4 թեկնածու կպայքարի Շիրակի պետական համալսարանի ռեկտորի պաշտոնի համար

Ավարտվել է Շիրակի պետական համալսարանի ռեկտորի թափուր տեղի համար հայտարարված մրցույթի հայտերի ներկայացման ժամկետը: 4 թեկնածու է ներկայացել ՝ Նազելի Ավետիսյանը, ով ՇՊՀ ուսումնամեթոդական գործընթացի կառավարման կենտրոնի փոխտնօրենն է, բանասիրական գիտությունների թեկնածու, դոցենտ, Մանուշակ Կարապետյանը՝  ՇՊՀ ավագ դպրոցի փոխտնօրեն, մանկավարժական գիտությունների թեկնածու, դոցենտ, Անդրանիկ Սարգսյանը  ՇՊՀ  Մաթեմատիկայի, ֆիզիկայի եւ տեղեկատվական տեխնոլոգիաների ամբիոնի դասախոս, տեխնիկական գիտությունների թեկնածու, դոցենտ եւ Լուսինե Ֆլջյանը, որը «Եվրասիա» միջազգային համալսարանի օտար լեզուների եւ գրականության ամբիոնի պրոֆեսոր է, բանասիրական գիտությունների դոկտոր, պրոֆեսոր: Բոլոր թեկնածուներն, ըստ ՇՊՀ ՀԽ նախագահ Լեւոն Բարսեղյանի, ինքնառաջադրվել են:

«Բոլոր հավակնորդները ներկայացրել են մրցույթի հայտարարությամբ պահանջվող բոլոր փաստաթղթերը: Թեկնածուներից 2-ը խնդրել են Համալսարանի զարգացման հայեցակարգի իրենց ներկայացրած փակ փաթեթները բացել միայն այն դեպքում, եթե հստակեցվի, որ համապատասխանում են ռեկտորին ներկայացվող կանոնադրական պահանջին: Նրանցից մեկի դեպքում, կենսագրականի ուսումնասիրությունից եւ ՇՊՀ իրավախորհրդատուի հետ խորհրդակցելուց հետո որոշեցի, որ նա չի բավարարում վերոհիշյալ պահանջը եւ Հայեցակարգի փաթեթը չբացեցի»,-ասաց Լեւոն Բարսեղյանը:

Թեկածուներից մյուսի պարագայում ՇՊՀ իրավախորհրդատուի եւ ԿԳՆ իրավաբանական վարչության պետի հետ խորհրդակցելուց հետո հնարավոր չի եղել արագ հստակեցնել մրցույթին համապատասխան լինել-չլինելն, ուստի Լեւոն Բարսեղյանը գրավոր դիմել է ԿԳ նախարար Արայիկ Հարությունյանին՝ խնդրելով ուսումնասիրել հավակնորդի կողմից ներկայացված փաթեթը: Թեկնածուին նաեւ բացատրվել է, որ իր շահերից է բխում ներկայացրած հայեցակարգային փաթեթի բացումը, ինչպես նաեւ դրա ուղարկելը հոգաբարձուների խորհրդի բոլոր անդամներին, որպեսզի մինչեւ մրցույթը ծանոթանալու հնարավորություն լինի: Հակառակ դեպքում, ՀԽ անդամները այդ փաթեթին ծանոթանալու շատ սահմանափակ ժամանակ կունենան՝ միայն մրցույթի ընթացքում, եւ այն դեպքում, եթե հավակնորդը ՀԽ որոշմամբ, ԿԳՆ եզրակացության հիման վրա գրանցվի որպես թեկնածու: Թեկնածուն, սակայն, ըստ Բարսեղյանի, հայեցակարգային փաթեթը բացելու թույլտվություն չի տվել: 

ՇՊՀ ռեկտորի պաշտոնի համար հայտարարված մրցույթը կկայանա 2019 թ. մարտի 2-ին, ժամը 12-ին, համալսարանի դահլիճում: Մրցույթը լինելու է բաց համալսարանի աշխատակիցների, ուսանողների եւ ԶԼՄ-ների համար: Սա նախադեպը չունեցող երեւույթ է, քանի որ, ըստ Լեւոն Բարսեղյանի, տարիներ շարունակ մրցույթը եղել է մեկ «անկրկնելի» եւ «դաբրոյավոր» թեկնածուի համար նախապատրաստված եւ անցել է փակ ընթացակարգերով: «Խնդրում եմ գնահատել այս ջանքերն ու տեխնիկական առաջընթացը, չհարցնել, թե հավակնորդներից որ մեկն է ում հովանավորյալը, կամ «դաբրո» ստացածը: Իմ ունեցած հեղինակությամբ երաշխավորում եմ, որ չկա նման կամ այլ արտաօրինական պայման կամ նախապայման: Հեշտ չէ ՇՊՀ այս ճգնաժամային իրավիճակում այսպիսի մրցույթ կազմակերպելն ու անցկացնելը, բայց մենք պետության զավթում, սերժաբարո ժամանակներ տեսած ժողովուրդ ենք, պարտավոր ենք հաղթահարել եւ կհաղթահարենք»:

Տպել
2554 դիտում

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է