Ովքե՞ր կարող են անվճար օգտվել թանկարժեք հետազոտություններից ու ստոմատոլոգիական ծառայություններից. կառավարության որոշումը

ՀՀ կառավարության այսօրվա՝ հունվարի 31-ի նիստում որոշում ընդունվեց փոփոխություններ ու լրացումներ կատարել կառավարության 2004 թվականի մարտի 4-ի «Պետության կողմից երաշխավորված անվճար եւ արտոնյալ պայմաններով բժշկական օգնության եւ սպասարկման մասին» N 318-Ն որոշման մեջ:

Դա նշանակում է, որ այսուհետ բնակչության ավելի մեծ մասը հնարավորություն կստանա օգտվել պետպատվերով անվճար կամ արտոնյալ պայմաններով տրամադրվող բժշկական ծառայություններից: Ընդլայնվել է նաեւ նրանց առաջարկվող բժշկական ծառայությունների ցանկը:

Փոփոխված որոշմամբ սահմանվում է, որ պետության կողմից երաշխավորված անվճար պայմաններով դժվարամատչելի ախտորոշիչ հետազոտություններից կարող են օգտվել անապահովության 30.01 միավոր ունեցող նպաստառուները: Մինչեւ այս, այդ շեմը 36 միավորն էր: Նաեւ նախատեսվում է ստոմատոլոգիայի ոլորտում կրկին անվճար դարձնել մի շարք ծառայություններ, որոնք 2018 թվականի սկզբին դարձել էին համավճարով, ինչն ի դեպ, դժգոհություն էր առաջացրել թե՛ շահառուների եւ թե՛ ստոմատոլոգների շրջանում:

Այսօր ընդունված որոշմամբ մասնավորապես սահմանվում է, որ պետության կողմից երաշխավորված անվճար պայմաններով նորագույն եւ թանկարժեք տեխնոլոգիաներով մատուցվող բժշկական օգնության եւ սպասարկման իրավունքից օգտվում են 18 տարեկան եւ ավելի բարձր տարիքի հետեւյալ խմբերում ընդգրկված անձինք. 

1) ընտանեկան նպաստի համակարգում ընդգրկված 30.01 եւ ավելի բարձր անապահովության միավոր ունեցող նպաստառուները,
2) Հայրենական մեծ պատերազմի մասնակիցները եւ նրանց հավասարեցված անձինք,
3) ծերանոցներում եւ անօթեւանների ժամանակավոր կացարաններում խնամվող անձինք,
4) բռնադատվածները,
5) Չեռնոբիլի ատոմակայանի վթարի վերացման աշխատանքների մասնակիցները,
6) մարդկանց շահագործման (թրաֆիքինգի) ենթարկված անձինք,
7) ձերբակալվածներ, կալանավորված անձինք եւ ազատազրկման դատապարտվածներ:

Վերոնշյալ խմբերում ընդգրկված անձանց, ըստ կառավարության որոշման, անվճար բժշկական օգնության եւ սպասարկման շրջանակներում մատուցվելու են բժշկական գծային արագացուցիչով ճառագայթային բուժում, ինչպես նաեւ նորագույն եւ թանկարժեք տեխնոլոգիաների կիրառմամբ հետեւյալ բժշկական ծառայությունները.

1)գլխուղեղի անոթային հիվանդությունների էնդովասկուլյար բուժում (ներառյալ միկրոկաթետրի, միկրոպարույրի եւ օնիքսի արժեքը),
2) կլիպսների օգտագործումը` նյարդավիրաբուժական վիրահատությունների ժամանակ,
3) շունտավորող համակարգերի օգտագործումը` նյարդավիրաբուժական վիրահատությունների ժամանակ,
4) էնդովասկուլյար ռեկոնստրուկտիվ բուժում՝ նյարդավիրաբուժական հիվանդությունների ժամանակ,
5) սրտի բաց վիրահատություն, կորոնար անոթների բալոնային դիլատացիա, կորոնար անոթների ստենտավորում` ինչպես դեղապատ, այնպես էլ` ոչ դեղապատ ստենտերով, սրտի փականների պրոթեզավորում, սրտի ռիթմը վարող սարքերի իմպլանտացիա,
6) աորտայի անևրիզմաների պատռվածքների և (կամ) շերտազատումների վիրահատություններ,
7) կարդիովերտեր-դեֆիբրիլատորի իմպլանտացիա,
8 ) սրտի կաթետերային աբլացիա,
9) խոշոր և պերիֆերիկ անոթների բալոնային դիլատացիա և ստենտավորում,
10) սիներակի (Վ. Կավա/V. Cava) ֆիլտրի տեղադրումը (ներառյալ ֆիլտրի արժեքը), 
11) արթրոսկոպիկ վիրահատություններ,
12) բացառապես վնասվածքաբանական վիրահատությունների ժամանակ կիրառվող մետաղական կոնստրուկցիաների, ընդ որում, միայն հարթակների, պտուտակների և շյուղերի արժեքները,
13) շագանակագեղձի միջմիզուկային մասնահատում (ՏՈՒՌ, ТУР) բիպոլյար կամ լազերային եղանակով,
14) քարափշրում (լիթոտրիպսիա)` հեռահար, պերկուտան, ուրեթերոռենոսկոպիկ,
15) սկլերոպլաստիկա, կեռատոպլաստիկա,
16) աչքի առաջային խցիկի արհեստական փականների կիրառում (շունտավորում):

Վերոնշյալ հետազոտություններից որոշներից հնարավորություն կստանան անվճար կամ արտոնյալ պայմաններով օգտվել նաեւ մինչեւ 7 տարեկան երեխաները,  Հայաստանի պաշտպանության մարտական գործողությունների մասնակիցները (այդ թվում՝ երկրապահ կամավորականները) եւ նրանց ընտանիքների անդամները, երկարամյա ծառայության կամ հաշմանդամության զինվորական կենսաթոշակ ստացող նախկին զինծառայողները, ժամկետային պարտադիր զինվորական ծառայության շարքային եւ կրտսեր ենթասպայական կազմի զինծառայողների ընտանիքների անդամները, ծառայության ընթացքում զոհված (մահացած) զինծառայողների ընտանիքների անդամները եւ այլք:

Ինչ վերաբերում է ստոմատոլոգիական ծառայությունների ոլորտում տեղի ունեցած փոփոխություններին, նշենք, որ 2018 թվականի բյուջեով կրճատվել էին ստոմատոլոգիական բժշկական օգնության ծրագրի համար նախատեսված ծախսերը, ինչի հետեւանքով էլ սահմանափակվել էր շահառուների ցանկը, ներդրվել էր համավճարի սկզբունքը: 2019 թվականի բյուջեի նախագծով, սակայն, դարձյալ նախատեսվել է ավելացնել նշված ծախսերը, ուստի, որպես արդյունք, նորից համալրվում է ստոմատոլոգիական ծառայություններից անվճար եւ արտոնյալ պայմաններով օգտվող շահառուների ցանկը, ինչպես նաեւ ծառայությունների տեսակները:

Այսպես՝ 2018 թվականի մինչեւ այժմ գործող որոշմամբ ընտանեկան նպաստի համակարգում ընդգրկված նպաստառուներից անվճար բուժօգնության իրավունք ունեին 35.01  եւ ավելի բարձր անապահովության միավոր ունեցող անձինք,  ընտանեկան նպաստի համակարգում ընդգրկված՝ 30.01-35.00 անապահովության միավոր ունեցող մինչեւ 18 տարեկան երեխաներն ու 65 տարեկան եւ ավելի բարձր տարիքի անձինք: Այսօրվա փոփոխություններով նախատեսվում է անվճար բժշկական օգնություն մատուցել ընտանեկան նպաստի համակարգում ընդգրկված 30.01 եւ ավելի բարձր անապահովության միավոր ունեցող բոլոր նպաստառուներին:

1-ին խմբի հաշմանդամություն ունեցող անձանց, մինչեւ 7 տարեկան երեխաներին, մինչեւ 18 տարեկան սոցիալապես անապահով եւ առանձին (հատուկ) խմբերում ընդգրկված երեխաներին, նախազորակոչային եւ զորակոչային տարիքի անձանց ստոմատոլոգիական բուժօգնությունը մինչեւ այժմ մատուցվում էր համավճարային սկզբունքով:  Այսուհետ նրանց այդ բուժօգնությունը կկազմակերպվի անվճար:

Որոշվել է ավելացնել  նաեւ մատուցվող ծառայությունների հետեւյալ տեսակները՝ մինչեւ 18 տարեկան երեխաների լորձաթաղանթի հիվանդությունների բուժում, 18 տարեկանից բարձր անձանց կարիեսի բուժում, լրիվ կամ մասնակի շարժական թիթեղային պրոթեզի վերանորոգում եւ պրոթեզավորման համար անհրաժեշտ ատամնաշապիկի պատրաստում ու տեղադրում (յուրաքանչյուր երեք տարին մեկ անգամ):

Տպել
12107 դիտում

Սեպտեմբերի 16-ին էլեկտրաէներգիայի մինչեւ 6-ժամյա անջատումներ կլինեն Երևանում և 8 մարզում

Մեղրիի բնակարաններից մեկում գազի արտահոսք է եղել՝ հրդեհի բռնկմամբ

Ըմբշամարտի աշխարհի առաջնություն. Արթուր Ալեքսանյանը 5:0 հաշվով հաղթանակ է տարել

«Մաեստրո Մանսուրյան-80». Գյումրիում կայացավ մեծ համերգ՝ կարեւոր առաքելությամբ

Չանկախություն. «Գազպրոմի» ֆորպոստը

Աղմկահարույց սպանության հետքերով. իրավապահները լռում են, որ շատ բան իմանան

«Հայամերիկյան» օպտիկական խաբկանք. անվճար վճարովի ակնոցներ

Արագած լեռան վրա արջի հարձակումից տուժած Լեհաստանի քաղաքացին մահացել է

Վարչապետն ընտանիքի հետ ներկա է գտնվել Սեւանի թերակղզում կազմակերպված ձկան փառատոնի բացմանը (լուսանկարներ)

Փաշինյանն ընդդեմ նախկինների. հաշիվն այսօր 10:3 է՝ հօգուտ Փաշինյանի․ Կարեն Անդրեասյան

ԱԺ նախագահն ընդունել է Ֆրանսիա-Հայաստան բարեկամական խմբի փոխնախագահի գլխավորած պատվիրակությանը

Երեւանում Ջերմուկի բնակիչների հետ համատեղ քայլերթ է իրականացվելու՝ ընդդեմ Ամուլսարի հանքի շահագործման

Թրամփը հայտնել է, որ ամերիկացի ուժայինները ոչնչացրել են «Ալ-Քաիդայի» հիմնադիր Բեն Լադենի որդուն

Սփյուռքի գլխավոր հանձնակատարը հանդիպել է «Էրմիտաժ» թանգարանի տնօրենի հետ

«Սեքյուրիթի դրիմ» ընկերության հիմնադիրը գրավի դիմաց ազատ է արձակվել

Արագած լեռան վրա Լեհաստանի Հանրապետության երկու քաղաքացի ենթարկվել է արջի հարձակման

ՀՀ ԱԳ նախարար Զոհրաբ Մնացականյանն ընդունել է Ֆրանսիայի Ազգային Ժողովի պատգամավորներին

Հենրիկ Նավասարդյանն ազատվել է Երեւանի քաղաքապետարանի տրանսպորտի վարչության պետի պաշտոնից

Մեր ժառանգությունը չի ճանաչում ժամանակային սահմաններ. ՀՀ ԱԳ նախարար

Նախարարությունը մշակել է ծայրահեղ աղքատ ընտանիքներին աջակցող որոշման նախագիծ