Քաղաքացիական պայմանագրից 20 համայնքում համայնքի ղեկավարի պաշտոնում առաջադրված 7 թեկնածուից ընտրվել է 2-ը

Լուսանկարը՝ Նարեկ Ալեքսանյանի

Փետրվարի 17-ին Հայաստանի Հանրապետության 24 համայնքներում անցկացվեցին տեղական ինքնակառավարման մարմինների ընտրություններ։ Դրանցից 14-ում ընտրությունները հերթական էին, 10-ում՝ արտահերթ:

Նշված համայնքներից 20-ում անցկացվեցին համայնքի ղեկավարի, 4 համայնքում`ավագանու անդամի ընտրություններ:

Նախօրեին ՀՀ կենտրոնական ընտրական հանձնաժողովը հրապարակեց ընտրությունների մասնակցության արդյունքները․ ընտրություններին մասնակցելու իրավունք ունեցող 63 հազար 725 քաղաքացուց իր ընտրական իրավունքն իրացրել է 37 հազար 262-ը կամ ընտրողների 58,47 %-ը։ Այս ցուցանիշը տեղական ինքնակառավարման մարմինների ընտրությունների համար բավական բարձր արդյունք է։

Ընտրություններին 70%-ից բարձր մասնակցություն է գրանցվել Ակնաղբյուր, Օհանավան, Արեւաղբյուր, Ծաղկավան եւ Ուրցաձոր համայնքներում։ Ամենապասիվը եղել է Գետահովտում՝ 22,71 տոկոս։

Ընտրությունների մասնակից 65 թեկնածուներից միայն 11-ն են եղել կուսակցական։ 8 համայնքներում ընտրվել են գործող համայնքապետերը, 5 համայնքում՝ համայնքի ղեկավարի ժամանակավոր պաշտոնակատարները։ Երկու համայնքներում՝ Վարդանաշենում եւ Ուրցաձորում ընտրվել են որոշ ժամանակ առաջ հրաժարական տված համայնքապետերը։

Ուրցաձորում համայնքապետ է ընտրվել այս պաշտոնից հրաժարական տված անկուսակցական Ռաֆիկ Անդրեասյանը։ Այստեղ ընտրությանը մասնակցել է 2220 քաղաքացի, Անդրեասյանը հավաքել է 917 ձայն։ Վերջինս 216 ձայնով առաջ է անցել համայնքապետի ժամանակավոր պաշտոնակատար, «Իմ քայլը» դաշինքի աջակցությունը վայելող Գեւորգ Ավետիսյանից։

Ուրցաձորի հրաժարական տված-վերընտրված համայնքապետ Ռաֆիկ Անդրեասյանը մեր զրույցում ասաց, որ իր համար զարմանալի չէր ընտրությունների նման արդյունքը․ «Ես հավատացել եմ, ասել եմ՝ հրաժարական կտամ ու կառաջադրվեմ։ Ուզում ե՞ք ամեն տարի հրաժարական տամ ու վերընտրվեմ»։ Ինչպես իր խոսքում նշեց Անդրեասյանը՝ հրաժարական տվեց՝ ցույց տալու համար, որ համայնքի բնակիչները նորից իրեն են ընտրելու։

Վարդանաշեն համայնքում էլ ընտրվել է ամիսներ առաջ լիազորությունները վաղաժամ դադարեցնելու դիմում ներկայացրած Արթուր Մանուկյանը։ Նրա օգտին քվեարկել է 283 քաղաքացի։ Այստեղ ընտրելու իրավունք ունեցող 822 քաղաքացուց իր իրավունքն իրացրել է 528-ը:

Տեղեր համայնքնում վերընտրվել է համայնքի ղեկավար Գառնիկ Հովհաննիսյանը։

Վարդաշեն համայնքնում վերընտրվել է համայնքի ղեկավար Գեւորգ Բարխոյանը։

Հայկավան համայնքում ընտրվել է եւս վերընտրվել է գործող համայնքապետ Ռուբեն Ղազարյանը:

Հովտամեջում վերընտրվել է գործող համայնքապետ Արմեն Սարգսյանը:

Նալբանդյան գյուղում վերընտրվել է գործող համայնքապետ Գրիգոր Մկրտչյանը:

Նոր Արմավիրում վերընտրվել է գործող համայնքապետ Արթուր Ավետիսյանը:

Հառիճ համայնքնում վերընտրվել է համայնքի ղեկավար Ռոլանդ Նազարեթյանը։

Ակնաղբյուրում վերընտրվել է համայնքի ղեկավար Կարեն Դոլմազյանը։

Վարդենիս համայնքում ընտրվել է համայնքապետի ժամանակավոր պաշտոնակատար Արմեն Մելքոնյանը։

Նոր Գեղիում ընտրվել է համայնքապետի ժամանակավոր պաշտոնակատար Վարդան Պապյանը։

Արեւաբույրում ընտրվել է համայնքապետի ժամանակավոր պաշտոնակատար Ջիվան Մանուկյանը։

Ձորագետում ընտրվել է համայնքապետի ժամանակավոր պաշտոնակատար Արմեն Գրիգորյանը։

Աշոցքում ընտրվել է համայնքապետի ժամանակավոր պաշտոնակատար Կարեն Մանուկյանը։

Ակունքում ընտրվել է Նիկոլա Խաչատրյանը։

Ծաղկավանում ընտրվել է Իսկանդար Մեհրաբյանը։

Մալիշկայում ընտրվել է Գարիկ Նազարյանը։

Քաղսիում ընտրվել է Ռաֆայել Գրիգորյանը։

Օհանավանում ընտրվել է Էդգար Հայրապետյանը։

Նշենք, որ «Քաղաքացիական պայմանագիր» կուսակցությունից 20 համայնքներում համայնքի ղեկավարի պաշտոնում առաջադրվել էր 7 թեկնածու, որոնցից հաղթել են ընդամենը երկուսը՝ Նոր Գեղիում եւ Աշոցքում։

Այս ցուցանիշերի վերաբերյալ այսօր Ազգային ժողովում ճեպազրույցների ժամանակ «Իմ քայլը» խմբակցության պատգամավոր Հայկ Կոնջորյանն ասաց, որ եթե իրենք ցանկանային՝ բոլոր 24 համայնքներում կարող էին ներկայացուցիչներ առաջադրել, բայց քանի որ չեն ուզում քաղաքական դաշտը մոնոպոլիզացնել՝ հատկապես ազատ են թողել հենց ՏԻՄ ընտրությունները։

Նշենք՝ ՀՀ Քննչական կոմիտեն էլ տեղեկացրեց, որ փետրվարի 17-ին Հայաստանի 24 համայնքներում տեղի ունեցած տեղական ինքնակառավարման մարմինների ընտրությունների ընթացքում Քննչական կոմիտեի մարզային քննչական բաժիններում առերեւույթ ընտրախախտում պարունակող նյութեր չեն ստացվել:

Տպել
908 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան