Հաանը Երեւանում էր. ադրբեջանցիները Հայաստանն ուղարկում են Եվրոպա, ռուսները՝ լռում

Հունվարի 29-ին ՀՀ Արտաքին գործերի նախարար Զոհրաբ Մնացականյանի հետ համատեղ մամուլի ասուլիսի ընթացքում Եվրոպական հանձնաժողովի հարեւանության եւ ընդլայնման հարցերով հանձնակատար Յոհաննես Հաանը «հանդգնեց հայտարարել», որ Հայաստանի համար լրացուցիչ օժանդակություն կլինի:

«Մենք հատուկ բյուջետային տող ունենք, որ նվիրված է իրավունքի գերակայությանը եւ այլ հատուկ ձեռքերումներին, եւ անշուշտ լրացուցիչ օժանդակություն կլինի Հայաստանի համար: Ես հանդգնում եմ հայտարարել, որ լրացուցիչ օժանդակություն կլինի՝ որպես խրախուսանք անցյալ տարի տեղի ունեցած դրական զարգացման»,- ասաց նա:

Ասուլիսի ընթացքում Հաանն անդրադարձավ նաեւ ներդրումային միջավայրին՝ նշելով, որ դրա վրա դրական ազեցություն են ունենում երկրում առկա տրամադրությունները։

«Այսօր առավել, քան երբեւէ, մարդիկ ոգեւորված են, որ գան Հայաստան եւ ներդրումներ անեն: Մենք քննարկեցինք հատուկ ներդրումային խորհրդաժողով անցկացնելու կարեւորությունը, որը Եվրոպական ընկերություններին թույլ կտա ծանոթանալ այստեղ առկա տրամադրություններին, քանի որ ընդհանուր մթնոլորտն ու միջավայրը շատ լավն են»,- ասաց Հանը:

Հաանը նշեց նաեւ, որ առաջիկա 7 տարիների ընթացքում ԵՄ-ն շուրջ 800 միլիոն եվրո կհատկացնի Հայաստանին` մի շարք ոլորտներում վարկերի եւ գրանտերի տեսքով: Նա նաեւ անդրադարձավ Հայաստանի հետ վիզային ռեժիմի ազատականացմանը՝ նշելով, որ Եվրահանձնաժողովը դրական է տրամադրված այս հարցով, որը, սակայն, պետք է քննարկել ԵՄ անդամ բոլոր երկրների հետ, ուստի մինչեւ Եվրախորհրդարանի ընտրությունները այս հարցով առաջընթաց չի սպասվում:

Հայ-եվրոպական հարաբերություններում տեղի ունեցող իրադարձությունները, մասնավորապես Արեւելյան գործընկերության շրջանակներում հանդիպումների համատեքստում, առավել հետաքրքրական են դրանց վերաբերյալ ադրբեջանական արձագանքի տեսանկյունից: Տվյալ դեպքում ադրբեջանական մամուլը կարծես լուրջ ուշադրության չէր արժանացրել Հաանի երեւանյան այցը: Այդ ընթացքում ադրբեջանական մամուլի շեշտադրումներն այլ էին: Բանն այն է, որ Բաքվում անցնում էր ադրբեջանա-գերմանական բարձր մակարդակի աշխատանքային խմբի 8-րդ նիստը եւ ադրբեջանական ողջ մամուլով տարածվում էր այն լուրը, որ «2018 թ. ընթացքում, համեմատած նախորդ տարվա հետ, Ադրբեջանի եւ Գերմանիայի միջեւ առեւտրաշրանառությունն աճել է 61 տոկոսով»:

Այդուհանդերձ, ադրբեջանցիները չէին կարող ընդհանրապես շրջանցել Հաանի երեւանյան այցը: Kaspiy.az կայքի «ԵՄ-ն խրախուսում է ամենաթողությունը» հոդվածում հեղինակը նեղսրտում է, թե «Հաանն առանց խղճի խայթի նշեց, որ ԵՄ-ն Հայաստանին կտրամադրի լրացուցիչ ֆինանսական օժանդակություն` «2018 թվականին ժողովրդավարության եւ օրենքի գերակայության ոլորտում հատուկ ձեռքբերումների համար»: Հոդվածում այդ քայլը որակվում է որպես «ծաղրանք ժողովրդավարությանը՝ հաշվի առնելով, որ Հայաստանը չի կարող պարծենալ օրենքի գերակայությամբ»:

Միեւնույն ժամանակ նկատվում է դեռեւս նախորդ տարվա ապրիլից առաջ քաշվող թեզը, թե Հայաստանը հեռանում է դեպի Արեւմուտք եւ Ռուսաստանի հետ դաշնակցությունը ժամանակավոր բնույթ է կրում՝ «մինչեւ այն պահը, երբ տեղի կունենա Հայաստանի ամբողջական եվրաինտեգրումը»:

Արդբեջանի՝ բոլորին դաշնակից ու գործընկեր լինելու եւ, ի տարբերություն Հայաստանի, ժողովրդավարության ու մարդու իրավունքների պաշտպանության օրրան լինելու վերաբերյալ թեզերը նորություն չեն ադրբեջանական փորձագիտական շրջանակներում: Դրանք արդեն նույնիսկ ծիծաղելի չեն, այլ ակնհայտ ձանձրացնող: Ինչ վերաբերվում է կոնկրետ դեպքում ադրբեջանական արձագանքին, ապա այն սպասելի էր եւ գործնականում անվտանգ: Վտանգն այլ բանում է. ադրբեջանական մոտեցումները կարող են ներթափանցել ռուսական փորձագիտական շրջանակներ:

Առայժմ, իհարկե, ռուսական մամուլը սահմանափակվել է Հաանի այցի վերաբերյալ զուտ տեղեկատվական բնույթի հաղորդագրություններով: Դա կարելի է բացատրել, թերեւս, նրանով, որ ռուսաստանցի ընթերցողը Հայաստանի հարցով ավելի խստապահանջ է, քան ադրբեջանականը, եւ հետեւում է տարրական տրամաբանությանը: Իսկ ներկայիս տեղեկատվական ֆոնին Հայաստանի «արեւմտականացման» մասին խոսելը փոքր ինչ անտրամաբանական կլիներ:

Հաանի հետ հանդիպման ընթացքում ՀՀ վարչապետ Նիկոլ Փաշինյանը՝ բարձր գնահատելով ՀՀ ժողովրդավարական զարգացմանը եւ բարեփոխումների գործընթացին ԵՄ կողմից ցուցաբերվող աջակցությունը նշել էր, որ ժողովրդավարությունը համոզմունք է, ոչ թե աշխարհաքաղաքական կողմնորոշում:

Վարչապետը նշել էր նաեւ, որ Հայաստանը կարեւորում է բոլոր գործընկերների հետ եւ ինտեգրացիոն միավորումների շրջանակում համագործակցության հետեւողական զարգացումը՝ ընդգծելով Հայաստան-ԵԱՏՄ հարաբերությունների խորացման կարեւորությունը:

Վերոնշյալ տեղեկատվան ֆոնի ապահովմանը նպաստել է նաեւ Փաշինյանի՝ ՌԲԿ-ին օրերս տված հարցազրույցը, որում, պատասխանելով հարցին, թե արդյո՞ք Հայաստանը չի ծրագրում միանալ երկրներին, որոնք հանդես են գալիս Ռուսաստանից էներգակախվածության նվազման օգտին եւ «Հյուսիսային հոսք-2»- ի տիպի նախագծերը դիտարկում են որպես սեփական անվտանգության սպառնալիք՝ նշել էր, որ Հայաստանն ինքն է շահագրգռված սեփական տարածքով տարանցիկ գազատարի անցկացմամբ:

Ադրբեջանական թեզերի անտրամաբանական լինելու մասին է խոսում նաեւ հայ-ռուսական ավելի առարկայական՝ պաշտպանական ոլորտի համագործակցությունը: Հունվարի 29-ին ՀՀ պաշտպանության նախարար Դավիթ Տոնոյանն ընդունել էր «Կալաշնիկով» կոնցեռնի գլխավոր տնօրեն Անդրեյ Բարիշնիկովին, որի հետ քննարկվել էին Հայաստանում ռազմական նշանակության ապրանքների համատեղ արտադրանքի կազմակերպումը: Հաջորդ օրն էլ հայտնի էր դարձել, որ Հայաստանն ու Ռուսաստանը ստորագրել էն Cy-30CM կործանիչների գործարքը: Ուստի այս պահի դրությամբ «Հայաստանին Ռուսաստանից պոկելու» մասին կանխատեսումները դատապարտված են անհաջողության:

Տպել
1597 դիտում

ՄԱԿ-ի Գլխավոր ասամբլեայում ՀՀ ներկայացուցիչը անդրադարձավ Հայոց ցեղասպանության հիշատակի օրվա խորհրդին

Ալեքսանյանի դպրոցը հիմնանորոգման կարիք ունի 2005 թվականից. չեմպիոնը մարզվում է խարխուլ դահլիճում

Պաշտոնանկություն՝ վարչապետ Նիկոլ Փաշինյանի որոշմամբ

Հայաստանից հեռանալու ժամանակ Միհրան Պողոսյանի վերաբերյալ ՀՔԾ-ում քրեական գործ չի քննվել. ՀՔԾ

Կփորձենք արդարացնել ԵԱՀԿ գլխավոր քարտուղարի հույսերը. Զախարովան՝ ԼՂ հակամարտության հարցում ՌԴ դերի մասին

2 դատավորներին կարգապահական պատասխանատվության ենթարկելու որոշումները ԲԴԽ-ն կհրապարակի մայիսի 8-ին

Պետական մարմնին գրեթե մեկ ամիս ուղղված տասնյակ հեռախոսազանգեր եւ ոչ մի հստակ պատասխան

Հերթական ապատեղեկատվությունն է. Արցախի ՊԲ-ն արձագանքում է Չիրագլի գյուղը գնդակոծելու մեղադրանքին

Էդուարդ Աղաջանյանը կմեկնի արձակուրդ

Երևանն ու Լիոնը նոր ծրագրեր կիրականացնեն. հանդիպել են քաղաքապետները

Բազմաթիվ կարեւոր խնդիրներ կան, որոնք մենք փորձում ենք լուծել. Սիփան Փաշինյան

Աննա Հակոբյանը ցավակցական հեռագիր է հղել Տիգրան Ֆարմանյանի մահվան կապակցությամբ

Ռիչարդ Սամել, Սպիվակովա. ինչ հայտնիներ են հրավիրվել Արցախի մասին պատմող ֆիլմում նկարահանվելու

Bloomberg գործակալությունն ասել է՝ ինչու պետք է այցելել ՀՀ. Փաշինյանը տարածել է նյութի հղումը

Հիմնանորոգվող Մ-6 միջպետական ավտոճանապարհի Ալավերդու հատվածում ասֆալտապատման աշխատանքներից ալավերդցիները դժգոհ են

Հայաստանի բուհերի ուսանողների կեսից ավելին օգտվում է ուսման վարձը ամսական տարբերակով վճարելու հնարավորությունից

Ծայրահեղ ատելության խոսք անձամբ Էրդողանի կողմից, աշխարհը պետք է չլռի. Փաշինյանն արձագանքել է Էրդողանին

Կիպրոսն աջակցում է Հայաստանի ջանքերին՝ Հայոց ցեղասպանության միջազգային ճանաչմանը հասնելու հարցում. Անաստասիադես

Յուրաքանչյուր աշխատակից յուրաքանչյուր ամիս ունի առավելագույնն իր աշխատավարձի 30%-ի չափով պարգևատրման ֆոնդ. Գալստյան

Քացախաթթվի լուծույթ խմած կինը Գյումրիից տեղափոխվել է Երեւան. դեպքով նյութեր են նախապատրաստվում