Չսպասելով իմ պատասխանին՝ անմիջապես բողոքել էր փոխվարչապետին. ինչու էր Ղարիբյանը մերժել Օրբելյանին

Դեռեւս ամիսներ առաջ հայտնի էր, որ Կոնստանտին Օրբելյանն առաջադրված է «Գրեմմի» երաժշտական 61-րդ մրցանակաբաշխությանը՝ «Լավագույն ձայնագրություն» անվանակարգում: Մաեստորն Կաունասի սիմֆոնիկ նվագախմբի ղեկավարությունից ստացել էր հունվարի 25-ից փետրվարի 8-ը Կաունաս մեկնելու հրավեր, այնուհետեւ փետրվարի 8-13-ը պետք է մեկներ ԱՄՆ` Լոս Անջելես:

Տեղեկացնենք, որ Կոնստանտին Օրբելյանն արդեն մեկնել է Լոս Անջելես՝ «Գրեմմի» մրցանակաբաշխությանը ներկա լինելու: Սակայն վերջինիս մասնակցությունն այնքան մեծ դժվարությամբ է հաստատվել մշակույթի նախարարության կողմից, որ պահանջվել է անգամ փոխվարչապետի միջամտությունը: Փոխնախարար Նազենի Ղարիբյանը «Հայկական Ժամանակ»-ի հետ զրույցում ասաց, որ իրեն է զանգահարել փոխվարչապետներից մեկը, (անունը չցանկացավ բարձրաձայնել) եւ հարցրել է, թե ինչու Օրբելյանին թույլ չի տալիս, որ գնա, մրցանակ ստանա:

Նազենի Ղարիբյանը պատմեց, որ երբ Օրբելյանը նամակով դիմել է նախարարություն՝ թուլտվություն ստանալու խնդրանքով, այնտեղ նշված է եղել երկու գործուղում: Ղարիբյանը մերժել է երկրորդ գործուղումը, որով Օրբելյանը հայտնել է, որ Կաունաս գործուղումից հետո պետք է մեկնի Լոս Անջելես՝ Գրեմմիի մրցանակաբաշխության:

Նշենք, որ Օրբելյանն իր նամակում շեշտել է, որ Կաունասի գործուղման ծախսերը հոգում է հրավիրող կողմը, իսկ ԱՄՆ մեկնում է իր անձնական միջոցներով:

Ղարիբյանը հաստատել է, Կաունասի գործուղումը, իսկ Լոս Անջելես գնալու հետ կապված, նշել, որ նպատակահարմարություն չի տեսնում եւ դրա համար հիմքեր չկան. «Նա 20 օրով պետք է բացակայեր, իսկ դա բավականին երկար ժամանակահատված է»:

Մեր զրույցում փոխնախարար Ղարիբյանը նշեց, որ այդ օրը խնդրել է հիմքեր ներկայացնել, երկրորդ օրը, երբ Օպերային թատրոնից հիմնավորել են Օրբելյանի մեկնումը, զբաղվածության պատճառով չի տեսել եւ չի հասցրել հաստատել, ինչից հետո էլ իրեն է զանգահարել փոխվարչապետը: «Պարոն Օրբելյանը չէր սպասել իմ պատասխանին, մտածելով, թե ես իրեն երկրորդ անգամ թույլ չեմ տալիս եւ անմիջապես բողոքել էր, դա էր իմ զայրույթի պատճառը»,-ասաց փոխնախարարը:

Անկախ ամեն ինչից, Ղարիբյանը վստահեցնում է, որ առաջին շնորհավորողներից մեկը կլինի, եթե Օրբելյանը մցանակ ստանա. «Բայց դա չէր խնդիրը, դա ուռճացվեց, ձեւախեղվեց, դարձավ մի պատմություն, թե իբր՝ ինքը գնում է մրցանակ ստանալու, ես էլ չեմ թողնում»:

Նազենի Ղարիբյանն անդրադարձավ օրեր առաջ ֆեյսբուք սոցիալական ցանցում կատարած իր աղմուկ հանած գրառմանը՝ նշելով, որ առաջացած թյուրիմացությունը նաեւ դրա հետեւանք էր. «Ես մի հրապարակում տեսա, որտեղ այնպես էր գրված, կարծես Օրբելյանին հրավիրել են մրցանակ ստանալու: Այո, Օրբելյանն ընտրվել է, բայց ինքը միակը չէ, նա թեկնածու է ուրիշների շարքում: Երեւի ես պետք է իմ գրառման հետ հղում դնեի, որ կոնկրետ հասկացվեր, թե ինչի մասին եմ ասում»:

«Հայկակակն ժամանակ»-ին հաջողվեց կապ հաստատել Կոնստանտին Օրբելյանի հետ: Վերջինս ներկայացրեց մրցանակաբաշխության ընթացակարգը: Հայտնեց, որ 2019 թվականին «Գրեմմի» երաժշտական մրցանակաբաշխության «Լավագույն օպերային ձայնագրություն» անվանակարգում աշխարհի առաջատար ձայնագրման ընկերության՝ «Նաքսոս Ռեքորդսի» («Naxos Records») կողմից առաջադրվել է 2017 թվականին թողարկված Վերդիի «Ռիգոլետտո» օպերայի ձայնագրությունը, որն իրականացվել է հայտնի «Դելոս» («Delos») ընկերության կողմից։

«Ձայնագրությանը մասնակցել են Կաունասի քաղաքային սիմֆոնիկ նվագախումբը եւ Կաունասի պետական երգչախումբը, ինչպես նաև երգիչներ Ֆրանչեսկո Դեմուրոն, Դմիտրի Խվորոստովսկին, Նադին Սյեռան, Վիլիուս Կեռասը եւ Ալեքսանդրա Կերիենեն՝ իմ ղեկավարությամբ: Գրեմմի մրցանակաբաշխությանն առաջադրվում եմ երրորդ անգամ՝ տարբեր ձայնագրություններով»,-ասաց նա։

Օրբելյանը նաեւ հայտնեց, որ Գրեմմի մրցանակաբաշխությանը ներկա գտնվելու հետ կապված ծախսերը իր միջոցների հաշվին են. «Իմ գործուղման ծախսերը հիմնականում ինքս եմ հոգում»:

2017 թվականի հոկտեմբերին Օպերայի եւ բալետի ազգային ակադեմիական թատրոնում կատարված կառուցվածքային փոփոխությունների արդյունքում կրճատվել է դիրիժորի հաստիք, որը միացվել է գեղարվեստական ղեկավարի հաստիքին: Ավելի վաղ հարցազրույցներից մեկում Ղարիբյանը նշել էր, որ Օպերային թատրոնում Օրբելյանը 3 պաշտոն է զբաղեցնում, ինչը օրենքի խախտում է, եւ շուտով այդ հարցն էլ կլուծվի:

Սակայն, Կոնստանտին Օրբելյանը մեր զրույցում նշեց, որ Ա. Սպենդիարյանի անվան օպերայի եւ բալետի ազգային ակադեմիական թատրոնի տնօրենի պաշտոնում նշանակվել է 2017 թվականի օգոստոսի 2-ին: Այնուհետեւ մեկ օր անց՝ օգոստոսի 3-ին 0,5 դրույքով նշանակվել է գեղարվեատական ղեկավարի պաշտոնում: «Այդ հրամաններում մինչ օրս ոչ մի փոփոխություն չի եղել: Այսպիով, ես թատրոնում զբաղեցնում եմ օրենքով թույլատրելի 1,5 հաստիք (դրույք)՝ տնօրենի եւ միայն գեղարվեստական ղեկավարի 0,5 հաստիքը»,-պարզաբանեց Կոնստանտին Օրբելյանը:

Մեզ չհաջողվեց պարզել, թե մեկնումի համաձայնություն նախարարությունից չստանալուց հետո Օրբելյանը ո՛ր փոխվարչապետին էր բողոքել. այդ հարցի շուրջ վերջինիս պատասխանը հետեւյալն էր. «Կարծում եմ, որ աշխատանքային եւ մարդկային փոխհարաբերությունների էթիկան թույլ չի տալիս, որպեսզի անդրադարձ լինի նմանօրինակ հարցերի»:

Տպել
2821 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան