Մշակել մեխանիզմ, որ սեզոնային ժամանակավոր աշխատանքի ընդունվելու դեպքում քաղաքացին չզրկվի սոցիալական նպաստից․ վարչապետ

Կարող ենք արձանագրել, որ ՀՀ քաղաքացիների կողմից ընկալված է տնտեսական հեղափոխության մեր բանաձեւը, իհարկե, կառավարությունը դեռ պետք է ընդունի գործունեության ծրագրից բխող միջոցառումների ցանկը, բայց ես ուզում եմ տարանջատել այդ ցանկը տնտեսական հեղափոխությանը խթանող միջոցառումների ցանկից։ Այս մասին այսօր կառավարության նիստի սկզբում ասաց վարչապետ Նիկոլ Փաշինյանը՝ մի շարք հանձնարարականներ տալով առանձին խնդիրների վերաբերյալ, որոնց ուղղությամբ պատրաստվում են աշխատել․

«Ուզում եմ բարձրաձայնել մի քանի ուղղություններ, հանձնարարականներ, որոնց ուղղությամբ մենք միասին եւ առանձին պետք է աշխատենք։

1․ Վերանայել մինչ այժմ ներկայացված բոլոր ներդրումային առաջարկները, գույքագրել դրանցից յուրաքանչյուրի ընթացքը, բացահայտել դրանց իրականացման հետ կապված խնդիրները, կենտրոնացնել տեղեկատվությունը տնտեսական զարգացման եւ ներդրումների նախարարությունում։

2․ Կարգավորումների պարզեցման ճանապարհային քարտեզ կազմել՝ այդ թվում ջրի, գազի, էլէներգիայի կանխատեսելի հասանելիության խնդրի լուծման նպատակով։

3․ Արագացնել ներդրումային հայկական հիմնադրամի ստեղծման աշխատանքները, որը կիրականցնի ներդրումային ծրագրերի ուղեկցումը։

4․ Հիմա բացվում է սեզոնային աշխատանքի ժամանակաշրջանը․ մշակել մեխանիզմ, որ սեզոնային ժամանակավոր աշխատանքի ընդունվելու պարագայում քաղաքացին չզրկվի ընտանեկան կամ սոցիալական նպաստից։

5․ Հաշվառել հանրապետությունում առկա բոլոր թափուր աշխատատեղերը՝ աշխատավարձերով, հասցեով, ընկերություններով։

6․ Բացահայտել բոլոր այն մարդկանց, որոնք ամսական 100 հազար դրամ եւ ավելի ամենամսյա վարկեր են սպասարկում եւ միեւնույն ժամանակ օգտվում են ընտանեկան եւ սոցիալական նպաստների համակարգից։

7․ Բանկային տոկոսադրույքների նվազեցման խնդիրը պահել օրակարգում եւ ռազմավարություն մշակել։

8․ Միկրոբիզնեսը, անասնապահությունը վարկավորելու գործուն մեխանիզմներ մշակել։

9․ Մեծ թափով սկսել վերամասնագիտացման ուսումնական կենտրոնների ստեղծումը, եւ վերամասնագիտացման ծառայություններ մատուցել աշխատաշուկայի պահանջներին համապատասխան։

10․ Ակտիվացնել եւ զարգացնել այն ուսումնական կենտրոնները եւ նախագծերը, որոնց նպատակը մարդկանց բիզնես հմտություններ սովորեցնելն է եւ ֆինանսական գրագիտության շարունակական բարձրացումը։ Այս նպատակով բանակցել եւ համատեղ ծրագրեր իրականցնել Հայաստանի հանրային հեռուստաընկերության եւ մյուս հեռուստաընկերությունների հետ։

11․ Ակտիվացնել մասնավոր հատվածի ներգրավումը միջին մասնագիտական կրթական հաստատությունների վերակենդանացման ակտիվացման եւ զարգացման գործում։

12․ Կաթիլային ոռոգման, հակակարկտային ցանցերի, եւ գյուղատնտեսական նոր տեխնոլոգիաների ներդրման բյուջետային ծրագրերի արդյունավետությունը բարձրացնել այնպես, որ բյուջեով նախատեսված ծրագրերն ամբողջությամբ իրականանան, նախադրյալներ ստեղծել այդ աշխատանքի ծավալները մեծացնելու համար։

13․ Ջրամբարաշինության եւ ճանապարհաշինության առկա նախագծերի գույքագրում իրականացնել եւ նոր նախագծեր նախաձեռնել՝ զուգահեռաբար բանակցելով հնարավոր դոնոր կազմակերպությունների հետ։

14․ Մսի եւ կենդանի գլխաքանակի արտահանման մեխանիզմների գույքագրում իրականցնել եւ աջակցել այդ մեխանիզմների զարգացմանը։

15․ Պատրաստվել պտուղ-բանջարեղենի արտահանման սեզոնին, համոզվել գործող մեխանիզմների գործունակության մեջ եւ նոր պոտենցիալ արտահանողների համար շուկայի հասանելիության երաշխիքներ սկսել»,-հանձնարարականներն ավարտեց վարչապետը։

Տպել
1565 դիտում

«Գազել» մակնիշի ավտոմեքենան ընկել է Ազատի ջրամբարը (տեսանյութ)

Երեւան հասնեմ՝ Հրայր Թովմասյանի ակնկալած օբյեկտիվ, արժանահավատ փաստը կհրապարակեմ. Նիկոլ Փաշինյան

Հասարակության ներսում խնամքով փորվող խրամատները

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը

100 փաստ՝ նոր Հայաստանի մասին

Եթե պարոն Մարուքյանը շարունակելու է տեղը չբերել՝ հայտնվելու է Աշոտյանի դերում․ Նիկոլ Փաշինյան

Սարալանջում գազի արտահոսքից հրդեհ է բռնկվել. այրվել է պահեստավորված անասնակերը

ԱԺ-ում ինչ-որ մարդիկ հայհոյախառն արտահայտություններ թույլ տվեցին․ իրենցով պետք է զբաղվել. Նիկոլ Փաշինյան

Մենք պատրաստվում ենք ԵԱՏՄ-ում շատ ակտիվ շարունակել աշխատել․ Նիկոլ Փաշինյան

Անընդունելի է ցանկացած փաստաթուղթ, որտեղ խոսք է գնում տարածքային զիջումների մասին. Հայկ Խանումյանի արձագանքը

«Առաջարկված սկզբունքները հնացել են և վերանայման կարիք ունեն». Մասիս Մայիլյանի արձագանքը Նիկոլ Փաշինյանին

Մենք այդ փողերը վերցնում ենք այնտեղից, որտեղ իրենք տարիներով խնդրում էին եւ չէին ստանում․ Փաշինյան

Բուհական եւ գիտական համակարգը ծայրից ծայր պետք է բարեփոխվի․ մեր պլանը պինդ, շեշտակի քայլերով առաջ գնալն է

Կարծում եմ, որ ՀՀ կառավարության եւ Դաշնակցության միջեւ չկա հակադրություն․ վարչապետ

Նիկոլ Փաշինյանին արձագանքել է նաեւ ԱՀ նախագահի թեկնածու Արայիկ Հարությունյանը

Տաթեւիկ Ռեւազյանի նշանակվելու օրից սկսվել է ամենաստոր արշավը նրա նկատմամբ, ամենաստոր բաներն էին գրում ինձ․ վարչապետ