Օշականի գյուղապետը կեղծիքով վերականգնել է լուծարված «Զվարթնոց» ՍՊԸ-ի հիմնադիրի սեփականության իրավունքը. Մելիքյան

Արագածոտնի մարզի Օշական գյուղի բնակիչ Ալվարդ Մելիքյանը 2004 թվականից մինչ օրս բնակվում է նույն գյուղի Մաշտոցի 9-րդ փողոցի 6 հասցեում, սակայն այսօր կանգնած է կացարանը կորցնելու վտանգի առաջ:

Շինությունը, որտեղ ապրում է նա, նախկինում պատկանել է գյուղապետարանին, Օշականի կենցաղի տունն է եղել: Նշված անշարժ գույքի նկատմամբ ՀՀ ԿԱ անշարժ գույքի կադաստրի պետական կոմիտում սեփականության իրավունքի պետական գրանցում որեւէ անձի անվամբ կատարված չի եղել: Քաղաքացի Ալվարդի վստահեցմամբ՝ կիսավեր վիճակում գտնվող այդ շինությունն իր ընտանիքի հետ միասին վերանորոգել է, դուռ ու պատուհան դրել, բնակության համար նվազագույն պայմաններ են ստեղծել: Ջուր, էլեկտրականություն, գազ, ոչինչ չի եղել, հիմա դրանք բոլորը կա եւ բոլորը վերջինիս ջանքերով է արվել:

Օշականի գյուղապետարանի դիմաց գտնվող այդ շինության համար, սակայն, այսօր սեփականատեր է հայտնվել, որը ինչպես Ալվարդ Մելիքյանն է պնդում՝ չունենալով որեւէ փաստաթուղթ կամ սեփականության վկայական, ուզում է տիրանալ տարածքին:

«Գյուղապետի միջոցով ինչ-որ փաստաթուղթ են առաջ բերել, ուզում են ձեռքիցս խլել»,-ասում է Ալվարդ Մելիքյանը՝ վստահեցնելով, որ երբ տարածքն իրեն են տվել, ոչ մի փաստաթուղթ չի ունեցել, ոչ մեկին չի պատկանել: «Բացի այդ ես այստեղ երկար տարիներ եմ ապրել, ձեռքբերման վաղեմության ուժով սեփականության իրավունք կարող էի ձեռք բերել»,-ասում է նա: 

Ալվարդ Մելիքյանը վստահեցնում է, որ Օշականի գյուղապետ Արամ Ներսիսյանը շահադիտական նպատականերից դրդված փաստաթղթեր է տրամադրել երրորդ անձ «Զվարթնոց» ՍՊԸ-ի հիմնադիր Սուրիկ Հովսեփյանին, որի հետ եռյակը հայտնվել է դատական քաշքշուկների մեջ:

Ալվարդ Մելիքյանի խոսքով՝ 2016 թվականի հոկտեմբերի 6-ին Օշական համայնքի ղեկավար Արամ Ներսիսյանը կեղծիքով վերականգնել է արդեն լուծարված «Զվարթնոց» ՍՊԸ հիմնադիր Սուրիկ Հովսեփյանի սեփականության իրավունքը՝ համաձայն իրադրային հատակագծի (հիմնական գծագիրը), ապա 2016 թվականի դեկտեմբերի 12-ին փոփոխվել է նույն հողամասի գործառնական նշանակությունը: Ալվարդ Մելիքյանը հայցով դիմել է ՀՀ վարչական դատարան ընդեմ գյուղապետ Արամ Ներսիսյանի:

Ալվարդ Մելիքյանի փաստաբան Աշոտ Խեչոյանի խոսքով՝ գյուղապետը իրավունք չուներ նման որոշում կայացնելու. «Մենք կասկածում ենք, որ դա ոչ թե 2016 թվականին է կազմվել, այլ վերջերս է ի հայտ եկել, բայց թե ինչ նպատակներով, դեռ չենք կարող ասել: Ձեռագիր ինչ-որ փաստաթուղթ է, բայց մենք պահանջել ենք, որ փետրվարի 18-ի նիստում ներկայացնեն բնօրինակը»:

«Հայկական ժամանակ»-ի հետ զրույցում Օշականի Գյուղապետ Արամ Ներսիսյանը եւս փաստեց, որ շինությունը նախկինում կենցաղի տուն է եղել եւ պատկանել է գյուղապետարանին, սակայն «Զվարթնոց» ՍՊԸ-ն գնել է այն: Ընկերության հիմնադիր Սուրիկ Հովսեփյանը լուծարման արձանագրություն է պատրաստել, ըստ որի այն պետք է անցնի հիմնադիրներին: Նշենք, որ վերջինս այդ գործով դատարանում որպես երրորդ անձ է ներգրավված:

Գյուղապետը, որի անմիջական մասնակցությամբ է կատարվել բոլոր փաստաթղթերի տրամադրումը, մեզ հայտնեց, որ այս պահին արձակուրդում է, եւ նորմալ տեղյակ էլ չէ, թե ինչ է կատարվել, քանի որ դա «հին գործ» է. «Մոտավորապես գիտեմ, որ «Զվարթնոց» ՍՊԸ-ն 90-ականներին առել է այդ տարածքը: Հետո Ալվարդ Մելիքյանը հիմնադիրի քրոջ միջոցով եւ համաձայնությամբ է տեղափոխվել ու ապրել այդտեղ»:

Արամ Ներսիսյանը վստահեցրեց, որ տարածքը «Զվարթնոց» ՍՊԸ–ի հիմնադիր Սուրիկ Հովսեփյանի սեփականությունն է. «10 տարի չի հետաքրքրվել, դա իր իրավունքն է, հիմա է որոշել տնօրինել իր տարածքը, առուծախի թղթերն էլ ունի»:

Տպել
1055 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց