Աշխարհի ամենահաջողակ գեղասահորդներից մեկը կարիերան ավարտեց բարձր նոտայով

Կարիերան սկսել է պարքով վերցրած չմուշկներով սահելով եւ ավարտում է որպես աշխարհի լավագույն գեղասահորդներից մեկը: Եվրոպայի 2019 թ. առաջնությունն իսպանացի հայտնի գեղասահորդ Խավիեր Ֆերնանդեսի համար վերջին մրցաշարն էր: Հունվարի 21-27-ը Մինսկում կայացած ստուգատեսում նա բարձր նոտայով հրաժեշտ տվեց մեծ սպորտին. 7-րդ անգամ անընդմեջ դարձավ մայրցամաքի չեմպիոն:

Մրցաշարը նրա համար հեշտ չսկսվեց: Կարճ ծրագրից հետո ընդամենը 3-րդն էր 91.84 միավորով: Առաջին տեղը զբաղեցրած ռուս Միխայիլ Կոլյադան վաստակել էր 100.49 միավոր: Ազատ ծրագրում, սակայն, Կոլյադան բավականին հետ մնաց, զբաղեցրեց 11-րդ հորիզոնականը, ու Ֆերնանդեսը կարողացավ հետ բերել կորցրածը՝ եւս մեկ անգամ ուրախացնելով իր երկրպագուներին:  

Տղամարդկանց մենասահքում նա ավելի քան 80 տարվա ցուցանիշ կրկնեց: Նախկինում Եվրոպայի առաջնություններում նույնքան անընդմեջ հաղթանակ է տարել ավստրիացի Կարլ Շեֆերը (որը հետագայում նաև 8-րդ անընդմեջ չեմպիոնությունն է նվաճել (1929-36 թթ. առաջնություններում)): Եվրոպայում հաղթանակների քանակով Ֆերնանդեսը հավասարվել է իր ընկերոջը՝ ռուս Եվգենի Պլյուշչենկոյին: Վերջինս անըդմեջ չէ ԵԱ ոսկիները նվաճել:

Ֆերնանդեսը, որն ապրիլին կդառնա 28 տարեկան, գեղասահքով սկսել է զբաղվել 6 տարեկանից: Առաջին անգամ մրցումների մասնակցել է 8 տարեկանում պարտքով վերցված չմուշկներով: Զուգահեռաբար զբաղվել է նաեւ այլ մարզաձեւերով՝ թենիսով, ֆուտբոլով, հոկեյով: Ի վերջո ընտրություն է կատարել գեղասահքի օգտին: Նրա առաջին մարզիչներից մեկն ասել է, որ նա շատ տաղանդավոր է, սակայն կարգապահ չէ:

ԵԱ 2019 թ. Ֆերնանդեսի կարճ ծրագիրը

Մեծահասակների մրցաշարերին սկսել է մասնակցել 2006-07 մրցաշրջանում եւ տապալել է նորամուտը Եվրոպայի ու աշխարհի առաջնություններում. 2 դեպքում էլ կարճ ծրագրից հետո չի կարողացել ազատ ծրագրին մասնակցելու իրավունք ստանալ: Հետագայում հաջողությունները հաջորդել են մեկը մյուսին: Բացի եվրոպական 7 ոսկիներից՝ նաեւ 2 անգամ աշխարհի չեմպիոն է դարձել ու 2 անգամ էլ բրոնզե մեդալ նվաճել: Բրոնզե մեդալակիր է դարձել նաեւ 2018 թ. օլիմպիական խաղերում:  

Սուպերխավին, ինչպես նրան կոչում են Իսպանիայում, իսկական կուռք է դարձել հայրենիքում: Իսպանական հայտնի Marca պարբերականը նշում է, որ գեղասահքն այնտեղ ամենասիրված մարզաձեւերից մեկը չի եղել: Նույնիսկ հիմա այնտեղ այնքան էլ շատ չեն սահադաշտերը, որոշ սահադաշտեր փոքր ե, որոշ սահադաշտեր էլ կարող են ամիսներով փակ լինել: Միայն Ֆերնանդեսի շնորհիվ է, որ մարզաձեւն աստիճանաբար ավելի ճանաչված է դառնում: Սկսնակ փոքրիկներն էլ երազում են նմանվել նրան, թեեւ նախկինում գեղասահքով զբաղվող տղաներին Իսպանիայում հաճախ ծաղրել են, այսպես ասած «կանացի» մարզաձեւով զբաղվելու համար:

