Պետք է զերծ մնանք գործելաոճից, որն արժանացել է հանրային պարսավանքի. մեկնարկում է գարնանային էտը

Մարտի 5-ից մայրաքաղաքում կմեկնարկեն գարնանային էտի աշխատանքները: Գործընթացը կիրականացվի մասնագիտորեն հիմնավորված ու կանոնակարգված սկզբունքներով: Երևանի քաղաքապետարանում տեղի ունեցած հանդիպման շրջանակում բնապահպանության վարչության պետն ու ոլորտի մասնագետները վարչական շրջանների կանաչապատման ձեռնարկությունների աշխատակիցներին են ներկայացրել այն հիմնական պահանջները, որոնք պետք է կիրառվեն ծառերի էտի ժամանակ:

Այս մասին հայտնում են Երեւանի քաղաքապետարանի տեղակատվության եւ հասարակայնության հետ կապերի վարչությունից:

«Պետք է զերծ մնանք այն գործելաոճից, որն արժանացել է հանրային կամ մասնագիտական պարսավանքի, և կարողանանք ըստ ծառատեսակների, ըստ խնամքի պահանջների այնպիսի լուծումներով առաջ գնալ, որոնք կլինեն և՛ ճիշտ, և՛ ընդունելի հանրության կողմից», - նշում է Խաչիկ Հակոբյանն ու հավելում, որ ծառերի էտի ու խնամքի գործընթացը սահմանված ժամանակացույցով և հասցեական իրականացնելու նպատակով ծառերը կանձնագրավորվեն: 

«Այսուհետ էտման աշխատանքները մենք պետք է կատարենք միայն պլանավորված՝ ըստ փողոցների, ըստ կոնկրետ հասցեների, ըստ պուրակների, այգիների ծառատեսակային կազմի: Մնացած բոլոր դեպքերում էտն իրականացնելու ենք միայն արտակարգ իրավիճակներում և անվտանգության խնդիրներով պայմանավորված»,- ասում է բնապահպանության վարչության պետը:

Մոտեցումը հստակ է նաև մայրաքաղաքում գոյություն ունեցող չորացած ծառերի հարցում. դրանք պետք է հատվեն:

«Մենք խնդիր չունենք չորացած ծառերը պահպանելով՝ ձևացնել, իբր քաղաքում ավելի շատ ծառ ունենք, քան իրականությունն է: Դրանք յուրաքանչյուր պահի կարող են վտանգավոր դառնալ հարակից բնակչության, շինությունների և մարդկանց սեփականության համար: Ո՞վ է պատասխանատվություն կրելու, ո՞վ է հետևանքների մասին հոգալու: Ծառ ունենք այնքան, որքան աճի շրջանում տեսնում ենք կանաչած: Մնացած բոլոր ծառերը պետք է գրագետ հեռացնել»,-նշում է Խաչիկ Հակոբյանը: 
Այս տարի նոր մոտեցում կցուցաբերվի նաև էտված ճյուղերի հարցում, դրանք տեղում կմանրացվեն: 

«Մենք մուլչավորման գործընթաց ենք իրականացնելու: Հատուկ սարքավորումների միջոցով ծառերի հատված ճյուղերից կստանանք թեփ հենց տեղում, ինչը հնարավորություն կտա զերծ մնալ կտրված ճյուղերի կուտակումներից: Քաղաքային հետաքրքիր այս մշակույթի ներդումը նաև հոգատար վերաբերմունք է մայրաքաղաքի նկատմամբ: Թեփը կրկին կտրամադրվի սոցիալական այն խմբերին, որոնց տարիներ շարունակ բաժանվել են ճյուղերը»:
Քաղաքացիներին անհանգստություն չպատճառելու նպատակով ծառերի էտը հիմնական պողոտաներում ու փողոցներում կիրականացվի երթևեկության ոչ բանուկ ժամերին կամ հանգստյան օրերին:

Տպել
848 դիտում

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան