Հայկական նոր հումորային նախագծին կկարողանան մասնակցել նաեւ արտասահմանցիներ

Հայկական հումորային նոր նախագծին, որն անցկացվելու է ուկրաինական «Лига смеха»-ի ձեւաչափով, մասնացկելու իրավունք կունենան ոչ միայն հայերը, այլեւ արտասահմանցիները: Այս մասին armtimes.com-ի հետ զրույցում ասաց «Հումորի լիգա» նախագծի եւ FunnyMen Production-ի պրոդյուսեր Արմեն Սուքիասյանը: FunnyMen Production-ը նման պայմանավորվածություն ձեռք է բերել այն բանից հետո, ինչ հայկական «Հումորի լիգայի» հավաքական թիմը «Лига смеха»-ում հաջող ելույթներ է ունեցել ու եթերաշրջանին մասնակցելու իրավունք ստացել: Եթերում «Лига смеха»-ի հայկական տարբերակը կլինի սեպտեմբերից:

«Նախնական պայմանագիր ունենք: Բացի նրանից, որ այստեղ փառատոնն ենք ցույց տալու ու շատ հավանական է, որ եթերաշրջանի մեր խաղերը միաժամանակ ե՛ւ Հայաստանում, ե՛ւ Ուկրաինայում գնա եթեր՝ սեպտեմբերին Հայաստանում բացվելու է «Лига смеха»-ն՝ միջազգային լիգա: Հիմա դեռ գնում է «Հումորի լիգան», սեպտեմբերից արդեն պաշտոնական կլինի «Лига смеха»-ն, որին կարող են մասնակցել ցանկացած երկրի ներկայացուցիչներ: Հայաստանի մասնակիցները հանդես կգան հայերենով, այլ երկրների մասնակիցները՝ ռուսերենով (խմբ. նախագիծն ունի 2 պաշտոնական լեզու՝ ուկրաիներեն եւ ռուսերեն)»,- ասաց նա:

Իսկ առայժմ «Հումորի լիգայի» անդամները պատրաստվում են ուկրաինական եթերաշրջանին, որին հասել են 3 փուլ (այդ թվում հեռուստատեսային գալահամերգը) հաղթահարելուց հետո: Եթերաշրջանը սկսվելու է մարտից: Շուտով թիմի տղաները կսկսեն սցենարային աշխատանքները:

«Վաղն (խմբ. փետրվարի 9-ին) առավոտյան մեր այստեղի գեղարվեստական ղեկավար Վահե Խաչատրյանը ու թիմի անդամները (նրանցի մեկը՝ Աշոտ Վարդանյանն այնտեղ է) կմեկնեն Կիեւ, բոլորը կլինեն Կիեւում: Սկսվում են սցենարային աշխատանքները: 4 օրից էլի սցենարային աշխատանքներով զբաղվելու համար այստեղից կմեկնեն Ազատը, «Արցախից» Ավետը, Տիգրանը ու Գոռը՝ «Զվերապոլիս թիմից»»,- ասաց Արմեն Սուքիասյանը:

Եթերաշրջանը տեւելու է 1 տարի: Ընթացքում լինելու է նաեւ 1 ամառային եւ 1 ձմեռային գավաթի խաղարկություն: Եթերաշրջանին մասնակցությունը ֆինանսավորում է ԱԺ պատգամավոր Գագիկ Ծառուկյանը: Գավաթների խաղարկություններին կմասնակցեն, եթե ֆինասական միջոցներ լինեն:

Արմեն Սուքիասյանը կարեւորում է միջազգային հումորային նախագծերին հայերի մասնակցությունը: Ըստ նրա՝ դա զարգանալու, միջազգային փորձը սովորելու հիանալի հնարավորություն է: Ընդգծում է, որ ոլորտին թարմություն է անհրաժեշտ, իսկ դա հնարավոր կլինի միայն միջազգային նման շփումների միջոցով:  

«Մենք այնտեղից կարող ենք ֆորմատային, աշխատանքային փորձ բերել: Նույնն է, ինչ սպորտում. երբ հումորը փակ վիճակում է զարգանում, զարգացում չի ապրում, մեծ հաշվով, դառնում է ավելի նեղ կենցաղային ու իրավիճակային: Այնպիսի հումորի համար, որն իր մեջ ունի դրամատուրգիա, հումորային մյուս բաղադրիչները, դրսի փորձ է պետք: Դա մեկ: Երկրորդ, երբ երեխաները տեսնեն մեծերի հաջողությունը, կոգեշնչվեն: Մենք «ԵրՄի»-ից ու «Նովիե արմյանի»-ից հետո չունեցանք КВН-ային լուրջ հաջողություններ: Այսինքն՝ մենք միջազգային հեռուստաեթերում հումորի ոչ մի ձեռքբերում չունեցանք: Իսկ հիմա մեծ հաշվով Ռուսաստանի ժամանցային հաղորդումների լավագույն պրոդյուսերները «Նովիե արմյանիի» տղաներն են: Հիմա մենք ընտրել ենք КВН-ի ալտերնատիվը, որն ավելի ժամանակակից է, ժամանակի թելանդրանքին ավելի համապատասխան է, ավելի մոդերն: «Лига смеха»-ն է, որն իր տեսակի մեջ աշխարհում առաջինն է»,- ասաց նա:

Հայ հեռուստադիտողները «Лига смеха»-ի 3 փուլերում «Հումորի լիգայի» տղաների ելույթները դիտելու հնարավորություն կունենան շուտով: Կցուցադրվեն մարտ ամսին: Կլինեն «Շանթի» եթերում:

Տպել
2613 դիտում

Սիրիայի հակամարտությունից մինչեւ ռազմական համագործակցություն. ինչի՞ մասին են խոսել Պուտինը, Ռոհանին ու Էրդողանը

Մենք չենք միանում այդպիսի նախաձեռնություններին․ պետք է կոնկրետ հիմք լինի․ Պետրոսյանը՝ «Իմ քայլի» որոշման մասին

ՀՊՏՀ Գյումրու մասնաճյուղն Ալեքսանյանին ու Չալյանին անվճար կրթություն է առաջարկում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում