Հայաստանը շարունակում է աշխատել այն մասով, ինչը վերաբերվում է բանակցությանը. Մնացականյանը՝ Ադրբեջանի ԱԳՆ-ին

Քիչ առաջ ավարտվեց ԱԳ նախարար Զոհրաբ Մնացականյանի եւ ԱԺ «Լուսավոր Հայաստան» խմբակցության փակ նիստը, որտեղ քննարկվել է Արցախյան հարցը:

«Շատ լավ առիթ է, որ միասին քննարկենք հարցեր, որոնք վերաբերվում են մեզ բոլորին: Մենք խոսեցինք տարբեր հարցերի շուրջ, սա ինձ համար շատ էական է՝ որպես կառավարության անդամ աշխատել ԱԺ խմբակցությունների հետ: Սա երկխոսություն է, որտեղ մենք համեմատում ենք մոտեցումները»,- հանդիպումից հետո լրագրողների հետ զրույցում հայտարարեց նախարարը:

Հարցին՝ խմբակցության անդամների մտահոգությունները փարատվեցի՞ն, նախարարը դիմեց Մարուքյանին. «Մտահոգություններ ունեի՞ պարոն Մարուքյան»:

Լրագրողների այն հարցին, որ Գերմանիայի կանցլեր Անգելա Մերկելը հայտարարել է, թե Նիկոլ Փաշինյանն Արցախյան հարցի հետ կապված խիզախ քայլեր է ձեռնարկել, ի՞նչ է նկատի ունեցել, Զոհրաբ Մնացականյանն ասաց. «Այն, ինչն արվել է պարոն վարչապետի կողմից, որ խիզախություն է խոսել խաղաղության մասին: Դա չի նշանակում, որ խոսելով խաղաղության մասին՝ վարչապետը հարցականի տակ է դնում վճռականությունը»:

ՀՀ վարչապետ Նիկոլ Փաշինյանը հայտարարել էր, որ «բացառվում է տարածքներ՝ խաղաղության դիմաց» թեզը, իսկ Ադրբեջանի ԱԳՆ-ն այս հայտարարությունը մեկնաբանել էր հետեւյալ կերպ, «Դժվար է հասկանալ Փաշինյանի տրամաբանությունը, քանի որ ԵԱՀԿ Մինսկի խմբի հովանու ներքո անցկացվող ղարաբաղյան հակամարտության կարգավորման բանակցություններում անկյունաքարը հենց Ադրբեջանի գրավյալ տարածքներից Հայաստանի զինված ուժերի դուրսբերումն է: Հարց է առաջանում, արդյո՞ք հարկավոր է Փաշինյանի նման դիրքորոշումը որպես բանակցություններից հրաժարում դիտարկել»: Անդրադառնալով Ադրբեջանի ԱԳՆ-ի այս հայտարարությանը՝ Մնացականյանն ասաց.

«Դա այդպես չէ, որովհետեւ Հայաստանը շարունակում է աշխատել այն մասով, ինչը վերաբերվում է բանակցությանը»:

ՀԺ-ի հարցին՝ արդյո՞ք Ադրբեջանը սպառնում է, երբ մեկնաբանում է Փաշինյանի՝ «տարածքներ՝ խաղաղության դիմաց» թեզի բացառումը, եւ արդյո՞ք հարկավոր է Փաշինյանի նման դիրքորոշումը որպես բանակցություններից հրաժարում դիտարկել, Մնացականյանն ասաց. «Մենք շարունակում ենք բանակցել»:

Երկու երկրների ղեկավարների պաշտոնական հանդիպման վերաբերյալ Մնացականյանն ասաց. «Պաշտոնական հանդիպման համար չշտապենք»:

Նիկոլ Փաշինյանը նշել է, որ Արցախյան հակամարտությունն ունի երեք կողմ: Զոհրաբ Մնացականյանը վարչապետի այս հայտարարության վերաբերյալ ասաց. «Հայաստանն ունի իր մասը, Հայաստանը երաշխավորն է Արցախի անվտանգության, Հայաստանը մասնակցում է բանակցություններին եւ շարունակելու է այդ ամենն անել»:

Ավելի վաղ տեղեկացրել էինք, որ Լուսավոր Հայաստան խմբակցությունը ՀՀ արտաքին գործերի նախարար Զոհրաբ Մնացականյանին այսօր հրավիրել էր խորհրդարան՝ արցախյան հիմնախնդրի կարգավորման շուրջ վերջին զարգացումների, ինչպես նաեւ ՀՀ արտաքին քաղաքական այլ առաջնահերթությունների շուրջ քննարկման եւ մտքերի փոխանակման համար։

Տպել
2225 դիտում

Կարծում եմ՝ ձեզ համոզեցի, որ ես ո՛չ ընկրկող եմ, ո՛չ վախեցող. ԵՊՀ-ն հրապարակել է Արամ Սիմոնյանի հրաժարականի ելույթը

Դատախազությունը Ռոբերտ Քոչարյանի և մյուսների գործով 2 բողոք է ներկայացրել

Վերաքննիչը մուտքագրել է Վահե Գրիգորյանի բողոքը Քոչարյանի և մյուսների գործը ՍԴ ուղարկելու որոշման դեմ

Հայկական Վերածնունդը սատարում է դատական հեղափոխությունը

ԱԺ նախագահը խորհրդարանական լսումներ է հրավիրում Անցումային արդարադատության հեռանկարները Հայաստանում թեմայով

Կոչ եմ անում շրջանավարտներին ձեռնպահ մնալ մեքենա վարելուց. Ճանապարհային ոստիկանության պետի ուղերձը

Կան շատ բաներ, որ տենց չեն եղել. Քրեական հեղինակություն Նորատուսցի Արան չընդունեց մեղադրանքը

Վճռաբեկ դատարանի դատավորները Քոչարյանի գործով քննադատում են ՍԴ-ին

Փաստաբան Ալեքսանդր Սիրունյանը Քոչարյանի գործով դատավորի դեմ հանցագործության մասին հաղորդում է ներկայացրել

Կալիֆորնիայի նահանգային սենատը Հայաստանի հետ առևտրային ներկայացուցչություն բացելու օրինագիծ է ընդունել

Ծանոթանալու են Հայաստանի զբոսաշրջային հնարավորություններին, կատարելու նկարահանումներ. շվեյցարացի լրագրողներ են եկել ՀՀ

Բռնցքամարտի ընտրանու մարզիկները պատրաստ են բոյկոտել Եվրոպական խաղերը, խնդրում են վարչապետի օգնությունը

Քաղաքացիական հասարակության հետագա զարգացումը մեզ համար սկզբունքային նշանակություն ունի. Արարատ Միրզոյան

Մուննաթը՝ ավագանու անդամների վրա, թե ինչու ժամկետը չեն երկարացնում, շատ տարօրինակ է. Զաքարյանը՝ Թոխատյանի մասին

Թոշակ նշանակելիս զինծառայության ստաժում կրկնակի չափով կհաշվվի շփման գծում մարտական հերթապահության ժամանակը

Զարուհի Մեջլումյանը ամուսնուն ներում շնորհելու եւ ազատ արձակելու պահանջով ակցիա էր իրականացնում

Հայտարարություն մրցույթի մասին

Երբեւէ հեղափոխությամբ կամ հակահեղափոխությամբ չեմ զբաղվել. Սամվել Կարապետյան (Օգանովսկի)

Հայ բռնցքամարտիկների մասնակցությունը Եվրոպական խաղերին վտանգված է սկանդալի պատճառով

ԵՊՀ ռեկտոր Արամ Սիմոնյանը հրաժարական տվեց