Ստեփան Գրիգորյանը Խաչատուրովին ըստ էության մեղադրում է պետական դավաճանության մեջ. փաստաբան

Երեւան քաղաքի ընդհանուր իրավասության դատարանում՝ դատավոր Տաթեւիկ Ստեփանյանի նախագահությամբ, այսօր մեկնարկեց ՀԱՊԿ նախկին գլխավոր քարտուղար, Մարտի 1-ի գործով մեղադրյալ Յուրի Խաչատուրովը հայցն ընդդեմ Գլոբալիզացիայի եւ տարածաշրջանային համագործակցության վերլուծական կենտրոնի նախագահ Ստեփան Գրիգորյանի:

Խաչատուրովը Ստեփան Գրիգորյանին դատի է տվել 2018 թվականի ամռանը՝ պատվի եւ արժանապատվությանը պատճառված վնասի հատուցման եւ հերքման պարտավորեցնելու պահանջով:

Նախնական դատական նիստում հայցվոր Խաչատուրովի ներկայացուցիչ Գրիգոր Բեքմեզյանը ներկայացրեց հայցի առարկան, մասնավորապես, Ստեփան Գրիգորյանի կողմից ասուլիսի ընթացքում արված այն արտահայտությունները, որոնք, ըստ հայցվոր կողմի, զրպարտչական բնույթ են կրում եւ  արատավորում են հայցվորի պատիվն ու արժանապատվությունը: Հայցվորի ներկայացուցիչը մեջբերեց Ստեփան Գրիգորյանի կողմից արված այդ արտահայտությունները. «Խոսելով Մարտի 1-ի գործի մասին, անմիջապես անցում է կատարում 2016 թվականի ապրիլի 2-ից 5-ը տեղի ունեցած պատերազմական դեպքերին: «Բայց ստեղ ուրիշ խնդիր կա, Խաչատուրովի դեպքում ես համոզված եմ, որ պետք է ստուգել, ոչ միայն Մարտի 1-ին իր դերակատարությունը, պետք է ստուգենք 2016 թվականին ապրիլյան պատերազմին իր մասնակցությունը: Ես բազմիցս ասել եմ, որ զարմանալի է ինձ համար, որ մի քանի գեներալներ, կամ չեն եղել իրենց տեղում, երբ որ պատերազմ էր, կամ չգիտեմ տարբեր տեղերում են եղել ու արագ չեն վերադարձել իրենց աշխատասենյակները: Ու երկորդը՝ ես առաջարկել եմ ստուգել այդ գներելաների եւ հարազատների հաշիվները մինչեւ պատերազմը ապրիլյան եւ անմիջապես հետո, քանի որ տարածքներ ձրի չեն հանձնվում, իրենք ոչ միամիտ են, ոչ էլ՝ մենք ենք միամիտ, տարածքներ հանձնելը լուրջ բան է ու բոլորին պետք է ստուգել, ու ես առաջարկել եմ Խաչատուրովի հետ ուսումանսիրությունը ԱԱԾ–ին բաց, հրապարակային ու հիմա էլ առաջարկում եմ ստուգել իր հաշիվներն ու հարազատների հաշիվները վերջին ժամանակներում, քանի որ միամիտ չկա, հասկանում եք, թող չմտածեն՝ մենք իդեոտ ենք, դուռակ ենք, չենք հասկանում, որ տարածքներ ձրի չեն հանձնում, տարածքները հանձված էին 2016 թվին...»,- Ստեփան Գրիգորյանի արտահայտությունները մեջբերեց Գրիգոր Բեքմեզյանը: Ըստ նրա՝ բոլորը գիտեն, թե ինչ է տեղի ունեցել 2016 թվականի ապրիլին եւ ինչքան ցավոտ հարց է դա մեր ժողովրդի համար: Ներկայացուցչի խոսքով՝ ակնհայտ է, որ նման հարցի շահարկումը եւ այդ պատերազմական գործողությունների հետ կապված մեղադրանքների ներկայացումը էլ ավելի հակասական բացասական վերաբերմունք է առաջացնում ունկնդրի նկատմամբ այն անձի վերաբերյալ, ում անունը շահարկվում է այդ արտահայտությունների ընթացքում:

«Պատասխանողը խոսում է ինչպես պարոն Խաչատուրովի մասին, այնպես էլ՝ գեներալների եւ ցանկացած դեպքում, երբ նա օգտագործում է գեներալ արտահայտությունը, խոսքը վերաբերում է նաեւ Խաչատուրովին ի թիվս այլոց, որովհետեւ նա, լինելով բանակի գեներալ, այդ ժամանակ զբաղեցրել է ԳՇ պետի պաշտոնը: Փաստացի, պատասխանողը ներկայացնում է, որ գեներալները, որոնց հիմնական պարտականությունը բանակը ղեկավարելն է, չեն եղել իրենց տեղերում, այսինքն՝ չեն իրականացրել իրենց պարտականությունները: Հատկապես նման մեղադրանքի ներկայացումը որպես փաստ է՛լ ավելի է արտավորում դրա հասցեատիրոջը, այն դեպքում, երբ ապրիլյան պատերազմի օրերին մենք ունեցել ենք 100-ից ավելի զոհեր, կորցրել ենք 800 հա տարածք: Ըստ էության, այս զոհերի համար նաեւ մեղադրում են հայցվորին եւ մյուս գեներալներին, քանի որ ըստ էութան նրանք պարտավոր են եղել լինել իրենց տեղում, չեն եղել, չեն կազմակերպել պաշտպանությունը հողերի, թողել են բանակը առանց ղեկավարման, ինչի հետեւանքով եղել են զոհեր եւ հողային կորուստներ: Փաստորեն պատասխանողը փաստում է, որ 800 հա տարածքները հանձնված են, նաեւ փաստում է, որ դրանք հանձվել են գումարի դիմաց: Այսինքն՝ պատասխանողը հայցվորին, ըստ էության, մեղադրում է պետական դավաճանության մեջ»,- հայտարարեց հայցվորի ներկայացուցիչը: Այսպիսով՝ հայցվոր կողմը պահանջում է պարտավորեցնել Ստեփան Գրիգորյանին դատարանի վճռի օրինական ուժի մեջ մտնելուց հետո մեկ ամսվա ընթացքում հրավիրել մամուլի ասուլիս եւ հերքել Յուրի Խաչատուրովի վերաբերյալ արտահայտված սուտ փաստացի տվյալները եւ ասուլիսի տեսանյութը տեղադրել Ստեփան Գրիգորյանի ֆեյսբուքյան էջում:

Նշենք, որ Խաչատուրովը, որպես ոչ նյութական վնասի փոխհատուցում Գրիգորյանից պահանջում է նաեւ 2 մլն դրամ։ Պատասխանող Ստեփան Գրիգորյանի ներկայացուցիչ Հայկուհի Հարությունյանի կարծիքով, սակայն, ասուլիսի ընթացքում Գրիգորյանի կողմից արված արտահայտությունները չեն կարող համարվել զրպարտիչ, քանի որ դրանք ընդհանուր են եւ վերաբերելի չեն կոնկրետ անձի։ Փաստաբանը, վկայակոչելով միջազգային նորմերով երաշխավորված անձի խոսքի ազատության իրավունքը, նկատեց, որ Գրիգորյանի կողմից արված արտահայտությունները պետք է դիտարկել ասուլիսի ամբողջականության մեջ։ «Ասուլիսի ընթացքում Ստեփան Գրիգորյանը խոսել է Հայաստանի Հանրապետությունում տիրող իրավիճակի, 2008թ. Մարտի մեկի իրադարձությունների, ինչպես նաեւ հասարակության համար հետաքրքրություն ներկայացնող Ապրիլյան պատերազմի մասին և իր գնահատականը տվել այդ իրադարձությունների վերաբերյալ»,–ասաց նա։ Պատասխանող կողմը ժամանակ խնդրեց դատարանից՝ ներկայացված հայցադիմումի վերաբերյալ գրավոր առարկություններ ներկայացնելու եւ ապացուցման բեռի հետ կապված միջնորդություն ներկայացնելու համար։ Սույն գործով հաջորդ դատական նիստը տեղի կունենա փետրվարի 18-ին, ժամը 16:00-ին:

Տպել
4486 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց