Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն

Հայ թատրոնի պատմության մեջ առաջին անգամ ստեղծվել է Black Box- Small Stage, կամ «Սեւ տուփ- Փոքր բեմ» թատրոնը: «Սեւ տուփ- Փոքր բեմ»-ը կգործի Գաբրիել Սունդուկյանի անվան ազգային ակադեմիական թատրոնին կից:

Նոր ձեւաչափով «Սեւ տուփ- Փոքր բեմ»-ի բացման արարողությունը տեղի ունեցավ այսօր՝ փետրվար 20-ին: Ներկա էին Սունդուկյան թատրոնի ավագ սերնդի դերասանները, նորերն ու այլ անվանի արվեստագետներ:

Թատրոնի տնօրեն Վարդան Մկրտչյանը լրագրողների հետ զրույցում նկատեց, որ թատորնի 95–րդ թատերաշրջանը սկսելիս գեղարվեստական ղեկավար Արմեն Էլբակյանի հետ հայտարարել էին, որ թատրոնը բոլոր առումներով բռնելու է փոփոխությունների ճանապարհը, այդ ամենն այսօր քայլ առ քայլ իրականություն է դառնում: Տնօրենը նկատեց, որ «Փոքր բեմ»-ի վերափոխումն ու նորովի ստեղծումն օդ ու ջրի պես կարեւոր էր Մայր թատրոնի համար:

Վարդան Մկրտչյանը տեղեկացրեց, որ նորարական այս նախաձեռնությունը կյանքի է կոչվել «Կոնվերս Բանկ»-ի աջակցությամբ. «Կոնվերս Բանկը մեզ հնարավորություն տվեց չլինել ու չմնալ խնդրողի դերում»:

Նորարական եւ ժամանակակից «Սեւ տուփ-Փոքր բեմ»-ի բացմանը ներկա «Կոնվերս Բանկ»-ի գործադիր տնօրեն Արթուր Հակոբյանը վստահություն հայտնեց, որ Մայր թատրոնին կից այս փոքր բեմը սկիզբ կդնի նոր զարգացումների եւ նոր որոնումների: «Հույս ունենք, որ այն կհարստացնի թատրոնի կյանքը, կնպաստի մշակութային արժեքների զարգացմանը»,-ասաց Հակոբյանը:

Սունդուկյան թատրոնի գեղարվեստական ղեկավար Արմեն Էլբակյանն էլ ուրախությամբ փաստեց, որ տարիների իրենց երազանքը կատարված է: Գեղարվեստական ղեկավարը նկատեց, որ նույնիսկ մեծ հնարավորություններ ունեցող թատրոնն, ինչպիսին Սունդուկյանի անվան թատրոնն է, պետք է ունենա երկրորդ բեմահարթակ, որովհետեւ առանց դրա թատրոնի ստեղծագործական կյանքն ու ընթացքը եւ՛ դանդաղում է եւ՛ դժվարանում: «Կատարվեց մի կարեւոր իրադարձություն, որը ես պատմական եմ համարում Մայր թատրոնի համար»,-ընդգծեց Էլբակյանը՝ հայտնելով, որ առաջիկայում հանդիսատեսին կներկայանան նոր ներկայացմամբ:

Նոր՝ Black Box- Small Stage, «Սեւ տուփ- Փոքր բեմ»-ում

«Հրավիրյալ ռեժիսոր է գալու՝ Սերժ Մելիք-Հովսեփյանը, բեմադրելու է նյու դրամա, որտեղ ընդգրկված են թե՛ երիտասարդ եւ թե՛ ավագ սերնդի դերասանները»,-ասաց Էլբակայնը: Նշեց, որ որպես գեղարվեստական ղեկավար շատ մեծ սպասելիքներ ունի այդ ներկայացումից, ասաց, որ նոր ներկայացումն իր բնույթով համապատասխանում է «Սեւ տուփ- Փոքր բեմ»-ին:

Black Box- Small Stage, կամ «Սեւ տուփ- Փոքր բեմ» թատերական կառույցի գաղափարը Եվրոպայում ծնվել է 20-րդ դարասակզբին: Նոր ձեւաչափով բեմը կոտրում է մինչ այդ հայտնի թատերական կառույցների ձեւերը, կամ, ավելի ճիշտ, մեկտեղում դրանք: «Սեւ տուփ»-ին բնորոշ են քառակուսի կամ ուղղանկյուն երկրաչափական ձեւերը, այն բաց տարածություն է՝ շարժական աթոռներով, շարժական բեմով, անվանը բնորոշ սեւ պատերով: Այսօր աշխարհի առաջատար կրթամշակութային  կառույցների համար «Սեւ տուփ» ունենալն էական նշանակություն ունի: Այն ընկալվում է որպես նոր որոնումների, առաջխաղացման, զարգացման հարթակ:

Տեսնայութը՝ Սունդուկյան թատրոնի ֆեյսբուքյան էջից

Տպել
2039 դիտում

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին

Հրդեհ Երասխ գյուղում. այրվել է 720 հակ անասնակեր

Ուկրաինայում զինված տղամարդը սպառնացել է պայթեցնել Կիեւի «Մետրո» կամուրջը. նրան ձերբակալել են

Բնակարաններից մեկից գողացել էր դրամապանակ ու օծանելիք. ոստիկանության բացահայտումը (տեսանյութ)

Վանեցյանի և Օսիպյանի գործունեությունը վարչապետին չի գոհացրել. Էդուարդ Աղաջանյան

Հրդեհ Հայթաղ գյուղում. այրվել են 2 տների տանիքներ

ԲԴԽ նախագահը ներկայացրեց Երեւանի ընդհանուր իրավասության դատարանի նորանշանակ նախագահին

Կձևավորվի ռիսկի վրա հիմնված տեսչական վերահսկողության լիարժեք համակարգ. ՍԱՏՄ

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը