ԱԺ գործունեությունս չեմ դիտում որպես հերոսություն. Ջուլֆալակյանը պատասխանել է նախկին պատգամավորին

ՀՀ ԱԺ պատգամավոր Արսեն Ջուլֆալակյանը պատասխանել է ՀՀ բռնցքամարտի ֆեդերացիայի նախագահ, ԱԺ նախկին ՀՀԿ-ական պատգամավոր Արթուր Գեւորգյանին: Վերջերս Գեւորգյանը խոսել է հայկական սպորտի խնդիրներից մեկի վերաբերյալ օլիմպիական փոխչեմպիոն, աշխարհի, Եվրոպայի չեմպիոն հունահռոմեկան ոճի ըմբիշ Ջուլֆալակյանի առաջարկի մասին: Ըմբիշը պարբերաբար բարձրաձայնում է մարզիկների աշխատանքային ստաժի խնդիրը եւ նշում, որ այն պետք է օրենսդրական լուծում ստանա: Գեւորգյանը հորդորել է նրան դա որպես սեփական միտք, հերոսություն չներկայացնել, քանի որ իր գաղափարն է, ու նախկինում դրա շուրջ աշխատել է նախկին պատգամավոր Արման Սաղաթելյանի հետ:

«Հայկական ժամանակ»-ի հետ զրույցում Արսեն Ջուլֆալակյանը, որն ընդգրկված է ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովում, մեկնաբանեց Գեւորգյանի խոսքերը: Նա նշեց, որ իրենք ջերմ հարաբերություներ ունեն Գեւորգյանի հետ, նրա այս խոսքեր քննարկել են, եւ ինքը Գեւորգյանին ասել է, որ մամուլով կանդրադառնա դրանց, որպեսզի հանրության շրջանում թե՛ իրենց հարաբերությունների, թե՛ իր գործունեության վերաբերյալ թյուրըմբռնում չլինի:

«Սա ո՛չ իր միտքն է, ո՛չ իմ միտքն է, սա հայտնագործություն չէ, դեռեւս նախորդ դարի 50-ականներից կա, Խորհրդային միությունում է դեռեւս եղել, զարգացած բոլոր երկրներում կա, եւ ասել, թե իմ միտքն է կամ մյուսինը, տեղին չէ: Ուղղակի մենք՝ որպես գործի պրոֆեսիոնալներ, փորձել ենք կիրառել ՀՀ-ում: Ես ոչ մեկի հետ անձամբ պայքարի մեջ չեմ, որ այ իմ միտքն է: Առհասարակ ԱԺ-ում իմ գործունեությունը չեմ դիտում որպես հերոսություն: Եթե հերոսության համար ինչ-որ բան անելու լինեի, ենթադրում եմ՝ սպորտով ավելի հեշտ կլիներ, կամ միգուցե ինչ-որ փուլում իմ սպորտային հաղթանակներով արդեն արել եմ: Բայց այդ տարիքից արդեն դուրս եմ եկել, որ ինչ-որ գործունեություն ծավալեմ հերոս դիտվելու համար: Իմ խնդիրն է ինձ վստահված հանձնաժողովում այնպիսի գործունեություն ծավալել, որ տվյալ բնագավառները միայն շահեն: Վստահ եմ՝ Արթուրը ԱԺ-ում իր օրենսդիր աշխատանքը ծավալելիս չի առաջնորդվել հերոսանալու նպատակով եւ դա չի եղել այդ գոծունեության շարժիչ ուժը, այլ սերը եւ պատասխանատվությունը իր բնագավառի եւ պետության հանդեպ»,- ասաց նա:

Ջուլֆալակյանը նաեւ պատմեց, որ 2016 թ. Արթուր Գեւորգյանի հետ ընկերական շրջապատում ստաժի խնդրի վերաբերյալ խոսել է: Նույն հարցով առանձին քննարկում է ունեցել Արման Սաղաթելյանի հետ, որին հայտնել է նաեւ ԲԿՄԱ-ի փակման վերաբերյալ իր մտահոգությունները: Այդուհանդերձ, երբ արդեն սկսել է ԱԺ-ում աշխատանքները, չի իմացել, որ նախագիծ կա, իսկ օրենք նույնպես չկա, այդ պատճառով էլ առաջարկել է լրացնել բացը:

«Շատ ուրախ եմ, որ այդ ուղղությամբ քայլեր են սկսել անել, բայց նախ նրանք ինձ ոչինչ այդ մասին չեն ասել: Երկրորդ, ես չեմ իմացել՝ ինչ մակարդակի են նրանք հասել օրենսդրական այդ նախագծի պատրաստման հարցում: Երրորդ, երբ ես ընտրվել, ԱԺ-ում աշխատանքի եմ անցել, չեմ տեսել նման օրենք. օրենք չկա: Ի՞նչ պետք է անեի, նստեի սպասեի՞, որ ինչ-որ ժամանակ ինչ-որ մեկն արել է, փնտրե՞մ՝ ով է արել: Եթե կա խնդիր, պետք է լուծել: Տեսել եմ, որ լուծված չէ, որոշել եմ անել»,- ասաց նա:

Ինչ վերաբերում է այս խնդրի վերջնական լուծմանը, ապա Ջուլֆալակյանը գիտի, որ դա հնարավոր է նաեւ կառավարության որոշմամբ: Նաեւ հույս ունի, որ Գեւորգյանի ու Սաղաթելյանի հետ շփումներ կլինեն, եւ նրանք կփոխանցեն նախագիծը, որի վրա աշխատել են:

Բացի ստաժից՝ թե մինչեւ ընտրվելը, եւ թե ընտրվելուց հետո պատգամավորը խոսել է մարզական եւս 2 խնդիրների մասին՝ մարզիկների առողջական ապահովագրության եւ ԲԿՄԱ-ի վերաբացման: Առաջինի վերաբերյալ պատրաստվում է կրկին անդրադառնալ ԱԺ-ում՝ խոսքն ուղղելով առողջապահության նախարար Արսեն Թորոսյանին: ԲԿՄԱ-ի հետ կապված էլ քննարկում է ունեցել պաշտպանության նախարար Դավիթ Տոնոյանի խորհրդականի հետ: Կան որոշ թղթաբանական հարցեր գույքի սեփականաշնորհման, վայրի ընտրման վերաբերյալ: Դրանից հետո Ջուլֆալակյանը ցանկանում է, որպեսզի հանդիպում լինի Տոնոյանի հետ, որին կմասնակցի ոչ միայն ինքը, այլ նաեւ մարզաշխարհի պրոֆեսիոնալները, որպեսզի քննարկեն մասնագիտական դետալները, օրինակ, չափանիշները, թե որ մարզիկները պետք է ծառայեն ԲԿՄԱ-ում:

«Մի բան է կրիտերիաներ սահմանել հենակետային մարզաձեւերի համար, նկատի ունեմ ըմբշամարտ, ծանրամարտ.... եւ այլ բան է կրիտերիաներ մշակել զարգացող մարզաձեւերի համար՝ լող, հեծանվասպորտ, թեթեւ աթլետիկա.... բոլորս էլ հասկանում ենք, որ շատ բարդ կլինի թեթեւ աթլետիկայում աշխարհի չեմպիոն կամ մրցանակիր ունենալ, իսկ ըմբշամարտում եւ ծանրամարտում անընդհատ դա ենք պահանջում, եւ փառք ու պատիվ այն մարզիկներին, որոնք կարողանում են այդ պահանջը բավարարել»,- ասաց նա՝ ավելացնելով, որ տեսնում է, որ Պաշտպանության նախարարությունը լուրջ է տրամադրված:

Այս շրջանում Ջուլֆալակյանը նաեւ ուսումնասիրում է սպորտի զարգացման վերաբերյալ իրեն տարբեր մարդկանց ներկայացրած առաջարկները: Ավելի վաղ դիմել է հանրությանն այդ խնդրանքով, ու արձագանքներ կան: Նա նշում է, որ ուղարկվածների մեջ կան եւ իրեն ծանոթ գաղափարներ, եւ թե այնպիսինները, որոնք երբեք չի դիտել որպես սպորտի զարգացման բաղադրիչ: Խոսքը, օրինակ, կիբերսպորտի զարգացման մասին: Առաջարկների մեջ նրան ծանոթ մտքերից է ամերիկյան մոդելի կիրառումը, երբ սպորտը ֆինանսավորվում է գովազդների, հովանավորների միջոցով այլ ոչ թե անհատների, բարերարների: Ջուլֆալակյանն ընդգծում է, որ կուսումնասիրի առաջարկներ, եւ, եթե դրանցից մեկն օգտագործի, անպայման կհայտարարի հեղինակի անունը:

Տպել
2908 դիտում

Միջադեպ՝ Հյուսիսային պողոտայում Վահագն Չախալյանի մասնակցությամբ. նրան եւ մի քանի հոգու բերման են ենթարկել

Ջերմուկցիները գալիս են Երեւան. սպասվում է թեժ քննարկում

Հատվել է 1462 հատ տարբեր տեսակի և տրամագծերի ծառ. մեղադրանք է առաջադրվել 16 անձի, մեկ անձ հետախուզվում է

Մեկնարկել է Ամուլսարի շահագործման դեմ ջերմուկցիների ավտոերթը դեպի Երեւան

Lոռու մարզպետարանի պաշտոնյան սպանվել է դանակի 17 հարվածով. նոր մանրամասներ (լուսանկարներ)

Հրդեհ՝ Շիրակի մարզում. այրվել է անասնագոմ եւ պահեստավորած անասնակեր

Նռնակ՝ իր պայթուցիչով, 37 հատ տարբեր տրամաչափի փամփուշտներ. կինը զինամթերք է հանձնել

«Թումանյան» կայարանից Օձունի խաչմերուկ ճանապարհը ժամանակավոր փակ է լինելու. ժայռը կպայթեցնեն

«Լիդիան Արմենիա»-ն ներկայացրել է բնապահպանական փորձաքննության եզրակացության առաջարկների մասին պատասխաններ

Շոգը չի նահանջելու նաև այս շաբաթ. ջերմաստիճանը կտատանվի +40-ի սահմաններում. Սուրենյան

Արեգնադեմ գյուղում տնակ է հրդեհվել, ապա պայթել գազի բալոն․ 1 հոգի այրվածքներով հոսպիտալացվել է

Գրանցվել է խոտածածկ տարածքներում բռնկված 48 հրդեհ` ներգրավելով 58 մարտական հաշվարկ, 3 օպերատիվ խումբ

Սերժ Թանկյանը միացել է SaveAmulsar արշավին

Ըմբշամարտի երիտասարդական ԱԱ․ Շանթ Խաչատրյանը դարձավ արծաթե մեդալակիր՝ հաղթելով թուրք ըմբիշին

Կառավարությունը 2.1 մլրդ դրամ կտրամադրի մարտական դիրքերը խմելու հոսող ջրով ապահովելու համար. վարչապետ

Էլիտար քեֆի էլիտար ներկայացուցիչների՝ մորաքույրի եւ հորաքույրի հետ. Նիկոլ Փաշինյան

Հարկ վճարողների մոտ հաշվետվությունների ներկայացման հետ կապված խնդիրներ են առաջացել. ՊԵԿ

Երեւանը համալրվելու է եւս 3 աղբատար մեքենայով. Հովսեփ Կուբատյան

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան