Քաղաքական բոլոր ուժերին հրավիրում եմ ընտրական բարեփոխումների մշակման փուլ սկսել միասնական ջանքերով․ Արարատ Միրզոյան

Ընտրությունների առկայությունը զուգահեռ է օդի հետ, որովհետեւ ընտրություններն են այն հիմքը, հիմնական պայմանը, որով ժողովրդավարություն կոչված համակարգը կարող է գոյություն ունենալ, ինչպես մարդու օրգանիզմի բնականոն գործունեության համար հիմնական պայմաններից մեկն օդն է։ Այս մասին այսօր Ազգային ժողովում իր ելույթում ասաց ԱԺ նախագահ Արարատ Միրզոյանը՝ ելույթը կոչելով «Օդի եւ ընտրությունների» մասին։

Միրզոյանը նկատեց, որ մենք մեր առօրյայում չենք նկատում, որ շնչում ենք, եւ անընդհատ չենք կարեւորում թթվածնի առկայությունը, բայց դա ջրի, սննդի եւ մյուս բաների հետ այն առանցքային բաներից է, որ մեր օրգանիզմի համար բնականոն գործունեության հնարավորություն է տալիս, նույնն էլ ընտրություններն են․

«Եթե մենք մեր Սահմանադրության մեջ գրել ենք, որ Հայաստանը ժողովրդավարական, իրավական պետություն է, ՀՀ-ում իշխանությունը պատկանում է ժողովրդին եւ ժողովուրդն իշխանությունն իրացնում է ընտրությունների միջոցով, մենք պարտավոր ենք սրբորեն հետեւել այս կանոնին, որովհետեւ ամբողջ Սահմանադրությունը եւ իրավական կարգավորումների ողջ համակարգը, մեր համատեղ կյանքի պայմանները խարսխված են հենց այս կոնցեպտի վրա։ Եթե մենք Սահմանադրության մեջ գրեինք, որ Հայաստանը միապետություն է եւ կամ այլ տարբեր կարգերի, մենք կարող էինք չհետեւել այս կանոնին, բայց քանի որ մենք սա գրել ենք, ապա «դատապարտված» ենք ունենալու ժողովրդի իշխանություն՝ ժողովրդի միջոցով»,-ասաց ԱԺ նախագահը՝ հավելելով, որ հակառակ դեպքում այդ համակարգի ատամնանիվների ամբողջությունը չի աշխատի։

Արարատ Միրզոյանի խորին համոզմամբ՝ տարիներ շարունակ մեր ունեցած խնդիրների մեծագույն մասը գալիս էր նրանից, որ ընտրությունների համակարգը ՀՀ-ում չէր աշխատում․

«Սա էր բոլոր հնարավոր խնդիրների հիմնական բանալին, պատճառը, եւ հիմա տարիների ընդմիջումից հետո իրապես ունեցել ենք ազատ, թափանցիկ եւ ժողովրդական ընտրություններ, որոնք այդպիսին համարվեցին անգամ ամենաբծախնդիր կազմակերպությունների գնահատմամբ։ Սա երեսով տալու համար չի ասվում, սա թթվածնի պես բան է, որն ամեն օր չենք կարեւորում, բայց պիտի հասկանանք, որ առանց դրա հնարավոր չէ մեր կյանքը։ Եւ ահա ընտրությունները մեր պետության կյանքի կազմակերպման համար այս նույն էական նշանակությունն ունեն»։

ԱԺ նախագահն ասաց, որ այս դիտարկումը նոր չէ, որ ասվում է, բայց, իր կարծիքով, եւս մեկ անգամ բոլորը՝ խորհրդարանական, արտախորհրդարանական ուժերը, քաղհասարակությունը պետք է պայմանավորեն այս պայմանի շուրջ, մեկ անգամ եւս վերահաստատեն միասնական կամքը՝ այսուհետ ունենալ բացառապես ազատ, արդար ու ժողովրդավարական ընտրություններ։

Անդրադառնալով Ընտրական օրենսգրքի թեմային՝ Միրզոյանն ասաց, որ զանազան դրվագներով հղումներ են արվել ԸՕ-ի անկատարությանը, ԿԸՀ-ի կամ այլ ընտրական ինստիտուտների անկատարությանը եւ ձախողումների համար մեղադրանքներ են հնչեցվել դրանց հասցեին․

«Իհարկե, առանցքային էր քաղաքական կամքը, որը դրսեւորվել է, բայց նորից ընտրական ինստիտուներն ունեն կատարելագործման կարիք, եւ այսպիսով՝ քաղաքական բոլոր ուժերին հրավիրում եմ ընտրական բարեփոխումների մշակման փուլ սկսել միասնական ջանքերով»,-հայտարարեց ԱԺ նախագահը՝ նշելով, որ այս նպատակը կյանքի կոչելու համար որեւէ սահմանափակում կամ խոչընդոտ չկա։

Տպել
1570 դիտում

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում