Աննա Ասատրյանն ինքնաբացարկ է հայտնել. ԳԱԱ արվեստի ինստիտուտի տնօրեն նա չի դառնա

Հայաստանի գիտությունների ազգային ակադեմիայի նախագահության նիստում վաղը՝ մարտի 6-ին, տեղի է ունենալու արվեստի ինստիտուտի տնօրենի ընտրության վերջին փուլը:

Փոխտնօրեն, արվեստագիտության դոկտոր, պրոֆեսոր Աննա Ասատրյանը, որը ժամանակին գիտական հոդված էր նվիրել Երեւանի նախկին քաղաքապետ Տարոն Մարգարյանի գործունեությանը, այլեւս չի հավակնում տնօրենի պաշտոնին: Հայագիտության եւ հասարակական գիտությունների բաժանմունքի ղեկավար Յուրի Սուվարյանը մանրամասնեց, որ Ասատրյանի թեկնածությունն ավելի վաղ առաջադրել էր ինստիտուտի գիտական անձնակազմի ժողովը: ԳԱԱ թղթակից-անդամ Հենրիկ Հովհաննիսյանն առաջադրել էր Մհեր Նավոյանի թեկնածությունը, իսկ բաժանմունքի բյուրոն՝ գործող տնօրեն Արարատ Աղասյանինը:

Հետո երեք թեկնածությունները նորից ուղարկվել են ինստիտուտի ժողովում քննարկման, քանի որ, ինչպես նշեց Յուրի Սուվարյանը, ընտրված տնօրենի հետ հիմնական աշխատողներն այնտեղ են: Երեք թեկնածուներից երկուսն այս ընթացքում ինքնաբացարկ են հայտնել, եւ մնացել է միայն Արարատ Աղասյանի թեկնածությունը: Սուվարյանը նկատեց, որ տարիքի բերումով նա կարող է պաշտոնավարել միայն երկու տարի, բայց նպատահարմար է համարվել, որ նախատեսվող բարեփոխումներն իրականացնի առավել փորձառու մեկը:

Արվեստի ինստիտուտի գործող տնօրենի թեկնածությունը երաշխավորվել է նաեւ բաժանմունքի բյուրոյում: Վերջնական որոշումը կկայացվի ԳԱԱ նախագահության նիստում՝ փակ գաղտնի քվեարկությամբ (նախորդ փուլերում նույնպես քվեարկությունը փակ-գաղտնի է եղել):

ԳԱԱ արվեստի ինստիտուտի տնօրենի մրցույթին ավելի վաղ անդրադարձել էր Կրթության եւ գիտության նախարար Արայիկ Հարությունյանը՝ ֆեյսբուքյան իր էջում գրելով. «Երբ խոսում ենք գիտական ինստիտուտների արդյունավետության մասին, գիտնական իմ որոշ գործընկերներ նեղսրտում են, ինչը որոշ դեպքերում հասկանալի է։ Բայց արի ու տես, որ Գիտությունների ազգային ակադեմիայի Արվեստի ինստիտուտի կոլեկտիվը տնօրենի պաշտոնում առաջարկել է Աննա Ասատրյանի թեկնածությունը։ Հիմա հարց՝ արդյոք հարգարժան գիտնականները գիտակա՞ն են համարում «Մայրաքաղաքի երաժշտական կյանքի առաջընթացի հարցերը՝ Երեւանի քաղաքապետի ամենօրյա հոգատարության առարկա» վերնագրված հոդվածը, որը գովերգում է Տարոն Մարգարյանի մշակութային գործունեությունը՝ արվեստի հաստատությունների տարածքներն ասֆալտապատելը եւ նստարաններ տեղադրելը, ու արդյոք նորմալ է այսքանից հետո սույն հոդվածի հեղինակին առաջարկել որպես տնօրենի թեկնածու»։

Նախարարը նաեւ արձանագրել էր. «ԳԱԱ նախագահությունը հիմա շատ լուրջ ընտրության առաջ է։ Ակադեմիան հստակ երկընտրանքի առաջ է՝ հաստատել Աննա Ասատրյանի թեկնածությունը եւ ցույց տալ, որ գիտական այդ կենտրոնում ոչինչ էլ չի փոխվել, գավառականությունը գիտության մեջ լուրջ արմատներ է գցել ու համակարգը փոխվելու միտում չունի, կամ մերժել ու հստակ ուղերձ հղել, որ երկխոսությունը եւ գործընկերային հարաբերությունները կարող են շարունակվել։ Որպես ոլորտում քաղաքականություն իրականացնող գերատեսչության պատասխանատու պարտավոր եմ ահազանգել այս անընդունելի երեւույթների մասին՝ ամենայն հարգանքով վերաբերվելով ինձ համար ամենահարազատ ակադեմիական ազատություններին։ Սա հստակ գիտական խնդիր է, որին առերեսվում ենք, ու պետք է լուծում գտնենք։ Այսքանը․․․»:

Տպել
1227 դիտում

ԱԳ նախարարը հանդիպել է ՀՅԴ Հայ դատի հանձնախմբերի ներկայացուցիչներին. 6 ժամ է տեւել հանդիպումը

2020 թվականի հունվարին ՀՀ տնտեսական ակտիվության ցուցանիշն աճել է 8.9 տոկոսով

Երեկվա խոշոր վթարից տուժած 5 եւ 7 տարեկան երեխաներին տեղափոխել են Երեւան. 2-ի վիճակն էլ ծանր է

Աշխարհը պիտի պատրաստվի կորոնավիրուսի համաճարակի. Առողջապահության համաշխարհային կազմակերպություն

Արմեն Սարգսյանը շնորհավորական ուղերձներ է հղել Քուվեյթի Պետության Էմիրին ու թագաժառանգին

Պաշտպանի աջակցությամբ դատապարտյալը ենթարկվել է աչքի անվճար վիրահատության

Թալինցի 16-ամյա տղայի գործի, անելիքների եւ նպատակների մասին. պատմությանն անդրադարձել է ՀՀ վարչապետը

Քաղաքապետարանն այս գործով չի զբաղվում, չի ասում՝ բարձրացնենք, տեսնենք տակը ինչ կա. Երեւանի բնակիչը պայքարում է 20 տարի

Տեղի է ունեցել Սնանկության գործով կառավարչի որակավորման ստուգման երկրորդ՝ հարցազրույցի փուլը

Հենրիխ Մխիթարյանը՝ «Լեչեի» դեմ հանդիպման լավագույն ֆուտբոլիստ

Սահմանադրության փոփոխությունների հանրաքվեի շրջանակներում ՀՀ գլխավոր դատախազությունում աշխատանքային խումբ է ստեղծվել

Երևանին պետք են նոր զրուցարաններ, նստարաններ, տեսակավորված աղբի տարաներ, եզրաքարեր. հայտարարվել են մրցույթներ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 10.5 հա տարածք

Իտալիայում կորոնավիրուսի կտրուկ աճով պայմանավորված՝ ՀՀ դեսպանատունը կոչ է անում կապվել իրենց հետ

Վանաձորի թատրոնի սկանդալային «Թանկարժեք դիակ» ներկայացման ցուցադրությունը հետաձգվել է անորոշ ժամանակով

Հրդեհ Իսակովի պողոտայում. տուժածներ չկան

Աշոցքի տարածաշրջանի ավտոճանապարհներին բուք է, Վարդենյաց լեռնանցքը՝ փակ

Ապրիլին Երևանում կկայանա FINTECH360 միջազգային համաժողովը

Մարտի 8-ին կանայք են տղամարդկանց թատրոն ու կինոթատրոն հրավիրելու. Երեւանի քաղաքապետարանը գնել է բոլոր տոմսերը

Ծնողը աշակերտների ներկայությամբ ապտակել է ուսուցչուհուն․ ուսուցչական անձնակազմի հայտարարությունը