Երևան
24 °C
searchclose
today
menuclose
Երևան
24 °C
Transparency International կազմակերպությունը, որը զբաղված է աշխարհում կոռուպցիայի ոլորտի ուսումնասիրմամբ, օրերս հրապարակել է իր 2018 թվականի զեկույցը, գրում է «Ամերիկայի ձայնը»։
Ըստ կազմակերպության գնահատականի, երկրների մեծ մասի ձախողումը կոռուպցիայի դեմ պայքարում նպաստում է աշխարհում ժողովրդավարության ճգնաժամին: Ըստ զեկույցի, չնայած որոշ երկրներում կոռուպցիայի դեմ պայքարը գրանցել է որոշակի առաջընթաց, ընդհանուր առմամբ կոռուպցիայի դեմ լուրջ առաջընթաց չի գրանցվել: Մեթոդաբանական առումով կազմակերպությունը գնահատում է երկրներում կոռուպցիայի հետ կապված իրավիճակը 100 միավորանոց սանդղակի միջոցով՝ ուսումնասիրելով յուրաքանչյուր երկրի պետական կառավարման համակարգում առկա իրավիճակը: Հետազոտություններ են անցկացվել շուրջ 180 երկրներում:
Ըստ զեկույցի, ամենաքիչ կոռումպացված երկրներն են Դանիան և Նոր Զելանդիան համապատասխանաբար 88 և 87 միավորներով, իսկ առավել կոռումպացվածները՝ Սոմալին, Սիրիան և Հարավային Սուդանը՝ համապատասխանաբար 10,13 և 13 միավորներով: Զեկույցում ընդգրկված երկրների շուրջ երկու երրորդը գրանցել են 50 միավորից ցածր ցուցանիշ, որը ժողովրդավարության առկայության ցուցանիշն է մի շարք բացառություններով: Միացյալ Նահանգները, ըստ Transparency International, նախորդ տարի գրանցել է հետընթաց կոռուպցիայի դեմ պայքարի առումով և դուրս մնացել 71 միավորով առավել չկոռումպացված երկրների քսանյակից: Սա 2011 թվականից ի վեր ամենացածր ցուցանիշն է:
Ըստ զեկույցի՝ Արևելյան Եվրոպայի և Կենտրոնական Ասիայի տարածաշրջանում, որտեղ ընդգրկված է Հայաստանը, իրավիճակն ընդհանուր առմամբ հիասթափեցնող է: Տարածաշրջանի առաջատարն է Վրաստանը, որը 58 միավորով տարածաշրջանի միակ երկիրն է, որը գրանցել է 50-ից բարձր միավորների ցուցանիշ: Վրաստանին են հաջորդում Մոնտենեգրոն և Բելառուսը համապատասխանաբար 45 և 44 միավորներով: Վրաստանը գլոբալ սանդղակով 180 երկրներից զբաղեցնում է 41-րդ հորիզոնականը: Տարածաշրջանի ամենակոռումպացվածներն են Թուրքմենստանը (20 միավոր), Ուզբեկստանը (23 միավոր) և Տաջիկստանը (25 միավոր):
Կազմակերպության կարծիքով այսօր Ռուսաստանում, Ադրբեջանում, Ուկրաինայում և Ուզբեկստանում ժողովրդավարական նորմերն ու հաստատությունները սպառնալիքի ներքո են ավտորիտար համակարգի պատճառով: Ըստ կազմակերպության, Հարավային Կովկասի երկիր Ադրբեջանը նախորդ տարվա հետ համեմատած 6 միավորով անկում է գրանցել՝ 2018 թվականին ստանալով 25 միավոր:
180 երկրների սանդղակում Բաքուն զբաղեցրել է 152-րդ տեղը: Կազմակերպությունը մտահոգություն է հայտնում տեղի իշխանությունների կողմից քաղաքացիական հասարակության նկատմամբ շարունակվող բռնաճնշումների ու հալածանքների վերաբերյալ, ինչպես նաև իշխող վերնախավի կոռումպացվածության բարձր մակարդակի հետ կապված: Անդրադառնալով հետխորհդային երկրներում առկա հրամայականներին՝ զեկույցը ընդգծում է այստեղ վերահսկողական գործառույթների բացակայությունը պետական հաստատությունների շրջանում, որն էլ հանգեցնում է հզոր մասնավոր խմբերի կամ անհատների ազդեցության մեծացմանը կառավարության որոշումների հաստատման գործում:
Կազմակերպությունը որոշակի սպասելիքներ ունի հաջորդ տարիների ընթացքում տարածաշրջանի մի խումբ երկրներից, ներառյալ Թուրքիայից, Բոսնիա ու Հերցեգովինայից, Ուկրաինայից, Մակեդոնիայից և Հայաստանից՝ հաշվի առնելով այս երկրներում քաղաքական ոչ հստակ իրավիճակը: Հայաստանն այս ենթախմբում միակ երկիրն է, որ գրանցել է կառավարության դրական փոփոխություն:
Ըստ կազմակերպության գնահատականի, Հայաստանը 2018 թվականի ընթացքում ստացել է 35 միավոր՝ զբաղեցնելով գլոբալ աստիճանակարգում 108-րդ հորիզոնականը: Հիշեցնենք, որ 2017 թվականին Հայաստանի ցուցանիշը նույնպես 35 միավոր էր: Հայաստանում Transparency International կենտրոնի ծրագրերի ղեկավար Վարուժան Հոգտանյանն ընդգծում է, որ այս վերջին զեկույցի գնահատականները հիմնվում են 2017-2018 թթ. տվյալների վրա և մեծ մասով վերաբերում են Հայաստանի նախահեղափոխական շրջանին:
Ըստ փորձագետի, շուրջ 6 աղբյուրներից միայն մեկն է ընդգրկել մինչև 2018 թվականի օգոստոս ընկած ժամանակաշրջանը: Մյուս աղբյուրները օգտագործել են մինչև 2018 թվականի առաջին կեսի տվյալներ: Նրա կարծիքով, այս գնահատականների գերակշռող մասը վերաբերում է Հայաստանի նախորդ իշխանություններին:
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
ՀՀ-ն ԱՄՆ-ին է հանձնել հետախուզման մեջ գտնվող ամերիկացուն
ԵԽ գրասենյակի ղեկավարն ու Պապիկյանը քննարկել են համատեղ իրականացվող ծրագրի մանրամասները
Ուժերը մեզ վրա է պատո՞ւմ, թե չեն ընկալում ՀՀ-ն որպես անկախ պետություն. Սիմոնյան
Բերման է ենթարկվել բողոքի ակցիաների 29 մասնակից
Գառնիկ Դանիելյանին տեղափոխել են հիվանդանոց
Ռուսաստանում մեկնաբանել են Հայաստանի և Ադրբեջանի միջև առաջին սահմանային սյան տեղադրումը
Բերման են ենթարկվել Էդգար Ղազարյանը, Նաիրա Զոհրաբյանն ու Երևանում կազմակերպված ակցիայի այլ անդամներ
Տավուշում ԵԿՄ մեքենան վնասելու, խուլիգանության գործով ձերբակալված «Մարտական եղբայրության» հիմնադիրը կալանավորվել է
Ապրիլի 17-22-ին գրանցված առավելագույն ջերմաստիճանները գերազանցել են բոլոր պատմական արժեքները. անոմալ տաքը կպահպանվի
Քանի դեռ ժողովրդին ոչ մի բան չունեն առաջարկելու, 20, 30, 40 հոգով հավաքվելու են գոռգռան և գնան տներով. Սիմոնյան
Վազգենը որ գար, կասեր՝ «արա, ամբողջ կյանքում «наша раша»-ի տակ տնքալով պարողը իրավունք չունի սահմանից խոսել. Խաչատրյան
ԱԺ Հայաստան-Ֆրանսիա բարեկամական խումբը ֆրանսիացի գործընկերների հետ քննարկել է երկուստեք հետաքրքրության հարցեր
Դրսից թելադրված բան է․ Սիմոնյանը մանրամասնեց, թե ովքեր են ՀՀ-ում ընդդիմախոսները
Հայաստանը դիմացել է, նա գրում է իր և իր ժողովրդի ապագան. Ֆրանսիայի վարչապետ
12 կմ արդեն սահմանազատված է, թե Ալիևը ՌԴ-ի ու Թուրքիայի հետ սակարկելու համար ինչ կասի, չի հետաքրքրում․ Սիմոնյան
Ադրբեջանցին զարթնելու է, տենա՝ եռագույնը ծածանվում է Կզըլ Հաջիլիի բարձունքի վրա, դրա մասին ինչո՞ւ չեք խոսում. Սիմոնյան
Տեղեկատվական հոսքերով փորձ է արվում հրամցնել, թե բազմաթիվ, այդ թվում՝ միջպետական ճանապարհներ են փակ. Չախոյան
ՌԴ ԱԳՆ-ն ափսոսանք է հայտնել, որ Հայաստանում շարունակում են «ՀԱՊԿ-ի հասցեին հրապարակային քննադատություն թույլ տալ»
