Հայ սամբիստի հայրը բժշկություն է ուսումնասիրում, որ որդուն օգնի. բուժումը թանկ է, գումար չեն տալիս

30-ամյա սամբիստ Կոլյա Կարապետյանն ավելի քան 1.5 տարի է՝ ապրում է հիվադանոցներում: Ինչպես հայտնի է, 2017 թ. մայիսին Մինսկում կայացած Եվրոպայի առաջնությունում բրոնզե մեդալ նվաճելուց հետո վատ է զգացել, տեղափոխել են հիվանդանոց, մի քանի անգամ վիրահատել: «Հայկական ժամանակ»-ի հետ զրույցում հայրը՝ Հրաչյա Կարապետյանը, պատմեց, որ տղան ուղեղի արյան զեղում է ստացել մրցման ժամանակ գլխին ստացած հարվածից: Նշեց, որ 5 ամիս տղայի հետ մնացել է Բելառուսում: Այնուհետեւ Երեւանի «Էրեբունի» ԲԿ-ից բժիշկ է վարձել, որ տղային տեղափոխի Երեւան: Ընդհանուր առմամբ ծախսվել է մոտ 3 հազար դոլար: 10 ամիս պառկել է «Հերացի» թիվ 1 համալսարանական հիվանդանոցում, հետո տեղափոխվել է «Արթմեդ» բժշկական վերականգնողական կենտրոն:

«Տեղափոխեցինք «Արտմեդ», որն առողջապահական ոչ մի սիստեմ չունի: Կոնսիլիումը որոշել է, որ Կոլյայի հետագա բուժումը միայն Եվրոպայում է հնարավոր: Գերմանիայից բժշկուհի ենք հրավիրել, եկել նայել է: Գործերը հետը տարել է Գերմանիա: Բեռլինում մեծ կլինիկայի պրոֆեսորը գումարի չափ է ուղարկել, թե բուժումներն ինչ արժեն: Նամակով բոլորին դիմել ենք՝ կառավարությանը, սպորտի նախարարությանը, ֆեդերացիային, ֆոնդերին: Մինչեւ օրս չունենք արձագանք ոչ մի տեղից, միայն կողքից լսել ենք, որ չունեն այդքան բյուջե»,- ասաց նա:

Հրաչյա Կարապետյանը նշում է, որ ինչպես Գերմանիայից, այնպես էլ Անգլիայից եկած բժիշկներն իրենց վստահեցրել է, որ Կոլյան վերականգնվող է: Սակայն, ըստ նրա, ՀՀ-ում չկան համապատասխան սարքավորումներ ու դեղորայք, որպեսզի բժիշկները կարողանան որեւէ բան անել: Գերմանիայում էլ բուժվելու համար մեծ գումար է պետք է՝ նրա խոսքով՝ ամենաքիչը 88 հազար եվրո: Հայրը նշեց, որ Կոլյան Կազմակերպված հանցավորության դեմ պայքարի գլխավոր վարչության հատուկ նշանակության վարչության կրտսեր օպերլիազոր է, ու իրենք դիմել են Ոստիկանություն, բայց արձագանք չի եղել: Դիմել են «Իմ քայլը» հիմնադրամ, որը նշել է, որ այդքան գումար չունի: ՀՀ Սպորտի եւ երիտասարդության հարցերի նախարարության միջոցով նրանց պատասխաններ են գալիս, որ 2019 թ. բյուջեով գումար չունեն նախատեսած: Ինչ վերաբերում է ՀՀ Առողջապահության նախարարությանը, ասում է, որ այնտեղից օգնում են միայն հիվանդանոցների հետ պայմանավորվելով:

«Առողջապահության նախարարությանը, ինչ հարցով դիմում եմ, արձագանքում է, դիմում է կլինիկաներին, որ «բոմժի» կարգավիճակով պառկենք պալատներում: Պալատը տալիս են, ինչքան ուզում ես պառկիր, բայց ես տուն էլ ունեմ, տեղ էլ ունեմ, «բոմժ» չեմ, բուժման կարիք կա, որի պատասխանը ոչ մի բժիշկ չունի»,- ասաց նա:

Որոշ ժամանակ Կոյլյայի բուժմամբ զբաղվել են Հայրենիքի պաշտպանի վերականգնողական կենտրոնի աշխատակիցները: Հայրը նշում է, որ դրական տեղաշարժ այդ ընթացքում նկատել են: Հետագայում կենտրոնից հրաժարվել են ընդունել նրան այնտեղ: Ասել են, որ նա ամեն պահի կարող է վերակենդանացման բաժանմունքի կարիք ունենալ, ինչն իրենց մոտ չկա:

«Եթե ծանր հիվանդ է, 6 ամիս ինչպե՞ս մնացինք առանց ռեանիմացիայի, 1 ամիս ինչպե՞ս տանը մնացինք: Դա համալսարանական հիվադնանոցի բակում է, այնտեղ կա ռեանիմացիա, 10 քայլ հեռավորության վրա է: Կառավարությունից դիմել են, որ Կոյլային տարեք, մերժել են, պատճառաբանել են, որ չունենք ռեանիմացիա: Մեր տեղը ուրիշի հետ կպարապեն, օրը 60 հազար՝ անում է 1 մլն 800 հազար (խմբ. նկատի ունի ամսական 1 մլն 800 հազար): 1 մլն 800 հազար ինձ նվեր չեն տա, ավելի լավ է պատճառաբանեն»,- ասաց նա:

Այժմ Կոլյան Երեւանի Սուրբ Գրիգոր Լուսավորիչ հիվանդանոցում է: Հայրը ոչ ոքի մեղադրել չի ցանկանում, սակայն ՀՀ-ում բուժման հույս չունի: Ասում է՝ տղային հիվանդանոցում է թողնում 2 պատճառով. նախ, որ իրենց չմոռանան, 2-րդ, որ եթե հանկարծ անհապաղ բժշկական օգնության կամ թթվածնի կարիք լինի, հասցնեն: Պատմում է, որ տղայով զբաղվում է հիմնականում ինքը: Բժշկական մեթոդներ է ուսումնասիրում, հետեւելով Լոնդոնից եկած բժշկուհու ցուցումներին՝ ինքն ու տղայի կինը մերսումներ ու վարժություններ են անում տղայի հետ, իսկ այստեղի բժիշկների դուրս գրած դեղերի մեծամասնությունը տղային չեն տալիս: Խոհրդակցում են արտասահմանցի բժիշկների հետ, որոնք հիմնականում նշում են, որ այդ դեղերի արդյունավետությունն ապացուցված չէ, ու դրանք կարող են վնասել: Այսպիսով արդյուքների հասել են:

«Խորհրդակցում եմ դրսի բժիշկների հետ: Ասում են լցրու աղբը, դեղերի 90%-ը չեմ տալիս, դրա համար էլ արդյունք ունեմ, թե չէ 2-3 անգամ պատահել է՝ գիտակցության կորուստ ենք ունեցել, ինչը դեղերի ազդեցությունից է եղել: Անձնական մեթոդներով, խորհուրդ վերցնելով արդեն տղայիս գիտակցությունն ահագին եկել է տեղը, ինձ ճանաչում է, կնոջը ճանաչում է, չի կարողանում խոսել, միայն աջ ձեռքն է շարժում, աջ ձեռքով՝ բութով, ցույց է տալիս՝ լավ եմ, վատ եմ, մի տեղը ցավում է, ձեռքը դնում է վրան, տղային օդային համբույր է ուղարկում»,- պատմեց նա:

Հրաչյա Կարապետյանը չի աշխատում, հարսը՝ նույնպես, քանի որ խնամում է իր ու Կոլյայի 2.5-ամյա տղային: Աշխատում է Կոլյայի մայրը 45 հազար դրամ աշխատավարձով: Նրանց օգնում են Կոլյայի ընկերները՝ այդ թվում աշխատակիցները, հոր ընկերները, եղբայրը: Հրաչյա Կարապետյանը նշում է, որ մի քանի ամիս առաջ ՀՀ սամբոյի ֆեդերացիաի միջոցով միջազգային ֆեդերացիայից 10 հազար դոլար են ստացել, որով փակել են մեծ պարտքերի մի մասը:

Տպել
3503 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան