Հերթը հասավ ՍԱՊԾ-ին. ԺՊ-ն եւ աշխատակիցները դեռ տեղյակ չեն, որ այն կառավարությունում կրճատվող կառույցների թվում է

Սոցիալական ապահովության պետական ծառայությունը կլուծարվի. թվով 623 աշխատակիցներ կրճատման եզրին են: Կառավարության աշխատակազմից «Հայկական ժամանակ»-ին հայտնեցին, որ կրճատվող պետական կառույցների ցանկում է նաեւ աշխատանքի եւ սոցիալական հարցերի նախարարությանը կից սոցիալական պետական ապահովության ծառայությունը:

2018 թվականի հունիսի 15-ին վարչապետ Նիկոլ Փաշինյանի որոշմամբ՝ աշխատանքի եւ սոցիալական հարցերի նախարարության սոցիալական ապահովության ծառայության պետի պաշտոնը զբաղեցնում էր հիմա արդեն ԱԺ պատգամավոր Արման Բոշյանը: Իսկ հունվարի 10-ից սոցիալական ապահովության ծառայության պետի ժամանակավոր պաշտոնակատարը Արայիկ Պարոնյանն է:

Պարոնյանը «Հայկական ժամանակ»-ի հետ զրույցում նշեց, որ ծառայության լուծարման հետ կապված պաշտոնական որեւէ փաստաթուղթ չեն ստացել: Սոցիալական ապահովության ծառայության պետի ԺՊ-ն անգամ տեղյակ չէր, որ ՍԱՊԾ-ն կարող է լուծարվել: Արայիկ Պարոնյանն ասաց, որ տեղյակ չէ՝ կառավարությունում նման քննարկում եղե՞լ է, թե՝ ո՛չ: Հայտնեց, որ իրենք շարունակում են բնականոն աշխատանքները:

Ավելի վաղ Սոցիալական ապահովության ծառայության նախկին պետը, նորընտիր պատգամավոր Արման Բոշյանը լրագրողների հետ զրույցում հայտնել էր, որ ճանաչելով «Իմ Քայլը» խմբակցության եւ ապագա կառավարության անդամներին, կարող է հավաստիացնել, որ ցանկացած որոշում ընդունվելու է բալանսավորված եւ համակողմանի ուսումնասիրված:

«Հասկանում եմ նաեւ նախկին փորձի բացասական երանգը։ Այո, կա վիճակագրություն, որ օրենքների բացարձակ մեծամասնությունը բերվում էր կառավարությունից եւ «օպերատիվ» ձեւով, կնոպկա սեղմելով դակվում էին: Համոզված եմ, որ մեր շարքերում «դակողներ եւ կնոպկա սեղմողներ» չենք ունենալու, կառավարության բերած օրենքները քննվելու են, հիմնավորվելու են եւ տրվելու են բոլոր հարցերի պատասխանները»,-օրեր առաջ ասել էր Արման Բոշյանը:

Սոցիալական ապահովության ծառայության նախկին պետը նաեւ հայտնել էր, որ սոցիալական ոլորտին առնչվող գաղափարներ ունի, որոնք պատրաստվում է կյանքի կոչել ԱԺ-ում. «Խոսքս մասնավորապես վերաբերում է ընտանեկան աղքատության հաղթահարմանը, կենսաթոշակներին, նպաստներին։ Վերջին ամիսներին, լինելով Սոցիալական ապահովության ծառայության ղեկավար, աշխատանքային գործունեության ընթացքում առանձնացրել եմ խնդիրների խումբ, որոնց լուծման ճանապարհը գործադիրի եւ օրենսդիրի համատեղ աշխատանքի արդյունքում կարող ենք լուծել։ Պատգամավորական գործունեության ընթացքում փորձելու եմ օպտիմալ լուծումներ գտնել այդ խնդիրների համար»:

Տպել
1458 դիտում

Վրաստանի նախկին նախագահը վերադառնում է քաղաքականություն՝ որպես ընդդիմադիր

Է. Ղազարյանի ՀՀԿ-ական անցյալը հայտնի էր. բայց նա ապացուցեց այն, ինչ պահանջվում էր հանրաքվեն նախաձեռնողներից. Ռ.Ռուբինյան

Գեղարքունիքում ավարտվել է անասնագլխաքանակի հաշվառումը. նվազել է խոշոր, ավելացել մանր եղջերավոր անասունների գլխաքանակը

Կառավարության անդամները գրքեր են նվիրել Արմաշի գրադարանին

Ժամը 22:35-ի դրությամբ Սարավան-«Զանգեր» հատվածում 10-15 մ հորիզոնական տեսանելիությամբ մառախուղ է. ԱԻՆ

ԱՄՆ-ը պատրաստ է Իրանի հետ երկխոսության, եթե վերջինս փոխի իր քաղաքականությունը

Արմավիրում 21 և 60 տարեկան կանայք դրամապանակ են գողացել եւ դրանում առկա բանկային քարտով գումար կանխիկացրել

ՄԱԿ-ը 2020 թվականը հայտարարել է բույսերի առողջության պահպանման միջազգային տարի. չկա բույսերի առողջություն՝ չկա կյանք

Անհասկանալի է ռեժիսորի հրապարակ բերած արհեստական օրակարգը. ԿԳՄՍ-ն պատասխանել է Գալստյանի ահազանգին

Հրդեհաշիջման ժամանակ զոհված հրշեջն այսօր կդառնար 23 տարեկան. ծառայակից հրշեջները հուշաքար են տեղադրել

«Նուբարաշեն» ՔԿՀ աշխատակիցները կալանավորված անձի պայուսակից կասկածելի փաթեթ են հայտնաբերվել

Եվրամիության կարեւոր ծրագրերի ֆինանսավորումը կարող է սառեցվել. բյուջեի շուրջ համաձայնություն չկա

Երևանում ՃՈ-ն ուժեղացված ծառայություն է իրականացրել. (տեսանյութ)

Ստեփանծմինդա-Լարս ավտոճանապարհը բացվել է. ԱԻՆ

Հափշտակել են Դադիվանքում տեղադրված գանձանակը. ԱՀ ոստիկանություն

Հայկ Մարությանն այսօր ներկայացրել է Նոր Նորք եւ Աջափնյակ վարչական շրջանների նոր ղեկավարներին

«ՀԿԵ» ՓԲԸ տնօրենը Շիրակի մարզպետին առաջարկել է քննարկել Գյումրու ավտոկայանը երկաթուղային կայարան տեղափոխելու հարցը

Հայաստանը ունեցել է կապեր Եվրոպայի հետ, իսկ Ադրբեջանը՝ ոչ, այն պատճառով, որ նման երկիր գոյություն չի ունեցել. Զատուլին

Դիլիջանի ոստիկանները պետական-հասարակական ունեցվածքի գողության դեպք են բացահայտել

Իրանում կորոնավիրուսի հետեւանքով 2 քաղաքացի է մահացել