Աղջիկներն են դաստիարակում տղաներին. Աննա Դեմիրխանյան

Շուրջ 3 ամիս է՝ մոդել Աննա Դեմիրխանյանը կյանքի է կոչել մոդելինգի դպրոց ունենալու իր նախագիծը: «Demirkhanyan’s Models School»-ում դասընթացերը սկսվել են 2018 թ. նոյեմբերի 5-ից: Այժմ կա շուրջ 30 ուսանող: Armtimes.com-ի հետ զրույցում նա պատմեց, որ դպրոց բացելու ուղղությամբ ակտիվ աշխատել է վերջին 2 տարիների ընթացքում, սակայն գաղափարն ունեցել է մոտ 7-8 տարի՝ 2 հիմնական պատճառով:  

«Ցուցադրություններից հետո հաճախ լսում եմ հյուրերի կամ ոլորտի մասնագետների կարծիքը, որ Հայաստանը չունի մոդելներ, չունի լավ կադրեր: Վերջերս հաճախ մեր դիզայներներն աշխատանքի էին հրավիրում մոդելներ Վրաստանից: Միշտ ինձ մոտ եղել է իմ այս 18 տարվա փորձը մյուս աղջիկներին փոխանցելու ցանկությունը, որպեսզի նրանք կարողանան գոհացնել մոդելինգի բնագավառը Հայաստանում: Իհարկե միայն այդ խնդիրը չէ, որ ինձ հուզում էր: Մեր սերունդը եւ մեզանից ավելի մեծ սերունդը միշտ արձագանքում են, որ մեր աղջիկները խոսելու ձեւ չունեն, հագնվելու ձեւ չունեն եւ այլն: Եվ որոշեցի, որ կհիմնեմ այնպիսի կենտրոն, որտեղ մենք կկրթենք ոչ միայն մոդելների, այլ նաեւ կփոխանցենք աղջիկներին այն գիտելիքները, որոնք անհրաժեշտ են յուրաքանչյուր կիրթ աղջկան, կնոջը, օրիորդին»,- ասաց նա:

Դպրոցում դասընթացները շաբաթական 3 անգամ են 1.5 ժամով: Սկզբում ծրագիրը գրվել է 9 ամսվա համար, սակայն, ըստ Աննայի, ուսանողների մոտ հետաքրքրությունը մեծ է, իրենք էլ չեն ուզում մակերեսայնորեն անցնել թեմաների վրայով, ու գուցե դասընթացը երկարացնեն մինչեւ 10 ամիս կամ 1 տարի: Ինքը՝ Աննան, դասավանդում է դեֆիլե: Դասավանդվում է նաեւ արտթերապիա, գրականության, երաժշտություն, էթիկայի, էսթետիկայի կանոններ, ինչպես նաեւ մեյքափ, ստիլիստիկա, իմիջմեյքինգ եւ այլն: Աննան ընդգծում, որ դասախոսները բարձրակարգ մասնագետներ են՝ համապատասխան աշխատանքային փորձով:

Ընդունելության համար հասակի, չափերի՝ կազմվածքի հատուկ չափանիշները չկան: Այս դասընթացները, ըստ Աննայի, անհրաժեշտ են ոչ միայն մոդելներին, այլեւ բոլոր կանանց ու աղջիկներին: Նա նշում է, որ համապատասխան ունակություններով ուսանողները գուցե հետագայում դառնան մոդելներ, հաղորդավարներ, դերասաններ, եւ դպրոցն էլ հնարավորության սահմաններում կաջակցի նրանց, սակայն, եթե այդ ուղղություններով չշարունակեն էլ, ստացած գիտելիքները կօգնեն նրանց ավելի ինքնավստահ լինել ու երջանիկ զգալ:

«Դպրոցի նպատակն է, որ մեր աղջիկները, մեր կանայք ավելի երջանիկ լինեն: Իսկ ի՞նչ է պետք երջանկության համար: Նախ պետք է դու ինքդ քեզ շատ լավ ճանաչես: Իմանաս՝ ինչ նպատակներ, ձգտումներ ունես, քո մեջ ուժ գտնես, գնաս դեպի դրանք: Յուրաքանչյուր աղջիկ, կին պետք է իմանա, թե ինչպես գեղեցիկ, ճիշտ խոսել, իրեն պահել հանրության մեջ, ճիշտ քայլել եւ դրանով իրեն գեղեցիկ զգալ, ընդունված լինել հանրության մեջ, որը եւս երջանկության գրավականներից է: Երբ կիրթ ես, գիտես՝ ինչպես պահես քեզ հանրության մեջ, խնամված ես, քեզ գեղեցիկ ես համարում, ներդաշնակ ես ինքդ քո հոգու, սրտի, ուղեղի հետ, դու երջանիկ ես, ուժեղ ես, ինքնավստահ ես, քեզ ընդունում են, եւ դու իհարկե հասնում ես մեծ բարձունքների, որովհետեւ չունես նախանձ, չարություն եւ շատ հստակ քայլերով գնում ես դեպի քո երջանկությունը»,- ասաց նա:

«Demirkhanyan’s Models School»-ում այժմ գործում է 3 խումբ (6-10, 11-15 տարեկան եւ +16): Այս պահին նոր ընդունելություն է հայտարարված 6-35 տարեկանների համար: Այն կտեւի շուրջ 1 ամիս: Դրանից 3 ամիս անց կլինի նոր ընդունելություն: Դպրոցում սովորելու հնարավորություն է տրվում միայն աղջիկներին ու կանանց, եւ Աննան հաճախ ստիպված է լինում բացատրել, թե որն է դրա պատճառը:

«Ես այսպիսի մոտեցում ունեմ, որ աղջիկներն են դաստիարակում տղաներին: Աղջիկը՝ որպես մայր, դաստիարակում է եւ կրթում է իր որդուն, աղջիկը՝ որպես ընկերուհի, որպես կին կրթում է իր ամուսնուն եւ թելադրում է՝ ինչպիսի վերաբերմունքի է արժանի ինքը, ինչպես պետք է տղամարդն իրեն դրսեւորի: Ես կարծում եմ՝ շատ մեծ բան է կախված մեր աղջիկներից որպես կին եւ որպես ապագա մայր: Եվ եթե կրթենք աղջիկներին, ապագայում կունենանք ավելի կիրթ, ավելի միմյանց նկատմամբ հարգալից, սիրով սերունդ»,- ասաց նա:

Դպրոցի ամսական վարձը 25 հազար դրամ է: Աննան նշում է, որ սկզբում, երբ հաշվարկել են իրենց ներդրած ընդհանուր ռեսուրսները, վարձը կազմել է մոտ 45 հազար դրամ, սակայն ինքը գիտակցել է, որ այդ գումարը կարող է շատ բարձր լինել՝ հաշվի առնելով, որ շատ ծնողներ իրենց երեխաներին մասնագիտական առարկաներ պարապելու են ուղարկում, որոնք ավելի կարեւոր են, իսկ մոդելինգը հոբբի է: Բացի այդ՝ մասնագետները համաձայնել են առանց վճարի համագործակցել, եւ դպրոցն ավելի ցածր գին սահմանելու հնարավորություն է ստացել:

Տպել
1429 դիտում

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր