ԵՊՀ մասնաճյուղի դասախոսը հայտարարում է, որ ղեկավարն իրեն հետապնդումների է ենթարկում

Երեւանի պետական համալսարանի Իջեւանի մասնաճյուղի մանկավարժության եւ հոգեբանության ամբիոնի վարիչի պաշտոնակատար Լիանա Հարությունյանը վստահեցնում է, որ տնօրենի պաշտոնակատար Արտակ Ցուցուլյանն իրեն հետապնդումների է ենթարկում՝ նպատակ ունենալով ամեն կերպ հեռացնել զբաղեցրած պաշտոնից եւ այնտեղ տեսնել ցանկալի մարդու:

Ցուցուլյանն արդեն մի անգամ նրան ազատել է աշխատանքից: Բայց դատարանը վճռել է, որ դրա համար չկային հիմնավոր պատճառներ: 2018 թվականի օգոստոսին Լիանա Հարությունյանը հայցադիմում է ներկայացրել Երեւան քաղաքի ընդհանուր իրավասության դատարան՝ ընդդեմ «Երեւանի պետական համալսարան» հիմնադրամի՝ պահանջելով անվավեր ճանաչել աշխատանքային պայմանագիրը լուծելու մասին հրամանը, վերականգնել իրեն նախկին աշխատանքում եւ բռնագանձել հարկադիր պարապուրդի գումարը: Դատարանը բավարարել է հայցը, եւ Լիանա Հարությունյանը 2019 թվականի հունվարի 8-ից դարձյալ գնում է աշխատանքի:

Տիկին Հարությունյանը մեզ հետ զրույցում պատմում էր, որ 2018 թվականի մայիսին, երբ Ցուցուլյանը դեռ տնօրենի պաշտոնակատար չէր եւ, կրկին որպես ժամանակավոր պաշտոնակատար, ղեկավարում էր ընդհանուր մաթեմատիկայի եւ բնագիտության ամբիոնը, ուսանողները ԵՊՀ մասնաճյուղի փոխտնօրենի պաշտոնում առաջադրել էին իրենց երկուսի թեկնածությունը: Լիանա Հարությունյանը, սակայն, հանել է իր թեկնածությունը՝ հօգուտ ավելի երիտասարդ գործընկեր Արտակ Ցուցուլյանի: Բայց հետագայում, երբ վերջինս արդեն տնօրենի պաշտոնակատար էր, Հարությունյանը ցանկություն է հայտնել աշխատել փոխտնօրեն: Այդ մասին, ըստ նրա, հայտնել է Ցուցուլյանին, նա էլ առաջարկել է ստորագրահավաք անցկացնել: Բայց երբ ինքն արել է դա, տնօրինության նիստում Ցուցուլյանը զայրացել է ու հայտարարել, որ Հարությունյանն ինքնագործունեությամբ է զբաղվել՝ առանց իր կարծիքը հարցնելու: Նրան մեղադրել է «ոչ վայել բառապաշարով իրեն վիրավորելու, անհամեստ ու անբարեմիտ պահվածքով լարվածություն ստեղծելու» համար:

Բայց դատարանն, ինչպես նշեցինք, որոշել է, որ խախտվել են մանկավարժական գիտությունների թեկնածու, Իջեւանի մասնաճյուղի մանկավարժության եւ հոգեբանության ամբիոնի վարիչի պաշտոնակատար Լիանա Հարությունյանի իրավունքները, որն այդ ամբիոնը ղեկավարել է 2016-2018 թվականներին:

Այժմ, ըստ մեր զրուցակցի, մրցույթ է հայտարարվել նշված ամբիոնի վարիչի պաշտոնը զբաղեցնելու համար: Նա պնդում է, որ դրա նպատակը հիմա էլ այս եղանակով իրենից ազատվելն է: Լիանա Հարությունյանը չի համապատասխանում հավակնորդներին ներկայացվող պահանջներին, մասնավորապես չունի դոցենտի կամ պրոֆեսորի գիտական կոչում: Բայց նկատում է, որ այլ ամբիոնների ու ֆակուլտետների դեպքում ղեկավար ընտրելու համար մրցույթներ չեն հայտարարվել:

«Ըստ երեւույթին ինքը վախեցավ աշխատակազմի եւ ուսանողների այդ ստորագրություններից: Կարող է ուրիշին՝ իր մոտիկին էր ուզում նշանակել: Ես ոչ մի վատ բան չէի արել, որ նա ինձ ազատեր: Հետո նա այդ իրավունքը չուներ: Ես ուսանողների կողմից հարգված, ընդունված, անկաշառ մարդ եմ, բաժնի վարիչ եմ, դասախոս եմ: Ինձ այսօր չեն կարող մեղադրել, ասել՝ այսինչ բանը այնպես չես արել»,- նկատեց Լիանա Հարությունյանը: Անդրադառնալով իր ղեկավարած ամբիոնի վարիչի թափուր պաշտոնը զբաղեցնելու համար հայտարարված մրցույթին, պնդեց. «Դա հետապնդում է: Մենք դեկաններ ունենք, որոնց ինքը նշանակել է, որոնք ընդամենը ասիստենտներ են, ոչ մի դոցենտ չեն: Հետապնդում է ինձ, ես ինքս մանկավարժական գիտությունների թեկնածու եմ, մասնաճյուղում միակը: Հիմա ամեն ինչ անում են, որ ուրիշի նշանակեն: Այստեղ կա ֆրանսերենի ամբիոն, որի ամբիոնի վարիչը անգամ պաշտպանած չէ, սակայն դասախոս է, ասիստենտ: Այդտեղ մրցույթ չի հայտարարվել: Նույնը հայոց պատմության ամբիոնում է: Սա նշանակում է հետապնդում: Ես կպած չեմ այստեղից, իմ այսքան պայքարը ճշտի համար է: Դա է ընդամենը: Այս մարդն ընկել է իմ հետեւից, պլաններ է մշակում, որ ինձ սկզբից ամբիոնի վարիչությունից հանի, հետո էլ նաեւ աշխատանքից: Դա փաստ է, դա բոլորը գիտեն»: Նա, միեւնույն ժամանակ, ընդգծում է, որ աշխատանքից մինչեւ այժմ ազատել է տարբեր գիտություների թեկնածուների, իսկ նրանց փոխարեն աշխատանքի է ընդունում իր մտերիմներին, այդ թվում՝ 73 տարեկանն անց մարդկանց:

ԵՊՀ Իջեւանի մասնաճյուղի տնօրենի պաշտոնակատար Արտակ Ցուցուլյանը հայտարարեց, որ Լիանա Հարությունյանի նկատմամբ որեւէ հետապնդում չի իրականացվում եւ որ ընթացիկ ուսումնական տարվա սկզբին մրցույթ է հայտարարվել բոլոր ամբիոններում: «Առաջին կիսամյակում բոլոր ամբիոնների վարիչների մրցույթ է հայտարարվել: Իրենց ամբիոնում եւս մրցույթ էր կայացել: Հետո դատարանի վճռով վերականգնվել է (Լիանա Հարությունյանը-խմբ.), մրցույթը չեղարկել ենք: Բայց եթե մնացած բոլոր ամբիոններում իրականացվել են մրցույթներ, ինչու պետք է իրենց ամբինում չիրականացվի: Հիմա նորից մրցույթը հայտարարել ենք»,- ասաց Արտակ Ցուցուլյանը: Հավելեց, որ նախկինում հայտարարված մրցույթներից չկայացած է համարվել միայն ֆրանսերենի ամբիոնի վարիչի մրցույթը, որովհետեւ որեւէ թեկնածու չի առաջադրվել: Բայց նոր մրցույթ չի հայտարարվում, որովհետեւ Ֆրանսերենի ամբիոնը, որպես այդպիսին, առաջիկայում չի գործելու: «Եթե ամբիոնի վարիչի մրցույթ է հայտարարվել նաեւ մնացած ամբիոններում, ընդ որում ամբիոններ կան, որտեղ այդ մրցույթի արդյունքում ամբիոնի վարիչ է փոխվել, ինչ-որ միտում եղե՞լ է, ինչ-որ մեկի դեմ կամ կո՞ղմ ենք եղել: Բաց մրցույթ է հայտարարվել: Ըստ կարգի՝ մենք իրավունք էլ չունենք չհայտարարելու այդ մրցույթը, որովհետեւ ժամանակավոր պաշտոնակատարներ են եղել տարիներ շարունակ: Հիմա գոնե հստակ կհասկանանք՝ ինչ է կատարվում: Նույնը նաեւ հետագայում՝ դեկանների համար»,- շարունակեց ԵՊՀ մասնաճյուղի ղեկավարը:

Անդրադառնալով Լիանա Հարությունյանի հետ համատեղ աշխատանքին ու տարաձայնություններին, ասաց. «Եթե իր գործը նորմալ կատարի, ես որեւէ խնդիր չեմ տեսնում»: Դիտարկմանը, թե ինքը նրան ազատել է՝ փաստորեն, առանց դրա համար հիմնավոր պատճառներ ունենալու, Արտակ Ցուցուլյանը պատասխանեց. «Դե դա արդեն վիճարկելի հարց է՝ ունենք, թե չունենք եւ ինչու այդպես ստացվեց: Դա արդեն առանձին խոսակցության թեմա է, ինչ որ եղել է, ավարտվել է»: Հետաքրքրվեցինք նաեւ, թե իր աշխատանքի մեջ հատկապես ինչում է թերանում Լիանա Հարությունյանը, եթե ինքը պնդում է, որ նա գործը լավ չի կատարում: «Ես խնդիր չունեմ իր հետ, անկեղծ ասած, ով էլ ուզում է լինի, ոնց էլ աշխատի: Հետապնդման խնդիր չկա: Մարդիկ ինչ-որ սեւեռուն մտքեր են ունենում եւ դրա հետեւից են ընկնում: Չեմ հասկանում ինչ են ուզում: Ես նպատակ չեմ ունեցել իրեն հեռացել աշխատանքից, իր քայլերն են դրդել դրան»,- ասաց Ցուցուլյանը:

Իսկ թե ինչ քայլերի մասին է խոսքը, նա կրկին չմանրամասնեց. «Դա հեռախոսային զրույց չէ: Ամեն դեպքում ինքը դատով հաղթել է, լավ է արել, վերականգնվել է, եկել է, թող իր գործն անի, ինչ ասեմ»:

Տպել
6823 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում