ՌԴ դեսպանը ԱԺ պատգամավորների հետ քննարկել է հայ-ռուսական համագործակցությանն առնչվող հարցեր

ՀՀ ԱԺ նախագահի տեղակալ Վահե Էնֆիաջյանը փետրվարի 21-ին ընդունել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին: Քննարկվել են հայ-ռուսական համագործակցությանն առնչվող հարցեր:

Ինչպես հայտնում են ԱԺ հասարակայնության հետ կապերի վարչությունից, Վահե Էնֆիաջյանը վստահություն է հայտնել, որ դեսպանն իր գործունեությամբ կնպաստի հայ-ռուսական ջերմ ու բարեկամական հարաբերությունների առավել խորացմանն ու ընդլայնմանը:

ՀՀ ԱԺ փոխնախագահը կարևորել է միջխորհրդարանական փոխգործակցությունն ու միջազգային հարթակներում համատեղ աշխատանքը:

Սերգեյ Կոպիրկինը շնորհավորել է ՀՀ ԱԺ նախագահի տեղակալին պաշտոնում ընտրվելու կապակցությամբ և վստահեցրել, որ կներդնի բոլոր ջանքերը երկու ժողովուրդների դարավոր բարեկամության ամրապնդման, դաշնակցային հարաբերությունների ընդլայնման ուղղությամբ:

Զրուցակիցներն ընդգծել են Հայաստանի և Ռուսաստանի միջև կապերի դինամիկ զարգացումը բոլոր ոլորտներում, արձանագրել վերջին տարիների ձեռքբերումները: Այս համատեքստում Վահե Էնֆիաջյանը համոզմունք է հայտնել, որ այսուհետ ևս երկկողմ փոխգործակցությունը կշարունակի զարգանալ գործընկերության և վստահության մթնոլորտում:

Նույն օրը Հայաստանում Ռուսաստանի արտակարգ և լիազոր դեսպան Սերգեյ Կոպիրկինին ընդունել է ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը:

Հանձնաժողովի նախագահն ընդգծել է Հայաստանի և Ռուսաստանի դարավոր ռազմավարական գործընկերությունը՝ առաջիկայում լայնամասշտաբ համագործակցության պատրաստակամություն հայտնելով: Վլադիմիր Վարդանյանը կարևորել է ՌԴ Պետական Դումայի և Դաշնության խորհրդի համապատասխան հանձնաժողովների հետ համագործակցված աշխատանքը, գործընկերների հետ պարբերական շփումները: 

Հանձնաժողովի նախագահն անդրադարձել է նաև միջխորհրդարանական հարթակներում, մասնավորապես ԱՊՀ ՄԽՎ-ում և ՀԱՊԿ ԽՎ-ում փոխգործակցությանը:

Դեսպանն ընդգծել է, որ վերջին օրերի իր հանդիպումների ընթացքում մշտապես զգացել է հայ խորհրդարանականների ձգտումը հայ-ռուսական հարաբերությունները զարգացնելու և նոր մակարդակի հասցնելու հարցում: Նշելով, որ նոր քաղաքական իրողություններում բարձրացել է օրենսդիր մարմնի դերը՝ նա համոզմունք է հայտնել, որ խորհրդարանական կապերի խորացումը միջպետական հարաբերությունների կարևոր բաղադրիչն է:

Անդրադառնալով միջխորհրդարանական հարթակներում համատեղ աշխատանքին՝ Սերգեյ Կոպիրկինը կարևորել է համակարգված օրենսդրական աշխատանքը մասնավորապես ԵԱՏՄ-ում և ՀԱՊԿ ԽՎ-ում:

Կողմերն անդրադարձել են նաև եվրոպական և եվրասիական ինտեգրման ուղղություններով համակարգված ու ներդաշնակեցված քայլերի իրականացմանը, մեր երկրի վարած արտաքին ու ներքին քաղաքականության առանձնահատկություններին:

Դեսպան Սերգեյ Կոպիրկինը հանդիպել է նաև ՀՀ ԱԺ առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանի հետ :

Հանձնաժողովի նախագահը բարձր է գնահատել հայ և ռուս ժողովուրդների բարեկամական հարաբերությունները, կարևորել երկու երկրների խորհրդարանական նույնանուն հանձնաժողովների միջև համագործակցության սերտացումը: Ըստ նրա՝ առողջապահության և սոցիալական ապահովության ոլորտներում կատարվող օրենսդրական փոփոխությունները քաղաքացիներն անմիջապես զգում են իրենց վրա, հետևաբար այդ ոլորտներում անհրաժեշտություն է միմյանց փորձին ծանոթանալն ու փոխօգնությունը:

Դեսպան Սերգեյ Կոպիրկինը կարևորել է երկու երկրների միջև պատմականորեն ձևավորված բարեկամությունը և նշել, որ համագործակցության դեռևս չօգտագործված ներուժ կա բազմաթիվ ուղղություններով. նա առանձնացրել է, մասնավորապես, առողջարանային զբոսաշրջությունը, որի զարգացումը նպաստավոր կարող է լինել նաև այլ բնագավառների զարգացման համար:

Զրուցակիցները կարևորել են խորհրդարանական հանձնաժողովների մակարդակում շփումների աշխուժացումն ու երկուստեք հետաքրքրություն ներկայացնող հարցերի շուրջ քննարկումների իրականացումը: 

Տպել
534 դիտում

Երիտասարդ կանայք հուշանվեր թղթադրամով գնումներ են կատարել. ոստիկանությունը ճանաչողներին խնդրում է արձագանքել (տեսանյութ)

ՀՀԿ-ն միացրել է «սպասման ռեժիմը»

Հենրիխ Մխիթարյանն ամբողջական մարզում է անցկացրել «Ռոմա»-ի ընդհանուր խմբում

Դատարանը հեռացավ խորհրդակցական սենյակ` Արա Վարդանյանի խափանման միջոցի վերաբերյալ որոշում կայացնելու

Նիկոլ Փաշինյանը մասնակցում է Հայաստանում Ամերիկայի առեւտրի պալատի տարեվերջյան հանդիպմանը (տեսանյութ)

Տեղյակ եմ, որ պատգամավորի հասցեին սպառնալիքներ են հնչել․ ԱԺ նախագահ

Կմշակվի ուսուցիչների վերապատրաստման առցանց համակարգ. ԿԳՄՍ նախարարություն

«Եվրատեսիլ 2020»-ի կազմակերպիչների գումարը չի բավականացնում մրցույթի համար

Նույնիսկ երբ Սերժ Սարգսյանը նրան իդիոտ էր անվանում, Վազգեն Մանուկյանը չխորշեց գնալ եւ ընդունել նրա առաջարկը. պատգամավոր

Նազիկ Ամիրյանին առնչվող քրեական գործը հարուցվել է չորս հոդվածներով. ՔԿ-ն այն վարույթ է ընդունել

«Volkswagen», «BMW M» եւ «Ford Transit» մակնիշների ավտոմեքենաները բախվել են Սեբաստիայի փողոցում, կա տուժած. ԱԻՆ

Նախագահ Արմեն Սարգսյանը հրաժեշտի հանդիպում է ունեցել Հայաստանում Հունաստանի դեսպանի հետ (տեսանյութ)

«Կեռ Թալա» կոչվող հանդամասում հրդեհի օջախ է նկատվել. ԱԻՆ

Պատգամավորի նկատմամբ սպառնալիքներ հնչեցնելու մասին հրապարակումներն ուղարկվել են ոստիկանություն

Ճապոնիայի կայսրն սկսել Է գահ բարձրանալու գիշերային ծեսը

6 մլն 250 հազար 415 շվեյցարական ֆրանկ, 667 հազար 730 եվրո. Վարդան Սրմաքեշը հայտարարագրել է ունեցվածքը

Նիկոլ Փաշինյանը կմեկնի Իտալիա

ԿԳՄՍ նախարարը միշտ բաց է քննարկումների համար, սակայն ուսանողների եւ դասախոսների հետ հանդիպում դեռ պլանավորված չէ. խոսնակ

Նախագահ Արմեն Սարգսյանը հյուրընկալել է ռեժիսոր Ջիվան Ավետիսյանին

Առերևույթ կոռուպցիոն չարաշահումներ «Հայանտառ» և «Դիլիջան ազգային պարկ» ՊՈԱԿ-ների անտառապահների կողմից