Թողեք, պիտի խփեմ, կրակեմ. ինչպես է փորձել «Արմենիա» ԲԿ-ից փախուստի դիմել «բանդայի» գործով դատապարտյալը

Երեւան քաղաքի ընդհանուր իրավասության դատարանի Կենտրոնի նստավայրում, դատավոր Մեսրոպ Մակյանի նախագահությամբ, այսօր շարունակվեց «Արմենիա» ԲԿ-ից փախուստի փորձ կատարած հայտնի «բանդայի» գործով դատապարտյալ Դավիթ Գալստյանի գործով դատական նիստը:

Դեպքը տեղի էր ունեցել 2017 թվականի հոկտեմբերին. Դավիթ Գալստյանը զենքի գործադրմամբ ընկերոջ հետ փորձել էր փախուստի դիմել հիվանդանոցից, ինչը, սակայն, կանխվել էր ՔԿՀ աշխատկիցների շնորհիվ:

Ըստ մեղադրական եզրակացության՝ Դավիթ  Գալստյանին եւ ընկերոջը՝ Վլադիմիր Մինասյանին, մեղադրանք է առաջադրվել այն բանի համար, որ Գալստյանը, հանդիսանալով ՀՀ ԱՆ Արթիկ ՔԿՀ-ի դատապարտյալ, հետազոտության նպատակով տեղափոխված լինելով Արմենիա ԲԿ, իր մտերիմ Վ. Մինասյանի օժանդակությամբ, զենքի գործադրմամբ փորձել է փախուստի դիմել ազատազրկման վայրից` հիշյալ բժշկական կենտրոնից: Ըստ այդմ՝ գտնվելով հիվանդասենյակում, հափշտակել է իր պահպանությունն իրականացնող Հ. Շախպազյանին ամրակցված ատրճանակը, զենքի գործադրմամբ երկու և ավելի անձանց` Ա. Մարուքյանին, Ա. Աշոտյանին, Հ. Շախպազյանին սպանելու դիտավորությամբ, հափշտակած ատրճանակից կրակոցներ է արձակել նրանց ուղղությամբ, սակայն իր կամքից անկախ հանգամանքներով հանցագործությունն ավարտին չի հասցրել:

Այսօր դատարանում հետազոտվեցին գոծում առկա ապացույցները: Մասնավորապես, մեղադրող դատախազ Պետրոս Պետրոսյանը հրապարակեց դեպքի վայրի զննության արձանագրությունը: Դեպքի վայրի զննությամբ իրավապահները հայտանբերել էին խլացուցիչ, պահունակ՝ լիցքավորված փամփուշտներով, կրակած պարկուճներ, կռփազենք, արնանման հետքեր:

Դեպքի վայրի զննության ժամանակ սույն գործով տուժող, ՔՀԿ աշխատակից Արթուր Մարուքյանը քննիչներին հայտնել է, որ դեպքի օրը, ինքը Հարություն Շախպազյանը, Աշոտ Աշոտյանը հիվանդասենյակում են եղել, երբ հիվանդասենյակ է մտել դատապարտյալ Դավիթ Գալստյանին  դիմավորած մի երիտասարդ: Նա պատմել է, որ երիտասարդի ձեռքին եղել է մեծ պայուսակ. «Իմ հարցադրմանը, թե ինչո՞ւ է պայուսակը այդքան մեծ, ի՞նչ կա պայուսակում, երիտասարդը, ըստ էության, դա որպես կասկածանք ընդունելով՝ վազել է ինձ ընդառաջ, ընթացքում բացելով պայուսակը եւ այնտեղից հանելով ինքնաձիգի փողը»,- պատմել է տուժողը՝ հավելելով, որ իրեն հաջողվել է ինքնաձիգի փողը ներքեւ իջեցնել, որպեսզի իրենց չսպանի: Այնուամենայնիվ, Գալստյանի մտերիմին հաջողվել է ինքնաձիգից մեկ կրակոց արձակել դեպի ներքեւ:

Գործով մյուս տուժող Հարություն Շախպազյանն էլ հայտարարել է, որ այդ ընթացքում, երբ փորձել է այդ երիտասադրին վնասազերծել, նա գրպանից հանել է կռփազենքը եւ հարվածել Աշոտ Մարուքյանի դեմքին: Նույն պահին նկատել է, թե ինչպես դատապարտյալ Դավիթ Գալստյանը քաշելով պոկել իր գոտկատեղին ամրակցված տաբելային «Մակարով» տեսակի ատրճանակը: Այդ նույն ընթացքում Գալստյանի մտերիմը հարձակվել եւ հարվածել է ՔԿՀ աշխատակց Աշոտ Աշոտյանի դեմքին:

Շախպազյանը պատմել է, որ փորձել է վնասազերծել Դավիթ Գալստյանին եւ իրար քաշքշելով՝ հասել են դեպի հիվանդասենյակի մուտքի դուռը: Հենց այդտեղ էլ Գալստյանը կարողացել է լիցքավորել ատրճանակը եւ իրենց ուղղությամբ պահելով՝ փորձել կրակել, սակայն տուժողը հասցրել է բռնել ատրճանակից եւ այն ներքեւ իջեցրել, ինչի ժամանակ էլ կրակոց է հնչել:

Մի քանի վայրկյան տեւած քաշքուկի ընթացքում փորձել է զենքը խլել, սակայն Դավիթ Գալստյանը կարողացել է եւս երկու կրակոց արձակել, որոնք  բոլորն էլ դեպի ներքեւ են եղել, քանի որ ինքը ձեռքով ատրճանակը ներքեւ է իջեցրել: «Այդ ընթացքում Գալստյանը գոռգոռացել է՝ թողեք, պիտի խփեմ, կրակեմ եւ նմանատիպ հայտարարություն է արել»,- պատմել է Շախպազյանը:

Վերջինս նշել է, որ Աշոտ Աշոտյանը (մյուս տուժող) օգնության է հասել այն պահին, երբ ինքը Դավիթ Գալստյանի ձեռքին եղած ատրճանակից դուրս է բերել պահունակը, իսկ վեջինս հասկանալով, որ պահունակը հանված է, ատրճանակը գցել է գետնին եւ փորձել փախչել, Դավիթ Գալստյանին հաջողվել է փախչել դեպի հիվանդանոցի առաջին հարկ, տուժողներին ու հիվանդանոցի անվտանգության աշխատակիցներին հաջողվել է բռնել նրան: «Բերելով հիվանդասենյակ՝ Դավիթ Գալստյանին ձեռնաշղթա ենք հագցրել, իսկ մեզ վրա հարձակվող անձի ձեռքերը կապել ենք իմ գոտիով»,- պատմել է Հարություն Շախպազյանը:

Նշենք, որ այս գործով նիստերից մեկի ժամանակ Դավիթ Գալստյանը ինքնավնասում էր կատարել

Հիշեցնենք, որ նա բանդայի գործով 15 տարվա ազատազրկման էր դատապարտվել՝ մեղավոր ճանաչվելով 2011 թվականի մայիս-սեպտեմբեր ամիսներին ավազակային հարձակումներ կատարելու համար: Հարձակումների թիրախ էին դարձել խմբի կողմից առանձնացված, ունեւոր համարված մարդիկ՝ Ատոմ Ղազազյանը, Էդուարդ Բեզոյանը, Աղվան Գրիգորյանը, Նապոլեոն Ազիզյանը: Հարձակումներն իրականացվել էին վերջիններիս առանձնատների վրա: Դավիթ Գալստյանը նախկինում նաեւ ինքնասպանության փորձ է կատարել հենց դատարանի դահլիճում:

Այսօրվա նիստը հետաձգվեց. այն կշարունակվի փետրվարի 25-ին:

Տպել
2023 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց