Փլուզում Գյումրու կենտրոնում. բնակիչները կվտարվեն զբաղեցրած տարածքից (լուսանկարներ)

Գյումրիում հերթական անգամ ինքնափլուզվել է Գարեգին Նժդեհ 7 հանրակացարանային շենքը, որտեղ մշտական բնակություն ունեն 2 տատիկներ՝ Գայանե Տորոյանն ու Կլարա Պետրոսյանը: Նրանք այս հանրակացարանում են 16 տարեկանից: Որպես Տեքստիլ կոմբինատի աշխատակիցներ Փամբակի մանկատնից եկել, աշխատել եւ մնացել են մինչ օրս: «Ժամը 8-ի կողմերն էր, (նկատի ունի երեկոյան 20:00-ն), ձեներ լսվավ, վազինք դուրս, տեսանք, որ արմատուրները կհանեին, ասինք՝ չի կարելի, մի արեք, չի կարելի, էն էլ լսողն ով էր, ես չիդեմ ով էին, տղեք էին էլի: Քաշին արմատուրան ու սաղ փլվավ, եկավ վար, գլխիս էլ քարով զարկեց, ու ընձի հայհոյեց: Որ փլվավ, իրանք էլ փախան»,-պատմեց  Գայանե Տորոյանը: 

Այս հանրակացարանը պարբերաբար ինքնափլուզվում է, Գյումրու քաղաքապետարանն էլ ամեն փլուզման հետ մի քանի ընտանիքի բնակության այլ վայր է տեղափոխել: Շենքում միայն 3 տատիկներ են մնացել, երկուսն անօթեւաններ են, մեկը՝ ոչ: Երեքն էլ համառում, փլվող շենքից դուրս չեն գալիս:

Գյումրու քաղաքապետարանի պատասխանատու Վաղարշակ Մխիթարյանն ասում է՝ տատիկներին բազմաթիվ առաջարկներ են արել, ոչ մի բնակարանի հետ չեն համաձայնվել նրանք: Վերջիններս էլ պնդում են, որ Գյումրու քաղաքապետարանը միայն մեկ անգամ է իրենց բնակարան առաջարկել Մուշ թաղամասում, գնացել, տեսել են՝ ապահով չէ, չեն տեղափոխվել: Իսկ առաջարկվող հանրակացարանների մասին խոսել ընդհանրապես չեն ուզում:

«Հերիք էղավ էլի, զզվցրիք, թողիք: Քաղաքապետարանն էլ մեռնի, Բալասանյանն էլ, դուք էլ հետը: Մենակ մեզի Նիկոլն է պետք, ուրիշ ոչ մեկը: Թե բդի բլի մնանք, թող տակն էլ մնանք, ուրեմն 3 հոգու չենք կարող տուն տան, հա՞, ամոթ է, ամոթ: Որ լավ տեղ տա, չենք էրտա, ուրտե՞ղ են տվել, խաբար չենք: Ուրտե՞ղ: Ընչի՞ են «օբշի ժիտել» ցույց տալիս, մենք կվառտիռա ենք կորցրել: Տարել են էն ոջլոտ Կոշտոյանի վըրի հանրակացարանը, կսեն՝ ահան ձեզի տուն: Յա՜, մենք էլ հավ ենք էլի: Է, դոմիկ, դոմիկ, կմնամ իմ էս շենքի մեջը էլի»,-բարկացած արձագանքեց 78-ամյա Գայանեն:

