ԵՊՀ հոգաբարձուների խորհրդի նիստի օրակարգում մեկ հարց է՝ ռեկտորի լիազորությունների դադարեցումը

Երեւանի պետական համալսարանի հոգաբարձուների խորհուրդը փետրվարի 28-ին գումարելու է արտահերթ նիստ: Օրակարգում ռեկտոր Արամ Սիմոնյանի պաշտոնանկության հարցն է:

Տեղեկությունը մեզ հետ զրույցում մասամբ հաստատելով՝ ԵՊՀ անգլերենի թիվ 1 ամբիոնի վարիչ, հոգաբարձուների խորհրդի անդամ Մարգարիտա Ապրեսյանն ասաց. «Էլեկտրոնային փոստով ծանուցում եմ ստացել, որ լինելու է արտահերթ նիստ: Բոլորին էլ ուղարկում են: Ճիշտն ասած՝ չեմ նայել՝ ումից է ծանուցումը, երեւի քարտուղարն է ուղարկել: Նիստի օրակարգը չկար»:

Նա ասաց, թե լրացուցիչ չի փորձել պարզել՝ ինչ պատճառով է նիստ հրավիրվում. «Մի քիչ զբաղված եմ, միջազգային քննությունների հարցն է, դրա համար խորամուխ չեմ եղել»: Իսկ եթե պարզվի, որ առաջիկա նիստում ռեկտորին անվստահություն հայտնելու հարցն է լինելու, ինչպե՞ս կվերաբերվի դրան: Ամբոնի վարիչը չի շտապում հարցին միանշանակ պատասխանել: «Ես չգիտեմ: Գիտե՞ք ինչ, նախօրոք կանխագուշակումներ անել չեմ կարող: Համենայնդեպս ես իմ մտավորականի եւ համալսարանականի կարծիքը պարտավոր եմ արտահայտել: Ես չգիտեմ՝ ինչ կլինի: Իմ կարծիքը չեմ կարծում այդքան կարեւոր լինի: Այսինքն՝ հոգաբարձուների խորհրդի անդամներից մեկն եմ, բայց ժամանակը եւ իրադարձությունը ցույց կտան»,- ասաց Մարգարիտա Ապերսյանը:

Հիշեցնենք, որ ԵՊՀ հոգաբարձուների խորհրդի անդամների թիվը 32-ն է: 8-ական անդամ ներկայացված է կառավարության, կրթության եւ գիտության նախարարության, բուհի պրոֆեսորադասախոսական կազմի եւ ուսանողության կողմից: Մամուլում լուրեր էին հրապարակվել, թե խորհրդի այն անդամները, որոնք ընտրվել են բուհի կողմից, հրավիրվում են Ոստիկանություն եւ Ազգային ազգային անվտանգության ծառայություն, որտեղ նրանց վախցնում են, թե պետք է քվեարկել ռեկտորի պաշտոնանկության օգտին: «Ինձ ոչ ոք չի վախեցրել: Զրույցներն ընդամենը համալսարանի, համալսարանի ապագայի մասին են եղել: Ես չեմ կարող բոլորի փոխարեն պատասխանել, բայց անձամբ ինձ հետ եղել է նորմալ զրույց»,- ասաց ամբիոնի վարիչը՝ հրաժարվելով մանրամասնել, թե հատկապես ում հետ կամ որտեղ է եղել այդ զրույցը:

ԵՊՀ հոգաբարձուների խորհրդի քարտուղար Արթուր Իսրայելյանից տեղեկացանք, որ փետրվարի 28-ին հրավիրված նիստի օրակարգում միայն մեկ հարց է՝ ռեկտորի լիազորությունների դադարեցումը: Նա առայժմ չի մեկնաբանում, թե ինչով է հիմնավորվում այդ անհրաժեշտությունը. դրա պատճառն Արամ Սիմոնյանին վերագրվող չարաշահումների դեպքի առիթով հարուցված քրեական գո՞րծն է, ուսանողական տարբեր նախաձեռնությունների պահա՞նջը, կրթության եւ գիտության նախարարի ցանկությո՞ւնը՝  ԵՊՀ 100-ամյակը դիմավորել առանց Արամ Սիմոնյանի, թե՞ մեկ այլ բան:  

«Խորհուրդը նիստը կգումարի, վերջում կտա իր եզրակացությունը: Նիստից առաջ ոչ մի բան չեմ կարող ասել, որովհետեւ իրավասու չեմ: Նախագահն այդ օրը հանդես կգա զեկույցով, եւ ամեն ինչ պարզ կլինի հանրությանը: Օրակարգը բաժանված է, բոլորին հասել է: Այսքանը կարող եմ ասել ձեզ»,- արձագանքեց Արթուր Իսրայելյանը:

ԵՊՀ ռեկտոր Արամ Սիմոնյանի պաշտոնանկությունը ցանկացողների ու դա նախաձեռնողների ընդդիմախոսներն ընդգծում են, որ նույն խորհուրդը ընդամենը կարճ ժամանակ առաջ միաձայն հաստատել էր ռեկտորի հաշվետվությունը: Հոգաբարձուների խորհրդի քարտուղարն առաջարկեց մնացած բոլոր հարցերի պատասխանն ակնկալել նիստի օրը:

Նա, անլուրջ համարելով խորհրդի անդամներին ուժային կառույցներ հրավիրելու մասին լուրերը, չհերքեց, որ ինքը հանդիպել եւ զրուցել է նրանց հետ: «Խորհուրդը ձեւավորվել է ընդամենը մեկ ամիս առաջ: Շատ մարդկանց ես ուղղակի չգիտեի, անձամբ ծանոթ չէի: Չծանոթանայի՞նք, իրար հետ չքննարկեի՞նք, հարցեր ենք որոշելու, ռազմավարության հետ կապված խնդիրներ են լինելու: Ուսանողներից մեկ կամ երկու հոգու էի ճանաչում: Աշխատանքային եւ ոչ աշխատանքային հանդիպումներ, իհարկե, պետք է լինեն: Չլինե՞ն այդ հանդիպումները: Մարդիկ իրար տեսնեն միայն խորհրդի նստի ժամանակ կամ դրանից տասը րոպե առա՞ջ»,- տարակուսեց Արթուր Իսրայելյանը:

Երեւանի պետական համալսարանի ռեկտոր Արամ Սիմոնյանն այս պաշտոնը զբաղեցնում է 2006 թվականից: Երրորդ անգամ վերընտրվելու հնարավորություն ստեղծվել էր բուհի կարգավիճակի փոփոխությունից հետո, երբ համալսարանը պետական ոչ առեւտրային կազմակերպությունից դարձավ հիմնադրամ:

Հ.Գ. ԵՊՀ հոգաբարձուների խորհրդում բուհի կողմից ներկայացված անդամներից շատերըխուսափում էին խոսել առաջիկա նիստի վերաբերյալ հարցերի շուրջ: Խորհրդի նախագահ Գեւորգ Մուրադյանն էլ առաջարկեց բոլոր հարցերը հետաձգել մինչեւ նիստի օրը:

Տպել
2613 դիտում

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել