Մանվել Գրիգորյանին մեղսագրվող շորթման դրվագով անցնող անձինք մահացած են. պաշտպան

Մանվել Գրիգորյանին մոտ 20 միլիոն դրամ գրավի դիմաց ազատ արձակելու պաշտպանական կողմի միջնորդության քննարկումն այսօր հետաձգվեց:

Նրա պաշտպաններից Արսեն Մկրտչյանը մի քանի լրագրողների հետ զրույցում ասաց, որ պատճառը քննիչի բացակայությունն էր, որը չէր զգուշացրել նիստին չներկայանալու մասին:

Նշենք, որ միջնորդությունը քննում է դատավոր Մարինե Մելքոնյանը, որը մի քանի անգամ մերժել է Գրիգորյանին գրավով ազատելու միջնորդությունները: Հարցին, թե դատավորին ինքնաբացարկի միջնորդություն ներկայացնելո՞ւ են, Մկրտչյանը պատասխանեց, որ պատրաստվում են նման միջնորդությամբ հանդես գալ, սակայն այն համարում են անիմաստ:

Անդրադառնալով Մանվել Գրիգորյանի առանձնատներում հայտնաբերված մեքենաներին, Արսեն Մկրտչյանն ասաց, թե դրանք ընդհանրապես բանակի հետ կապ չունեն, դրանք բանակի համար չեն բերվել: Մեր դիտարկմանը, թե շտապօգնության մեքենան էլ բանակի համար չէր բերվե՞լ, Մկրտչյանը բասացական պատասխան տվեց. «Ես չեմ ուզում գործի մանրամասներին շատ անդրադառնանք, ամենակարեւորը հարցն է, որ Մանվել Գրիգորյանը իրականում զինվորի սնունդ չի յուրացրել»: Հարցին, այդ մեքենաները ձեւակերպվել են իր հարազատների անուններով Մկրտչյանը ասաց՝ ոչ: Ճշտող հարցին՝ իսկ մտերիմների անուններո՞վ, պաշտպանը արձագանքեց. «Ինչ է նշանակում, Մանվել Գրիգորյանը ունի ՀՀ-ում մոտ 3 միլիոն մտերիմ, եթե կա մի զանգված մարդկանց, ովքեր վատ են տրամադրված Մանվել Գրիգորյանին...

Նշենք, սակայն, որ ըստ ԱԱԾ-ի ավելի վաղ տարածած հաղորդագրության՝  Մանվել Գրիգորյանի առանձնատներում հայտանբերվել է նաեւ ապրիլյան քառօրյա պատերազմի օրերին Պաշտպանության բանակի համար նախատեսված ամենագնացների շարք, շտապօգնության մեքենա։ Դրանք պաշտպանության բանակին էին նվիրաբերել Ռուսաստանի հայ համայնքի ներկայացուցիչները, որոնք Մանվել Գրիգորյանը ձևակերպել է իր բարեկամների անուններով եւ տեղափոխել իր սեփական ավտոպարկ:

Մանվել Գրիգորյանը 2000-2008 թվականներին զբաղեցնելով ՀՀ պաշտպանության նախարարի տեղակալի պաշտոնը, կազմակերպել է մի խումբ անձանց կողմից նախնական համաձայնությամբ Էջմիածին քաղաքի բնակիչ Պ. Թորոսյանին պատկանող առանձնապես խոշոր չափերով գույքի շորթումը: Մասնավորապես, 2004 թվականի կեսերին Մ. Գրիգորյանը, Պ. Թորոսյանի կողմից Էջմիածնում կառուցվող բենզալիցքավորման կետն իրենը դարձնելու շահադիտական նպատակով, տվյալ գույքը ոչնչացնելու (վնասելու), գույքի սեփականատիրոջ և նրա ընտանիքի անդամների նկատմամբ բռնություն գործադրելու սպառնալիքով, կազմակերպել է իր ազդեցության ոլորտում գտնվող երկու անձանց միջոցով` նախնական համաձայնությամբ, խմբով, Պ. Թորոսյանին պատկանող առանձնապես խոշոր չափերով՝ 37․101․100 ՀՀ դրամ արժողությամբ բենզալիցքավորման կետի շորթումը:

Անդրադառնալով այս դրվագին Մկրտչյանն ասաց, որ այս գործով անցնող անձինք մահացած են:

Նշենք, որ հենց այս դրվագով Գրիգորյանը չի առարկել, որպեսզի այն վաղեմության ժամկետն անցնելու հիմքով կարճվի:

Տպել
717 դիտում

Շիրակի մարզի և Չինաստանի Հայնան նահանգի միջև ստորագրվել է Միջտարածաշրջանային հուշագիր

Մասիսում բնակարանագողը բռնվել է հանցանքի վայրում

ՀՀ նախագահ Արմեն Սարգսյանը հանդիպել է Կատարի փոխվարչապետ, պաշտպանության նախարար Խալիդ բին Մոհամեդ Ալ Աթիյայի հետ

Ռուբեն Բալաբանյանն ընտրվեց ՀՀ Հանրային խորհրդի պետաիրավական հարցերի հանձնաժողովի նախագահ

Թանկ Ամանորն ու էժան պոպուլիզմը

ՀՀ նախագահ Արմեն Սարգսյանը կմասնակցի «Դոհա ֆորում-2019»-ին

Ռուսաստանում անոմալ եղանակ է սպասվում. РИА Новости

«Սևան» քրեակատարողական հիմնարկում թմրամիջոցների իրացման դեպք է կանխվել

Օդի ջերմաստիճանը կբարձրանա 5-ից 7 աստիճանով

«Արաբկիր»բկ-ում քաղաքացին գլխով հարվածել է բժշկին. Արսեն Թորոսյանն իրավապահներին կոչ է արել գտնել եւ պատժել մեղավորին

Դալար գյուղի բնակիչը վճարային տերմինալ է գողացել

Դեկտեմբերի 8-ից 14-ը հայ դիրքապահների ուղղությամբ արձակվել է 1500 կրակոց

Կենտրոնական իշխանությունը ՏԻՄ ընտրությունների ժամանակ այլեւս չի ճնշում, երբեմն էլ չի հաղթում

Նախաքննության ընթացքում առիթ կունենաք ասելու, թե ով է այդ «ընդհանուր ընկերը». Անդրանիկ Քոչարյանը՝ Ռուբեն Հայրապետյանինն

Մյունխեն-Երևան չվերթով հետախուզվող է Հայաստան վերադարձել

Ադիգեայի ՆԳՆ կողմից հետախուզվողը կամավոր ներկայացել է ոստիկանության Վաղարշապատի բաժին

Հրդեհ Սարատովկայում

Արագածոտնում նվազել են ավազակային հաձակումներն, աճել՝ բնակարանային գողության դեպքերը. դատախազն ամփոփել է 2019 թվականը

Կոռուպցիայի դեմ պայքարի քաղաքական հետեւանքները

«Անարդար է, ես ոչ մի վատ բան չեմ արել». Դոնալդ Թրամփը հնարավոր իմփիչմենտի մասին