Կլարա տատիկն էլ պատմեց, որ նախորդ տարվա դեկտեմբերին գնացել, սոցիալական բնակարաններում իրենց տները տեսել, ուրախացել, համաձայնվել էին տեղափոխվել, քանի որ խոստում էր եղել, որ երկու ընկերուհիներին նույն շենքում էին բնակարանները հատկացվելու: «Է, բայց չտվեցին էդ տները: Ըսին, թե դոմիկների ապրողների հմար են սարքել: Հետո, երբ որ երրորդը սարքեն, մեզի տուն կուտան: Հմի ընչի են ելել, խառնվել ըսպես, չեմ հասկնա: Հենց քարըմ կընգնի, գուկան, իրանցեն դուրս կխոսան: Իրիկունն էլ կսեն՝ ելեք, մենք ձեզի փող կուտանք, գնացեք վարձով ապրեք»:Տատիկները տարիներ շարունակ պահանջում էին, որ իրենց քաղաքապետարանը բնակարան հատկացներ քաղաքի կենտրոնում, նույն վայրում, որպեսզի իրար մոտ լինեին, ու կարողանային ապրել այնպես, ինչպես սովոր են: Այսինքն, իրար կողք-կողքի ու անբաժան: Տունն էլ կենտրոնում լիներ, որ կարողանային իրենց ծանոթ խանութներից օգտվել: Առաջարկված բոլոր տարբերակներից հրաժարվելուց հետո, վերջին հնարավորությունը սոցիալական բնակարաններն էին, դրանք էլ չեն հատկացվել: Հիմա արդեն հայտնվել են տարածքից վտարվելու վտանգի առաջ:

Շենքի սեփականատեր Ենոք Սարգսյանին Գյումրու քաղաքապետարանը դեռ 2017-ից պարտավորեցրել է քանդել վթարավտանգ եւ ամեն պահի ինքնափլուզվող շինությունը: Վերջինս, սակայն, տատիկների համառության պատճառով իր իրավունքն իրացնել չի կարող:Սեփականատերը հարցը դատական ատյանում է վիճարկել: ՇՄ առաջին ատյանի դատարանը վտարման որոշում է կայացրել, որը տատիկները բողոքարկել են վերաքննիչ դատարանում: Վերաքննիչն այս տարվա հունվարի 31-ին վճռել է ուժի մեջ թողնել ՇՄ առաջին ատյանի դատարանի վտարման վճիռը: Կլարա տատիկը ՀԺ-ի հետ զրույցում տեղյակ պահեց, որ իրենք այս վճիռն էլ են բողոքարկել արդեն վճռաբեկ դատարանում:

«Պստիկ են, որ մեզի վտարեն, իրանք իրավունք չունին, թող մեզի տեղ տան, նոր վտարեն, ինչի՞ հմար պիտի վտարեն, ինչի՞ համար: Մարդիկ 10-ը տարի ապրում են իրանց կվառտիտաների մեջը, սեփական ա կոչվում, 50 տարի ապրել ենք, ես եմ քարը քարին դրել, էսիկ իմ սեփականությունն է ու վերջ: Մենք Թուրքիա ենք գնում, վերջ»:

Տատիկներն ակնկալում են, որ իրենց թույլ են տալու մնալ եւ բնակվել ինքնափլուզվող հանրակացարանում, շենքի սեփականատերը, սակայն, ուզում է խնդիրն արագ կարգավորել, քանդել Գյումրու կենտրոնական փողոցում գտնվող  իրեն պատկանող շինությունը, որը լուրջ վտանգ է անցորդների, տարածքի եւ առաջին հերթին հենց ներսի բնակիչների համար:

Կողմերից ոչ մեկը զիջման չի գնում, տատիկները պահանջում են նորմալ բնակարաններ, եթե ոչ քաղաքի կենտրոնում, ուրեմն սոցիալական թաղամասում, որտեղ, սակայն, արդեն չկան ազատ տներ, սեփականատերն էլ պնդում է, որ պետք է քանդի հանրակացարանը:  

Թե ու՞ր են գնալու տատիկները, ոչ մեկը չգիտի: Քաղաքապետարանը պատասխանատու չէ այլեւս ոչ բնակիչների անվտանգության, ոչ էլ բնակապահովման համար: Տուն գտնելու պարտավորությունը սեփականատիրոջն է:

Տպել
1046 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց