «Ավրորա» միջազգային մարդասիրական նախաձեռնությունը․ այս բոլորը ծառայում են աշխարհում մարդկանց համախմբմանը, աշխարհ, որտեղ դեռ ամուր հիմքերի վրա է «հարազատ - օտար» դիմակայությունը։

Սիրելի՛ բարեկամներ, ևս մեկ անգամ շնորհակալ եմ ձեզ աջակցության և ինձ հավատալու համար։ Ցանկանում եմ ասել բոլորին․ ոչինչ ինձ չի կանգնեցնի՝ իրականացնելու մեր ծրագրերը։ Ես գիտեմ, որ մեզ սպասվում են դեռ շատ մարտահրավերներ ու դժվարություններ։ Վստահ եմ՝ մենք ամեն ինչ կհաղթահարենք միասին։ Մեզանից հետո մնալու են միայն մեր երեխաները և մեր իրական գործերի մասին հիշողությունը։ Ես հավատում եմ, որ մենք կկարողանանք մեզ շրջապատող աշխարհն ավելի լավը դարձնել, այլապես մենք բոլորս ապագա չունենք։ Միացե՛ք մեզ և միասին շարժվենք առաջ»։

Կոռուպցիայի և կազմակերպված հանցավորության հետաքննությունների միջազգային կենտրոնը (OCCRP) հերթական բացահայտումն է հրապարակել, համաձայն որի` ռուսաստանաբնակ հայազգի գործարար Ռուբեն Վարդանյանի հիմնադրած «Տրոյկա Դիալոգ» ընկերությունը մասնակցել է կոռուպցիոն սխեմաներում, որոնց միջոցով լվացվել է շուրջ 9 միլիարդ դոլար․ այս մասին հայտնում է:

Տպել
1677 դիտում

Ստորագրվել է Հայաստանի եւ Հունաստանի պաշտպանության նախարարությունների երկկողմ համագործակցության ծրագիրը

ՀՀ վարչապետի որոշմամբ հուշարձանագետ Սամվել Կարապետյանի մահվան կապակցությամբ ստեղծվել է թաղման հանձնաժողով

Հայաստանում սուր շնչառական վարակներով պայմանավորված իրավիճակը կայունանում է

Զոհրաբ Մնացականյանը հանդիպել է ՀԱՊԿ գլխավոր քարտուղար Ստանիսլավ Զասին

Դրանով հայկական կինոն սպանում ենք. Տիգրան Նալչաջյանն ասել է՝ ինչու նոր ֆիլմը անմիջապես հեռուստատեսությունում չի հայտնվի

Մարտին ՀՀ մարզերում օդի ջերմաստիճանը նորմայից բարձ կլինի, տեղումների քանակը՝ նորմային մոտ. ԱԻՆ

Իրանցի կին ֆուտբոլիստը մահացել է կորոնավիրուսից

Երեկ մի քանի ավտոմեքենաներ ջարդուփշուր արած երիտասարդն այսօր կրակոցներ է արձակել հյուրանոցում, ապա՝ վնասազերծվել

ՃՏՊ Մխչյան գյուղում. «ՎԱԶ-2106» մակնիշի ավտոմեքենայի վարորդը տեղում մահացել է. ԱԻՆ

Նիկոլ Փաշինյանն ընդունել է ՀԱՊԿ գլխավոր քարտուղար Ստանիսլավ Զասին

ԱԱԾ-ն բացահայտել է Իջեւանի նախկին քաղաքապետի կողմից առանձնապես խոշոր չափերի դրամական միջոցների հափշտակման դեպք

Լիանա Կարապետյանը քիչ առաջ դուրս եկավ «Աբովյան» ՔԿՀ-ից

1-ին զորամիավորումում անցկացվել են կրակային պատրաստության գործնական պարապմունքներ . ՊՆ

Իջեւանում՝ Մետաղագործների փողոցում, փայտե տնակ է այրվել. տուժածներ չկան

«Թումո» կենտրոնի մասնագետները բաց դաս են անցկացրել 4-րդ զորամիավորման N զորամասի զինծառայողների համար

ՀՀ վարչապետի դուստրը դատի է տվել Նարեկ Սամսոնյանին

Ունեմ տեղեկություն, որ որոշ «իրավապաշտպան» կազմակերպություններ քայքայիչ գործողություն են իրականացնում. Գաբրիել Բալայան

Անհատ տաքսիստները բողոքում են օն-լայն համակարգերի արտոնությունների դեմ. ՊԵԿ-ն արտոնություններ չի տեսնում

Քննարկվել է «Կայուն դպրոցական սնունդ» ծրագրի նոր փուլը

«5-րդ» ալիքի սեփականատեր Արմեն Թավադյանի եւ Ռոբերտ Քոչարյանի աջակցի գործով նախաքննությունն ավարտվել է