2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

16/02/2019 schedule18:49

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը։ Այս մասին տեղեկանում ենք ՀՀ ոստիկանության մամուլի ծառայությունից։

Տիգրան Սարգսյանը ոստիկանության համակարգում է 2004 թվականից։ Առաջին քայլերն արել է ոստիկանության պետական պահպանության գլխավոր վարչությունում, ապա տեղափոխվել արտաքին ծառայության ոլորտ։ 2014-ից գնդի 5-րդ վաշտում է։ 

Ոստիկանության պարեկապահակետային ծառայության գնդի հրամանատար Արթուր Խուդինյանը Տիգրան Սարգսյանին դրական է բնութագրում։ Նրա խոսքով՝ նախորդ տարվա լավագույն պարեկային ոստիկանը պարտաճանաչ եւ պատրաստված ծառայող է։ 

Շենգավիթում գերազանց հասարակական կարգ պահպանելուց բացի Տիգրան Սարգսյանը նաեւ ներդրում ունի հանցավորության դեմ պայքարի գործում։ 2018 թվականին նա բացահայտել է 10 հանցագործություն, այդ թվում՝ սպանության սպառնալիքի, մարմնական վնասվածք հասցնելու, ծեծի ու գողության դեպքեր, նաեւ հայտնաբերել է թմրամիջոցներ։ Լավագույն պարեկայինը նախորդ տարի ոստիկանության Շենգավիթի բաժին բերման է ենթարկել տարբեր իրավախախտումներ կատարած 177 անձի։ 

Վաշտի հարամանատար Արթուր Հովնանյանի խոսքով՝ Տիգրան Սարգսյանի կատարած աշխատանքը ոստիկանության հատուկ հանձնաժողովի դատին ներկայացրել են՝ հաշվի առնելով նաեւ նրա մարդկային որակները։ Վստահեցնում է, որ քաղաքացիների հետ շփումներում չափազանց հարգալից է․ երբեք բողոքներ չեն ստացել։

Տիգրան Սարգսյանը ծնվել է մանկավարժների ընտանիքում։ Փոքրուց սիրել է համազգեստն ու մտադրվել, որ մի օր ինքն էլ կրի՝ ծառայելով պետությանն ու ժողովրդին։ Պարեկայինի աշխատանքը համարում է բարդ ու հետաքրքիր։ Նրա խոսքով՝ պարեկայինը պետք է չափազանց զգոն եւ արագ կողմնորոշվող լինի։ Վստահեցնում է՝ ծառայությունը չսիրեր, վաղուց այլ աշխատանքի կանցներ։ 

Տիգրան Սարգսյանը 2016 թվականից ջոկի հրամանատար է։ Ծառայության արդյունավետության գրավականը համարում է առողջ բարոյահոգեբանական մթնոլորտը։ Ասում է, որ գործընկերները նաեւ ընկերներ են․ փոխօգնության պատրաստ ոչ միայն ծառայության մեջ, այլեւ՝ ծառայությունից դուրս։ 

Տիգրան Սարգսյանն իր լավագույն պարգեւը համարում է ընտանիքը՝ ամենաջերմ անկյունն աշխարհում։ Որդին, հոր օրինակով ոգեշնչված, սիրում է համազգեստը, բայց նպատակադրվել է լավ տնտեսագետ դառնալ։ Դուստրը առաջին քայլերն է անում երաժշտության բնագավառում։ Իրենց հոգատար հորով ավելի են հպարտացել, երբ տեղեկացել են, որ նա ճանաչվել է լավագույնը։ 

Տպել
1046 դիտում

ՀՀ-ում միլիմետրերի ճշգրտությամբ քաղցկեղային գոյացության հստակ տեղակայման հնարավորություն է ստեղծվում (տեսանյութ)

Գյումրիի «Մսի կոմբինատ» թաղամասի տներից մեկում փրկարարները հայտնաբերել են դի. ԱԻՆ

Հայաստանից ՌԴ ներգաղթյալների թիվը աճ է արձանագրել. ՌԴ վիճակագրական ծառայություն

Էջմիածնի Մայր Տաճարի ռեստավրացիայի ժամանակ մի շարք յուրահատուկ բացահայտումներ են կատարվել

Ընդհանուր առմամբ 151 մլն դրամ. Շիրակում կարկուտից տուժած 960 ընտանիք ֆինանսական աջակցություն կստանա

Վանաձորում ընթացող ըմբշամարտի միջազգային մրցաշարին մասնակցում է մոտ 120 հոգի 7 երկրից. ՀՀ-ից բացակայում է 2 առաջատար

Ադրբեջանական կողմը ռազմական բազա է կառուցել Դավիթ Գարեջի վանքի տարածքում

Արարատի մարզում կոռուպցիոն հանցագործության դեպքերով 2019թ. առաջին կիսամյակում 7 անգամ ավելի վնաս է հայտնաբերվել

Իրավապահներն ուսումնասիրում են Ազգային ժողովում Հրայր Թովմասյանի թույլ տված չարաշահումները

Աղբի խնդիրը աստիճանաբար կմեղմվի. Երեւան հասան քաղաքապետարանի ձեռք բերած աղբատար մեքենաներից եւս երկուսը

Վերականգնվել է 50 մլն. դրամ. ՔԿ-ն մանրամասներ է ներկայացրել Գնդեվազի նախկին համայնքապետի գործով

Մանվել Գրիգորյանը չբերվեց դատարան. քննարկվում է գործով փորձագետ ներգրավելու հարցը

Երևանի ռեստորաններից մեկում գազի արտահոսքից հրդեհ է բռնկվել, տուժածներ չկան. ԱԻՆ

Մենք վստահ ենք, որ յուրաքանչյուր երեխա պետք է ապրի ընտանիքում. Անահիտ Քալանթարյան

Շուրջ 218 մլն դրամ. ապահովագրական մի շարք ընկերություններ մինչեւ ՊԵԿ-ի ստուգումները ճշգրտել են հաշվետվությունները

Մխիթարյանն առաջին անգամ խոսել է Բաքու չգնալու մասին (տեսանյութ)

Իրանի հարավում 5 մագնիտուդով երկրաշարժ է գրանցվել

Հարավային Կորեայի օդուժը նախազգուշական կրակոցներ է արձակել ռուսական ռազմական ինքնաթիռի ուղղությամբ

Հեմոդիալիզի պարագաների գնման արդյունքում հայտնաբերվել են մի շարք խախտումներ. ՊՎԾ

Ավտովթար Վանաձորում. բախվել են Mercedes-ն ու շտապ օգնության մեքենան (լուսանկարներ)