Իմ ընտրվելու դեպքում ԵԿՄ-ն չի կարող քաղաքականացվել․ Սասուն Միքայելյան

Երկրապահ կամավորականների միությունը պետք է փոխվի 99 տոկոով։ Այս մասին այսօր լրագրողների հետ ճեպազրույցում ասաց ԱԺ «Իմ քայլը» խմբակցության պատգամավոր, ԵԿՄ նախագահի պաշտոնում առաջադրված Սասուն Միքայելյանը։

Վերջինս, սակայն, չհստակեցրեց, թե ինչ փոփոխությունների կենթարկվի կառույցը։ Նա ընդգծեց, որ անհրաժեշտ են մի շարք փոփոխություններ, անհրաժեշտ է բարձրացնել ազատամարտիկների դերը, ռազմահայրենասիրական դաստիարակությունը եւ այլն։

«Ես երկրապահը ձեւավորողներից մեկն եմ, եղել եմ վարչության անդամներից մեկը, էն ժամանակ նորմալ կառույց է եղել, կարողացել է ներկայացնել մարդկանց գործունեությունը պատերազմական ժամանակաշրջանում եւ դրանից հետո։ Հետո ուրիշ ճանապարհով է գնացել»,- նշեց Միքայելյանը։

Սասուն Միքայելյանն ասաց, որ ԵԿՄ նախագահ դառնալը իր նախաձեռնությունը չէ, այլ կա նման պահանջ․

«Ես չեմ կարող մերժել իմ մարտական ընկերներին, որոնք այսօր պահանջ ունեն»։

Հարցին՝ հնարավո՞ր է կառույցը քաղաքականացվի, քանի որ ինքը նաեւ «Քաղաքացիական պայմանագիր» կուսակցության վարչության նախագահն է, Միքայելյանը պատասխանեց, որ նման բան չի կարող լինել․

«Պարզ ասում եմ, որովհետեւ մեր ժողովուրդն արդեն առնչվել է էդ հարցին, չեմ ուզում։ Ինչ վերաբերում է ՔՊ վարչության նախագահ լինելուն, ես ընտրվել եմ երկու տարի ժամկետով, իսկ այդ ժամկետը շուտով ավարտվելու է»։

Մեկ այլ հարցի՝ եթե ինքն ընտրվի ԵԿՄ նախագահ, Մանվել Գրիգորյանը կշարունակի՞ մնալ կառույցի անդամ՝ Միքայելյանը պատասխանեց. «Չեմ կարող այդ հարցին պատասխանել, երբ կձևավորվի երկրապահը, նոր անդամներ են լինելու, նոր մարդկանցով, բնական է՝ հին տղերքից էլ կմնան, ժամանակը ցույց կտա»։

Հիշեցնենք, որ նախօրեին ԵԿՄ վարչությունում տեղի է ունեցել նիստ։ Կառույցի անդամները միաձայն որոշել են պատրաստվել արտահերթ համագումարի՝ ԵԿՄ ղեկավար առաջադրելով «Սասուն» կամավորական ջոկատի հրամանատար, ԱԺ պատգամավոր, «Քաղաքացիական պայմանագիր» կուսակցության վարչության նախագահ Սասուն Միքայելյանի թեկնածությունը:

Տպել
1261 դիտում

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է