Համազգայինցիների ու Ղարիբյանի երեկոյան վիսկիախմությունն իրականացվել է. թատրոնը նոր շենք կունենա

Սոս Սարգսյանի անվան համազգային թատրոնի տնօրինությունն ու մշակույթի նախարարի պարտականությունները կատարող Նազենի Ղարիբյանը մարտի 1-ին միասին վիսկի են խմել եւ զրուցել թատրոնի հնարավոր վերակազմավորման մասին: Այս մասին «Հայկական ժամանակ»-ի հետ զրույցում ասաց Համազգային թատրոնի տնօրեն Արման Նավասարդյանը:

«Ներկա էի ես, մեր փոխտնօրենը, Նազենի Ղարիբյանն ու իր օգնականը, 4 հոգով էինք, բայց այդ վիսկի խմելու արարողությունը եղավ նրանց 3-ի միջեւ, քանի որ ես վիսկի չեմ խմում, սուրճ խմեցի»,-կատակեց Արման Նավասարդյանը:

Թատրոնի տնօրենը հայտնեց, որ երեկոյի ընթացքում բազմաթիվ հարցեր են քննարկել, այդ թվում եւ թատրոնի շենք չունենալու եւ օրեր առաջ լրատվամիջոցներով տարածված՝ Համազգայինի եւ ԵԹԿԻ-ի միացման ու միեւնույն գործառույթներն իրականացնելու մասին:

Հիշեցնենք, որ փետրվարի 28-ին Նազենի Ղարիբյանը, ընդունելով Սոս Սարգսյանի անվան համազգային թատրոնի ղեկավարության հրավերը, դիտել էր նրանց «Հաղթանակի գենեզիս» վավերագրական ներկայացումը։ Ավելի ուշ լրագորղների հետ զրույցում հայտնել, որ Համազգայինի դերասանների հետ երկար ու կառուցողական զրույց է ունեցել եւ երեկոյան գնալու են միասին վիսկի խմելու:

Համազգային թատրոնը չունի սեփական տարածք՝ գործում է Երեւանի թատրոնի եւ կինոյի պետական ինստիտուտի շենքում, ուստի Նազենի Ղարիբյանն ավելի վաղ առաջարկել էր այն ներառել նշված ինստիտուտի կազմում՝ որպես թատերական գործունեության իրականացման ուսանողական եւ փորձարարական հարթակ:

Սակայն թատրոնի տնօրեն Արման Նավասարդյանի վստահեցմամբ՝ Ղարիբյանի այն պնդումը, թե Համազգայինի գործառույթները համապատասխանում են ԵԹԿԻ-ի գործառույթներին՝ իրականությանը չի համապատասխանում, ինչի մասին էլ նրանք մարտի 1-ի երեկոյան երկար քննարկում են ունեցել:

«Նազենի Ղարիբյանն այսպես ձեւակերպեց իր միտքը՝ քանի որ մենք շենք չունենք, ցանկացել է այդ քայլով մեր շենքի հարցը լուծել: Այսինքն, եթե միանայինք թատերականի շենքին մեխանիկորեն շենքի հարցը կլուծվեր»,-ասաց Նավասարդյանը՝ նկատելով, որ իրենց գործառույթները կանոնադրությամբ եւս չեն համապատասխանում ինստիտուտի հետ:

Նավասարդյանը հայտնեց, որ իրենք այլեւս շենքի խնդիր չեն ունենա, քանի որ մասնավոր հովանավորի միջոցով Համազգային թատրոնի համար նոր շենք է կառուցվում: «Անրի Վերնոյ» փողոցում պետությունը տարածք է տրամադրել Սոս Սարգսյանի համազգային թատրոնին, շինարարությունն արդեն սկսված է: Թատրոնի տնօրենի փոխանցմամբ՝ 5 ամսից հիմնական կառուցապատման աշխատանքները կավարտվեն. «Ամենաուշը մեկ տարուց էլ մենք կտեղափոխվենք նոր շենք»:

Տպել
2371 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան