Քարոզարշավը հանգիստ գնում է. մրցակցությունը բավականին բարձր է. Մուկուչյանը` ՏԻՄ ընտրությունների մասին

Փետրվարի 17-ին Հայաստանի Հանրապետության 9` Տավուշի, Արագածոտնի, Արմավիրի, Արարատի, Լոռու, Գեղարքունիքի, Վայոց ձորի, Շիրակի եւ Կոտայքի մարզերում տեղի են ունենալու համայնքների տեղական ինքնակառավարման մարմինների հերթական եւ արտահերթ ընտրություններ:

«Քարոզարշավը հանգիստ գնում է: Մրցակցությունը բավականին բարձր է»,- այս մասին «Հայկական ժամանակ»-ի հետ զրույցում ասաց Կենտրոնական ընտրական հանձնաժողովի նախագահ Տիգրան Մուկուչյանը՝ պատասխանելով մեր այն հարցին, թե ինչպե՞ս է ընթանում քարոզարշավը փետրվարի 17-ի ընտրություններից առաջ:

Մուկուչյանը նշեց, որ մրցակցությունը բավականին բարձր է, որովհետեւ շատ թեկնածուներ են առաջադրվել. «Այս պահի դրությամբ ունեցել ենք ընդամենը մեկ ահազանգ` Վարդենիսում թեկնածուների կողմից պաստառներ փակցվելու հետ կապված է եղել: Անմիջապես հրավիրվել են բոլոր թեկնածուները, մեկ անգամ եւս պարզաբանվել են օրենսգրքի պահանջները, նորմալ ընթանում է, որեւէ արտառոց խնդիր, ահազանգ չկա»,- ասաց ԿԸՀ նախագահը:

Մեր դիտարկմանը, թե այսօր Վարդենիսում բողոքի ակցիա է տեղի ունեցել եւ թեկնածուներից մեկի կողմնակիցները նշում էին, որ խտրական վերաբերմունք է դրսեւորվել՝ մնացած թեկնածուներին թույլատրվել է պետական կառույցներում քարոզարշավ իրականացնել, իսկ իրենց թեկնածուին՝ ոչ, Մուկուչյանն արձագանքեց. «Կփորձեմ ճշտել, թե դա ինչ է, բայց դա անհնար է: Իրենց մոտից է եղել հենց առաջին ահազանգը մի քանի օր առաջ` պաստառների հետ կապված: Մեկը մյուսի պաստառի վրա էր փակցրել իր պաստառը: Մենք բացատրեցինք, որ նորմալ չէ դա, պետք է հանգիստ քարոզարշավ անել՝ չխանգարելով եւ ապօրինի որեւէ բան չանելով»:

Մեր հարցին, թե ընդհանուր քանի՞ համայնքում են ընտրություններ լինելու եւ քանի՞ թեկնածու կա, Մուկուչյանը պատասխանեց. «20 համայնքում տեղի են ունենալու համայնքի ղեկավարի ընտրությունները, 4 համայնքում ավագանու ընտրություններ են: Ավագանու ընտրություններ տեղի են ունենալու Մարգարա, Ջրաշեն, Գետահովիտ եւ Իջեւան համայնքներում: Համայնքի ղեկավարի ընդհանուր թեկնածուների թիվը 65-ն է, իսկ ավագանու անդամների թեկնածուների ընդհանուր թիվը 60 է: 1 թեկնածու ունենք միայն Տեղեր եւ Հայկավան համայնքներում: 2 թեկնածու 8 համայնքում կա, 3 թեկնածու 3 համայնքում է, 2 համայնքում 4 թեկնածու է, 5 թեկնածու 3 համայնքում է, համայնքներից մեկում ունենք 7, մյուսում՝ 8 թեկնածու: Այսինքն, բավականին բարձր է մասնակցությունը»:

Մեր հարցին, թե ինչո՞վ է պայմանավորված, որ 1 թեկնածու կա 2 համայնքում, Մուկուչյանը պատասխանեց. «Օրինակ, Տեղեր համայնքում ընտրողների թիվը ընդամենը 165 է, Հայկավանում 1102: Չի բացառվում, որ 165 հոգանոց համայնքում 1 թեկնածու գտնելն է անգամ շատ դժվար: Օրինակ, Վարդաշեն համայնքում 414 ընտրողով 2 թեկնածու կա: Վարդենիսում 8 թեկնածու է: Աշոցքում 7 թեկնածու է: Ակունքում եւ Նալբանդյանում 5 թեկնածու»,- ասաց Մուկուչյանը:

Նշենք, որ փետրվարի 17-ին համայնքի ղեկավարի ընտրություններ տեղի են ունենալու Արագածոտնի մարզի Տեղեր եւ Օհանավան համայնքներում, Արարատի մարզի Արեւաբույր, Ուրցաձոր եւ Վարդաշեն համայնքներում, Արմավիրի մարզի Հայկավան, Հովտամեջ, Նալբանդյան, Նոր Արմավիր եւ Վարդանաշեն համայնքներում, Գեղարքունիքի մարզի Ակունք եւ Վարդենիս համայնքներում, Լոռու մարզի Ձորագետ համայնքում, Կոտայքի մարզի Նոր Գեղի եւ Քաղսի համայնքներում, Շիրակի մարզի Աշոցք եւ Հառիճ համայնքներում, Վայոց ձորի մարզի Մալիշկա համայնքում եւ Տավուշի մարզի Ակնաղբյուր եւ Ծաղկավան համայնքներում:

Տպել
2073 դիտում

Արմավիրի մարզի Այգեշատ գյուղում ավտոմեքենան ամբողջությամբ այրվել է

Լեհաստանի Օսուվ քաղաքում հուշատախտակ է տեղադրվել` ի հիշատակ հայազգի զիվորների

Նախագահը հանդես է գալիս պետականության ամրապնդմանը միտված որոշումների օգտին. Ամուլսարի հանքի մասին

Հայաստանում որսը կիրականացվի միայն չորեքշաբթի, շաբաթ, կիրակի օրերին. կթույլատրվի գայլի ու շնագայլի որսը

Խոշոր հրդեհ Արալեզում. այրվել են կերաղացի տանիքը, 150 հակ անասնակեր, 6 ծառ ու խաղողի 3 վազ

Երևանում թալանել են «Հիդրոէլեկտրոմոնտաժ» ՓԲԸ-ի կոմերցիոն տնօրենին՝ հափշտակելով 20 հազար դոլար

Արայիկ Հարությունյանը մասնակցելու է «Վորլդսքիլզ» առաջնության շրջանակում կազմակերպվող երկօրյա համաժողովին

Հարցաքննվել է ԱԺ նախկին պատգամավոր Արտակ Սարգսյանը

ՀՀ-ն աջակցում է Եգիպտոսին ԵԱՏՄ-ի ազատ առևտրի համաձայնագրի շուրջ բանակցություններում. Մնացականյան

Հանդիպմանը հասկացա, որ վարչապետի ցանկությունը հարցն իրավական ճանապարհով լուծելն է․ Գարեգին Միսկարյան

Քրեական հեղինակություն Բոգոյի վերաբերյալ քրեական գործը կարճվել է. ամբաստանյալի աթոռին է նրա քենակալը

Մոսկվայում մահացել է հայտնի շինարար և բարերար Վարդգես Արծրունին

TotoSport` Նոր բազմաֆունկցիոնալ հավելված TotoGaming-ից

ՀՀ դեսպանը Ռումինիայի ԱԳ նախարարի հետ քննարկել է երկկողմ համագործակցության ընդլայնման հեռանկարները

Հայաստան է այցելել ՆԱՏՕ-ի խորհրդատվական խումբը

Ի՞նչ խնդիրներ ունեն մասնավոր հատվածի ներկայացուցիչները. հանդիպումներ նախարարի հետ

Արտո Թունջբոյաջյան, Վահան Արծրունի. վաղվանից կմեկնարկի «Ֆրեսկո» ամենամյա փառատոնը

«Ներկայիս իրավիճակն անթույլատրելի է». Բակո Սահակյանն այսօր խորհրդակցություն է անցկացրել

Վենետիկի հանձնաժողովը պատրաստ է խորհրդատվական կարծիք տրամադրել Քոչարյանի գործով. Թովմասյանը գրություն է ստացել

ԿԳՄՍ նախարարի հրամանով հաստատվել է, թե որքան է լինելու յուրաքանչյուր դասագրքի համար վճարի չափը