ԵԱ 2019 թ. ազատ ծրագիր

Այժմ Ֆերնանդեսի կյանքում նոր փուլ է սկսվում: Իր վերջին հարցազրույցներից մեկում նշել է որ ե՛ւ ուրախ է, ե՛ւ տխուր, սակայն ամեն դեպքում չի զղջում որոշման համար, քանի որ նոր ծրագրեր ունի:

«Ճիշտ ժամանակն էր ամեն ինչ նոր էջից սկսելու ու այլ նախագծերը կյանքի կոչելու համար»,- ասել է մարզիկը:

Նա պլանավորում է դպրոց բացել, զբաղվել մարզչությամբ: Պարտաստվում նաեւ է շարունակել «Revolution on Ice» (հեղափոխություն սառույցի վրա) կոչվող իր նախագիծը, որի ներկայացումներով արդեն հասցրել է շրջագայել Իսպանիայով:

Տպել
704 դիտում

Դիվերսիոն փորձով Ադրբեջանը բավականին վատ ազդակներ է փոխանցում՝ հատկապես միջազգային հանրությանը. Աբրահամյան

Lիոնել Մեսսին՝ ՖԻՖԱ-ի տարվա լավագույն ֆուտբոլիստ

16-ամյա Գրետա Ֆանբերգը ՄԱԿ-ի կլիմայական համաժողովում հանդես է եկել խոսքով

ԵԱՀԿ-ի ներկայացուցիչները հայ-ադրբեջանական սահմանի չեզոք գոտում են՝ ադրբեջանցի դիվերսանտի դին դուրս բերելու համար

Հայաստանը հիանալի հնարավորություն է ընձեռում ներդրողներին. վարչապետը մասնակցել է Հայաստան-Լոս Անջելես բիզնես ֆորումին

Վլադիմիր Պուտինը հոկտեմբերի 1-ին կայցելի Հայաստան

Զոհրաբ Մնացականյանը հանդիպում է ԵԱՀԿ ՄԽ համանախագահների և Անջեյ Կասպրչիկի հետ

ՊՆ փոխգնդապետ Արա Մխիթարյանի վիճակը դեռ ծայրահեղ ծանր է. հոսպիտալի պետի տեղակալ

Նիկոլ Փաշինյանի աշխատանքային այցն ԱՄՆ կատարվել է չարթերային չվերթով՝ մի քանի հանգամանքից ելնելով. խոսնակ

Ապօրինի պահվող հրացանով կաքավներ է որսացել. հանցագործությունը բացահայտվել է

ԼՀԿ խմբակցությունը որոշել է կողմ քվեարկել Հրայր Թովմասյանի լիազորությունները դադարեցնելու մասին նախագծին. Է. Մարուքյան

Նիկոլ Փաշինյանը ելույթ է ունենում Լոս Անջելեսի գործարար համաժողովին. ուղիղ

Կեցցե՚ս Հակոբ ջան. վարչապետը շնորհավորել է հայ ծանրորդին՝ հաղթանակի կապակցությամբ

Թբիլիսիի օդանավակայանում Հայաստանի քաղաքացու մոտ 1 կգ չհայտարարագրված ոսկի են հայտնաբերել

ՊԲ հրամանատար Կարեն Աբրահամյանին շնորհվել է գեներալ-լեյտենանտի զինվորական կոչում

ՀՅԴ-ն պետք է որոշակի վերագնահատումներ անի. վարչապետը՝ ՀՅԴ՝ ԱՄՆ Արևմտյան ափի ԿԿ ներկայացուցիչներին

Ճապկուտ գյուղում այրվել է մոտ 30 հա խոտածածկ տարածք

Դանակահարություն Լոռիում. 16-ամյա պատանին ներկայացել է ու խոստովանել

Արարատ Միրզոյանը Մոլդովայի խորհրդարանի նախագահի հետ քննարկել է համագործակցության հեռանկարները

Աշխարհի չեմպիոն հռչակվեց գյումրեցի ծանրորդ Հակոբ Մկրտչյանը