Երևան
11 °C
searchclose
today
menuclose
Երևան
11 °C
Հայաստանի եւ Իրանի միջեւ տնտեսական համագործակցությունը զգալիորեն զիջում է քաղաքական հարաբերությունների մակարդակին: Այս ձեւակերպումը հնչում էր հայ-իրանական բարձր մակարդակի գրեթե յուրաքանչյուր հանդիպման ընթացքում: Փետրվարի 27-ին ՀՀ վարչապետ Նիկոլ Փաշինյանի գլխավորությամբ կառավարական պատվիրակության Իրան կատարած պաշտոնական այցը բացառություն չէր:
Այցի ընթացքում Փաշինյանը հանդիպումներ է ունեցել Իրանի նախագահ Հասան Ռոհանիի, Մեջլիսի նախագահ Ալի Լարիջանիի, ինչպես նաեւ Իսլամական հեղափոխության գերագույն առաջնորդ Այաթոլլա Սեյեդ Ալի Խամենեիի հետ: Խամենեի հետ հանդիպումը յուրահատուկ կարեւորություն ունի, քանի որ ամեն երկրի ղեկավար չէ, որին Իսլամական հեղափոխության առաջնորդը անձամբ է ընդունում:
Հայաստանում թավշյա հեղափոխությունից հետո Իրանի հետ հարաբերություններում որոշակի դադար նկատվեց: Այն, թերեւս, պայմանավորված էր նրանով, որ Իրանում փորձում էին հասկանալ Հայաստանում տեղի ունեցած փոփոխությունները եւ դրանցից բխող մարտահրավերները: Հայկական պատվիրակության ընդունելության բարձր մակարդակը հուշում է, որ թավշյա հեղափոխությունը ճիշտ է ընկալվել Իրանում, եւ որ Թեհրանը արեւմտյան սպառնալիք չի տեսնում Հայաստանի կողմից: Այդուամենայնիվ, Ռոհանիի հետ հանդիպման ընթացքում Փաշինյանը վերահաստատել է, որ թավշյա հեղափոխությունը ներհայաստանյան գործընթաց էր, եւ «որեւէ արտաքին ուժ մեր երկրի քաղաքական գործընթացներում ներգրավված չի եղել»:
Ռոհանի-Փաշինյան հանդիպման ընթացքում անդրադարձ է կատարվել գյուղատնտեսության, տեղեկատվական տեխնոլոգիաների, առողջապահության, զբոսաշրջության, բնապահպանության եւ հումանիտար ոլորտներում համագործակցության ընդլայնման հնարավորություններին: Ռոհանին համոզմունք է հայտնել, որ երկու կողմերի քաղաքական կամքը բավարար է, որպեսզի հայ-իրանական հարաբերությունները շարունակեն ամրապնդվել:
Երկրների ղեկավարները կարեւորել են Իրան-Հայաստան 400 կՎ լարման էլեկտրահաղորդման 3-րդ գծի կառուցման ծրագիրը, որը հնարավորություն կտա ավելացնել երկու երկրների միջեւ էլեկտրաէներգիայի եւ գազի փոխանակման ծավալները: Երրորդ գծի կառուցումը ներառված է նաեւ ՀՀ կառավարության ծրագրում եւ հատուկ նշանակություն ունի Հայաստանի համար, քանի որ թույլ կտա Հայաստանին հանդես գալ որպես էլեկտրաէներգետիկ ոլորտի տարածաշրջանային հաբ` կապելով Իրանի, Վրաստանի եւ Ռուսաստանի էլեկտրաէներգետիկ համակարգերը: Առանձին ուշադրություն է դարձվել նաեւ Մեղրիի ՀԷԿ-ի ծրագրի իրականացմանը: Կողմերը պայմանավորվել են այդ ուղղությամբ առաջիկայում գործնական քայլեր իրականացնել:
Առեւտրատնտեսական կապերի ակտիվացման համատեքստում հատուկ ուշադրության է դարձվել ԵԱՏՄ-Իրան ազատ առեւտրի գոտու ժամանակավոր համաձայնագրի վավերացումը: ԵԱՏՄ երկրներից այդ համաձայնագիրը առայժմ չեն վավերացրել միայն Հայաստանն ու Ղազախստանը: Վավերացումից հետո 3000-5000 ապրանքատեսակներ կենթարկվեն արդեն պարզեցված ընթացակարգերով առեւտրային կարգավորումների, ինչը, հաշվի առնելով, որ Իրանին սահմանակից՝ ԵԱՏՄ անդամ միակ երկիրը Հայաստանն է, հնարավորություն կընձեռի զգալիորեն բարելավել առեւտրային հարաբերությունները երկու երկրների միջեւ:
Տրանսպորտային համագործակցության շրջանակներում քննարկվել է միջազգային տրանսպորտային միջանցքների զարգացումը, Հյուսիս-հարավ ճանապարհային միջանցքի ծրագրի առանձին հատվածների կառուցման ուղղությամբ իրանական կողմի հնարավոր մասնակցությունը: Իրանական կողմը պատրաստակամություն է հայտնել մասնակցել Հյուսիս-հարավ ծրագրին:
Փաշինյանը եւ Ռոհանին կարեւորել են նաեւ հայ-իրանական միջկառավարական հանձնաժողովի ակտիվ գործունեությունը: Պայմանավորվածություն է ձեռք բերվել հանձնաժողովի առաջիկա նիստն անցկացնել այս տարվա ամռանը: Հանդիպման ավարտին նրանք հանձնարարել են երկու երկրների կառավարությունների պատասխանատուներին շարունակել ակտիվ քննարկումները` մինչեւ միջկառավարական գալիք նիստը դրանք կոնկրետ պայմանավորվածությունների վերածելու նպատակով:
Հայ-իրանական բարձր մակարդակի հանդիպումներն անցել են ջերմ մթնոլորտում: Դրանցից ավելի ջերմ էին, թերեւս, միայն վարչապետի հանդիպումները Թեհրանի եւ Սպահանի հայ համայնքի ներկայացուցիչների հետ: Իրանի մեր հայրենակիցների հետ հանդիպման ընթացքում Փաշինյանը կարեւոր դիտարկում է արել՝ նշելով, որ այժմ այլեւս չկան Հայաստանի եւ Սփյուռքի առանձին օրակարգեր: Փոխարենը կա «համազգային օրակարգ, որի նպատակը մեր համազգային նպատակների եւ երազանքների իրագործումն է»:
Հայկական պատվիրակության ջերմ ընդունելությունը, բանակցությունների ընթացքում փոխանակված մտքերը եւ ձեռքբերված պայմանավորվածությունները խոսում են նրա մասին, որ կողմերը պատրաստ են երկկողմ հարաբերությունները բերել նոր մակարդակի՝ խորացնելով տնտեսական համագործակցությունը, ընդ որում ոչ միայն երկկողմ, այլեւ տարածաշրջանային ձեւաչափով: Անգամ հաշվի առնելով բոլոր արտաքին բարդությունները, այժմ բացառիկ պահ է հայ-իրանական տնտեսական հարաբերությունները նոր մակարդակի բարձրացնելու համար:
ԱԺԲ-ի անդամները փորձել են անհնազանդության ակցիաներ անել. բերման է ենթարկվել 96 ցուցարար
Թբիլիսիում հերթական ցույցն է ընթանում՝ ընդդեմ «Օտարերկրյա գործակալների մասին» օրենքի
«Մարտական եղբայրության» անդամ Արման Պետրոսյանը կալանավորվել է
Որ որոշների լպիրշությունը կհասնի Ծիծեռնակաբերդում մանկահասակ երեխային ահաբեկել, վիրավորելուն՝ նորություն էր․ Ալեքսանյան
Ողջունում ենք Հայաստանի և Ադրբեջանի միջև սահմանի սահմանազատման գործընթացի սկիզբը․ Պետդեպարտամենտ
Չնայած սարսափներին, որոնց բախվում է հայ ժողովուրդը, տոկունության կամքը չի կոտրվել, ես միշտ կկանգնեմ ձեր կողքին․ Ադամ Շիֆ
Ողջունում ենք ՀՀ-Ադրբեջան սահմանային սյան տեղադրումն ու գործընթացի ուշագրավ զարգացումները․ Էստոնիայի ԱԳՆ
Կլիշեներից պետք է հրաժարվել, բայց ոչ՝ պատմական իրականությունից. Քոչինյանը՝ Էրդողանի հայտարարության մասին
Եվրոպական դատարանը երբեք չի վճռել, որ Հայաստանն օկուպացրել է Լեռնային Ղարաբաղը․ Եղիշե Կիրակոսյան
Հիշում ենք և պահանջում․ Կանադայի ԱԳ նախարարը գրառումն ավարտել է հայերենով
ՄԻՊ-ը բրիտանական ԶԼՄ-ների ներկայացուցիչների հետ խոսել է մարդու իրավունքների հետ կապված խնդիրների և Տավուշի այցի մասին
Կարասինը պաշտոնական նամակ է հղել ՀՀ ԱԺ-ին՝ Ալեն Սիմոնյանի հայտարարությունների հետ կապված
ԱԺԲ-ի անդամները փորձել են անհնազանդություն անել. կան բերման ենթարկվածներ
Զգացմունքներն ու զայրույթն են համակել են ինձ այսօր․ Բուայեն հարգանքի տուրք է մատուցել Ցեղասպանության զոհերի հիշատակին
Կամո գյուղում տուն և անասնագոմ է այրվել
Պատմական ճշմարտության ճանաչումն անհրաժեշտ է մարդկության դեմ հանցագործությունների կրկնությունից խուսափելու համար․ Դենդիաս
Իսակովի պողոտայից ակցիայի մասնակից 12 անձ է բերման ենթարկվել
Ինչպես երիտթուրքերը, Ալիևը նույնպես ատելություն է տածում հայերի նկատմամբ․ Լեմկինի ինստիտուտի տնօրեն
109 տարի առաջ այս օրը սկսվեց Հայոց ցեղասպանությունը, ես դատապարտում եմ մեղավորներին․ Փայլան
Սևանում հրկիզել են «Աուդի A4»-ը. սեփականատերը ենթադրյալ հրկիզողի մասին տեղեկություններ է փոխացել իրավապահներին
Հայոց ցեղասպանության զոհերի հիշատակի անարգանքը․ Թորոսյանը՝ Ծիծեռնակաբերդում Աննա Հակոբյանի և դստեր հետ կատարվածի մասին
Մարդկանց ուղեղը մխտռում են՝ ցույց տալով, թե մարտնչող ողորմելիությունը ուժի դրսևորում է. Մեհրաբյանը՝ դրոշ այրելու մասին
Մի խումբ քաղաքացիներ փորձել են փակել Իսակովի պողոտան. կան բերման ենթարկվածներ
Սիրիայի Ժողովրդական ժողովի պատվիրակությունը հարգանքի տուրք է մատուցել Հայոց ցեղասպանության զոհերի հիշատակին
Հայոց ցեղասպանության հիշատակի օրը մտորումների և ոգեկոչման ժամանակ է, պետք է հիշենք և հարգենք․ Կանադայի վարչապետի ուղերձը
ՀՀ վարչապետ Նիկոլ Փաշինյանը լուսանկար է հրապարակել տիկնոջ՝ Աննա Հակոբյանի հետ
Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր (լուսանկարներ)
Ադրբեջանում հանդիպել են Ալիևն ու Ղրղզստանի նախագահ Սադիր Ժապարովը․ համագործակցության վերաբերյալ փաստաթղթեր են ստորագրվել
Պաշտոնական Անկարան, խեղաթյուրելով պատմական փաստերը, ժխտել է Հայոց ցեղասպանության իրողությունը և հայտարարություն տարածել
Արարատ Միրզոյանը ՀՀ բարձրագույն ղեկավարության հետ այցելել է Ծիծեռնակաբերդի հուշահամալիր (լուսանկարներ)
Իմ մայրն այստեղ հաճախ էր գալիս՝ թոռան ձեռքը բռնած, իբրև իր ծնողների գերեզման, ո՛չ ծնող տեսավ, ո՛չ գերեզման․ Մանսուրյան
Բախվել են «Մերսեդես»-ը, «ՎԱԶ 2106»-ն ու տրակտորը․ պապը, տատը, նրանց դուստրն ու անչափահաս թոռները հիվանդանոցում են
Թուրքիան դեռ չի ճանաչել ցեղասպանությունը, և դա խայտառակություն է, բայց մենք հիշում ենք և չենք ների․ Ջամբասկի
«Լադանիվա» խմբի անդամներն այցելել են Ծիծեռնակաբերդ, հարգանքի տուրք մատուցել զոհերի հիշատակին (լուսանկարներ)
Եվրոն էժանացել է․ ինչ փոփոխություններ է արձանագրել տարադրամի շուկան ապրիլի 24-ին
5-րդ շարասյունը կասի «Бьет, значит любит», իմացի հերդ ա, դիմացի, Ցոլակ ջան. Խաչատրյանը՝ Մատվիենկոյի հայտարարության մասին
Ալիևի ներկայացուցիչը հայտարարել է, թե ՀՀ-ի և Ադրբեջանի միջև խաղաղության պայմանագրի կնքման իրական հնարավորություն կա
Պետք է աշխատենք հայ ժողովրդի եվրոպական բարեկեցիկ ապագայի համար. Ֆաբիո Մասիմո Կաստալդո
«Հողատու» են գոռում մի կնոջ ու մի աղջնակի ուղղությամբ, ովքեր որդի ու եղբայր են ուղարկել պատերազմ, որ հող պահեն. Սաֆարյան
Աբխազիան հարգում է Հայոց ցեղասպանության զոհերի հիշատակը․ երկրի նախագահ Ասլան Բժանիա
