Վաչե Թովմասյանը՝ նոր՝ 16+ հումորային նախագծի մասին. համարձակ հումոր է սպասվում

Դերասան Վաչե Թովմասյանը մեծ հույսեր է կապում իր ղեկավարած նոր աշխատանքի՝ «Կօօկօօռօօզ» հաղորդման հետ: Հումորային նոր նախագիծը լինելու է սկետչերի ձեւաչափով: «Արմենիա Պրեմիումի» եթերում այն կհայտնվի մարտի 13-ից: Մարտի 22-ից կցուցադրվի «Արմենիա TV»-ով: Armtimes.com-ի հետ զրույցում Վաչեն պատմեց, որ սա ավելի աշխատատար է, քան «Ոսկե դպրոց» սիթոքոմը ու իրենք էլ ամեն ինչ անում են որակ ապահովելու համար:

««Ոսկե դպրոցի» 1 սերիան 30-35 րոպե էր, եւ շաբաթը 2 սերիա էր, սա 22 րոպե է, շաբաթը 1 հատ է, բայց ավելի երկար ենք նկարում, քան «Ոսկե դպրոցի» 2 սերիան: Այսինքն՝ ինքը բավական աշխատատար եւ թանկ նախագիծ է, եւ մենք շատ ուրախ ենք, որ «Արմենիան» մեզ ընձեռել է նման պրոեկտ անելու հնարվորությունը: Չենք խնայում ոչինչ, ամեն ինչ ուղղված է սկետչերի որակը բարձրացնելու վրա»,- ասաց նա:

Վաչեն սկետչերում չի նկարահանվելու, նա միայն նախագծի պորդյուսերն է: Հումորային հոլովակներում տարբեր դերերով հանդես կգան հիմնականում «Վիտամին ակումբից» հայտնի Բոնին ու Մհերը: Կլինեն նաեւ հրավիրվող դերասաններ: Յուրաքանչյուր հաղորդում կունենա 5-6 սկետչ: Վաչեն ընդգծում է, որ ցանկանում են տարբերվել՝ նմանատիպ այլ նախագծերից հետ համեմատվելուց խուսափելու նպատակով: «Կօօկօօռօօզը» կառանձնանա 1 նորույթով:

«Կարճ, դինամիկ, այսպիսի մոտեցում է, որպեսզի չհամեմատեն նախորդների հետ, որովհետեւ «Կարգին հաղորդումից» հետո սկետչային ինչ եղել է, համեմատել են «Կարգինի» հետ, բայց սա լրիվ այլ մոտեցում է: Անեկդոտներ չեն: Զրոյից հորինված սկետչեր են: Ամենամեծ առանձնահատկությունը, որը կարող եմ նշել, սկետչերի հետ միասին ռեալիթի-շոուն է, որտեղ դերասանները խաղում են իրենք իրենց: Ներքին խոհանոցն է, թե ինչպիսին է կուլիսային կյանքը, եւ ես կանխազգացում ունեմ, որ ժամանակի ընթացքում այդ ռեալիթի հատվածը կարող է նույնիսկ ավելի շատ սիրվել, քան սկետչերը»,- ասաց նա:

Նախագծի ստեղծագործական անձնակազմը հեռուստադիտողների տարիքային սահմանափակում է մտցրել: Այն նախատեսված է 16 տարեկանից բարձր անձանց համար: Վաչեն ընդգծում է, որ իրենք չափերը չեն անցնում, սակայն ցանկանում են որոշակի ազատություն ունենալ կատակելիս, եւ հետագա քննադատություններից ու մեղադրանքներից զերծ մնալու համար այսպիսի որոշում են կայացրել:

«Ամբողջ աշխարհում, եթե ուշադիր լինեք, ծիծաղ է առաջացնում արգելված թեմաներից խոսելը: Հումորը շատ հաճախ պետք է լինի անսպասելի, հիմնական թեմաներն արգելվածներն են: Իհարկե, մենք պահում ենք ցենզը, բայց եւ ինչ-որ տեղ համարձակ բաներ էլ ենք ուզում անել, քանի որ, իմ կարծիքով, ներկայիս թրենդն այդպիսին է. մարդիկ ավելի շատ ուզում են համարձակ հումոր: Եվ մենք թեեւ 16+ մատնանշելով կորցնում ենք բազմաթիվ հեռուստադիտողների, բայց եւ ապահովագրում ենք մեզ այն խոսակցությունների, թե այս ի՞նչ եք անում, երեխաները նայում են: Հուշում ենք, որ պետք չէ նայել, եւ մնացածը թողնում ենք արդեն ծնողների վրա»,- ասաց նա:

Զուգահեռաբար Վաչեն զբաղված է նաեւ մեկ այլ գործով: Ընթացքի մեջ են «Ոսկե դպրոց» սիթքոմի վրա հիմնված ֆիլմի աշխատանքները: Այս շրջանում գրվում է սցենարը: Դերասանն ընդգծում է, որ ամեն ինչ անում են կինոյի դասագրքային կանոնները պահպանելու համար: Սցենարով զբաղվում են ինքը, Ռոբերտ Մարտիոսյանը եւ Վանը: Դերակատարների հարցում վերջնական որոշում չունեն: Սիթքոմի ոչ բոլոր դերասաններն են ընդգրկված լինելու: Բանակցություններ են ընթանում նաեւ ԱՄՆ-ում գործունեություն ծավալող դերասանների հետ: Նկարահանումները սկսվելու են հունիս-հուլիս ամիսներին, տեղի են ունենալու Հայաստանում: Պրեմիերան նախատեսում են աշնանը՝ հավանաբար հոկտեմբերին:

Տպել
835 դիտում

ՀՊՏՀ Գյումրու մասնաճյուղն Ալեքսանյանին ու Չալյանին անվճար կրթություն է առաջարկում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում

ԱԳ նախարար Զոհրաբ Մնացականյանը հանդիպել է Լիտվայի վարչապետ Սաուլիուս Սկվերնելիսի հետ

Աշխարհի գավաթ. Լևոն Արոնյանը եւ Մաքսիմ Մատլակովը չպարզեցին հաղթողին