Ինչո՞վ է առանձնահատուկ Հայաստանը. դեսպան Բալայանի հոդվածը Diplomat Magazine-ում

04/03/2019 schedule12:18

Մարտի 2-ին՝ Հայաստանի Դիվանագետի օրը, Բենիլյուքսի երկրների դիվանագիտական, կառավարական, խորհրդարանական և գործարար շրջանակներում հեղինակավոր «Diplomat Magazine» հանդեսում լույս է տեսել Նիդերլանդներում ՀՀ դեսպան Տիգրան Բալայանի «Ինչո՞վ է առանձնահատուկ Հայաստանը» հոդվածը։

Ինչպես հայտնում են ՀՀ ԱԳՆ-ի մամուլի ծառայությունից, իր հոդվածում դեսպան Բալայանը ներկայացրել է Հայաստանն ու ստեղծագործ, մտավորական ու ջերմ ժպիտ ունեցող հյուրընկալ ժողովրդին:

Անդրադառնալով 2018թ. Հայաստանում տեղի ունեցած զարգացումներին ՀՀ դեսպանը գրել է. «2018 թվականի թավշյա հեղափոխությունն ապացուցեց, որ Հայաստանի շարժիչ ուժը հենց իր ժողովուրդն է, որն ի ցույց դրեց իր հավատարմությունը համամարդկային ժողովրդավարական արժեքներին ու հիմնարար ազատություններին, որը վճռականորեն պաշտպանեց իր իրավունքներն ու ազատությունները, միահամուռ կերպով ոչ ասաց կոռուպցիային ու մերժեց անցյալի բացասական երևույթներին, և երկիրը տարավ լայնածավալ բարեփոխումների ճանապարհով:

Տիգրան Բալայանն իր հոդվածում ընդգծել է, որ թավշյա, ոչ բռնի հեղափոխությունը բացարձակ խաղաղ ընթացք է ունեցել, որը քաղաքական հասունության և իրավական գրագիտության բացառիկ դրսևորում էր՝ կանանց ու երիտասարդության առաջնորդող ուժի ազդեցությամբ: Այն ապահովվեց իշխանության խաղաղ, անարյուն փոխանցումը, որին էլ հետևեցին դեկտեմբերյան արտահերթ խորհրդարանական ազատ, արդար և թափանցիկ ընտրությունները: «Պատահական չէ, որ երկրում ընթացող անցած տարվա քաղաքական զարգացումների արդյունքում «The Economist» հանդեսը Հայաստանին ճանաչել է որպես «Տարվա երկիր», նշել է Հայաստանի դեսպանը։

Դեսպանը կարևորել է տնտեսության զարգացմանն ուղղված ծրագրերը, մասնավորապես, առանձնացրել Եվրամիության հետ՝ Համապարփակ և ընդլայնված գործընկերության համաձայնագրի ընձեռած հնարավորությունները:

Դեսպան Բալայանի բնորոշմամբ համահունչ ժողովրդավարության հասնելը բարդ գործընթաց է, որը պահանջում է տևական ժամանակ, անվերապահ նվիրվածություն և նույնիսկ մտածողության փոփոխություն: Հայաստանն առաջին քայլերն է ձեռնարկել այս ուղին հարթելու համար: Հանրության վստահության և լեգիտիմության աննախադեպ մակարդակի շնորհիվ Հայաստանի կառավարությունը վճռական է բարեփոխումների բազմաշերտ և հավակնոտ օրակարգի իրականացմանը:

Խոսելով Հայաստանում իրականացվող բարեփոխումներից՝ արտերկրից օժանդակության մասին, դեսպան Բալայանը գրում է, որ այս բարդ ճանապարհը Հայաստանը չպետք է միայնակ անցնի, նրան պետք է սատարեն ժողովրդավարական զարգացած երկրները` հատկապես Նիդերլանդները, որն աշխարհով մեկ մարդու իրավունքներն և հիմնարար ազատությունների առաջ մղող պետություն է:

Ներկայացնելով Հայաստանի արտաքին քաղաքականությունը դեսպան Բալայանը գրում է․ «Հայաստանի առանձնահատկությունը պայմանավորված է նաև այն հանգամանքով, որ թավշյա հեղափոխությունն ուներ միայն ներքին արմատներ և պայմանավորված էր ներսի խնդիրներով։ Ինչպես իր ծրագրում, այնպես էլ իրականացվող քաղաքականության մեջ կառավարությունը հավատարիմ է արտաքին քաղաքականության շարունակականությանը՝ երկկողմ և բազմակողմ մակարդակներով, նպատակ ունենալով ամրապնդել տարածաշրջանային և միջազգային անվտանգությունն ու կայունությունը և փոխշահավետ համագործակցությունը»։

Տիգրան Բալայանի բնորոշմամբ Հայաստանի արտաքին քաղաքականությունը հայաստանակենտրոն է, ներքին քաղաքականությունն ուղղված է քաղաքացու բարեկեցության ապահովմանը, քանի որ մեզ համար ժողովրդավարությունն այլընտրանք չունի, իսկ Հայաստանի և աշխարհասփյուռ հայ ժողովրդի համար ժողովրդավարությունը կենսական կարևորություն ունի։

Տիգրան Բալայանի հոդվածն ամբողջությամբ հասանելի է հետևյալ հղումով.

Տպել
653 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մանեն Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել