Ամենաբարդը Պետրոսյանի հետ պարտիան էր. Փաշիկյանը՝ ՀՀ շախմատի առաջնության պայքարի մասին

Հայաստանի շախմատի 2019 թ. առաջնությունում ուժերը հավասար են եղել: «Հայկական ժամանակ»-ի հետ զրույցում նման կարծիք արտահայտեց չեմպիոն Արման Փաշիկյանը: Մրցաշարից առաջ մասնագետներն էլ էին ընդգծում, որ հավասար կազմ է հավաքվել, սակայն Փաշիկյանին հաջողվեց հենց սկզբից իր ձեռքը վերցնել առաջատարությունն ու հասնել չեմպիոնության: Նա բացատրեց՝ ինչպես դա պատահեց:

«Շատ հավասար էր, շատ ուժեղ կազմ էր հավաքել, պատահական չէ, որ տարբեր տարիների տարբեր շախմատիստներ են հաղթում մրցաշարում: Ուղղակի այնպես ստացվեց, որ մրցաշարի սկզբից կարողացա առաջատար դառնալ, եւ հետագայում քանի որ միավորների տարբերությունը 1-1.5 էր հետապնդողների նկատմամբ, հեշտ ստացվեց»,- ասաց նա:

Փաշիկյանը չեմպիոն դարձավ 6.5 միավորով: 2-րդ տեղը զբաղեցրած 2018 թ. չեմպիոն Հայկ Մարտիրոսյանին նա գերազանցեց 1, իսկ 3-րդ տեղը գրաված Սամվել Տեր-Սահակյանին՝ 1.5 միավորով: Մրցաշարում Փաշիկյանը ոչ մի պարտություն չկրեց: Այդուհանդերձ նշում է, որ պարտիաներից մեկը հատկապես դժվար է եղել իր համար:

«Ամենաբարդը, երեւի, Մանուել Պետրոսյանի հետ պարտիան էր, որովհետեւ միակն էր մրցաշարի ընթացքում, որ ես վատ դիրք եմ ունեցել, չնայած վերջում արդեն առավելություն ունեի եւ կարող էի փորձել խաղալ հաղթելու համար: Ուղղակի արդեն հոգնել էի, եւ մրցաշարի իրավիճակն էլ այպիսին էր, որ ոչ-ոքին ինձ ձեռնտու էր, եւ որոշեցի ոչ-ոքի անել, ավելորդ ռիսկի չդիմել, ավելորդ էներգիա չծախսել»,- ասաց նա:

Փաշիկյանը կարիերայի ընթացքում 2-րդ անգամ է դառնում ՀՀ չեմպիոն: Առաջին անգամ նման արդյունքի է հասել 2009 թ.: Նրա 2-րդ չեմպիոնությունը համընկավ ֆեյսբուք սոցիալական ցանցում «10 Years Challenge» կոչվող ֆլեշմոբի հետ, երբ օգտատերերը հրապարակում են իրենց ներկայիս ու 10 տարվա վաղեմության լուսանկարները: Փաշիկյանի խոսքով՝ իր կարիերայում էլ յուրատեսակ «10 Years Challenge» ստացվեց:  

«Հետաքրքիր ստացվեց: Երբ ես «10 Years Challenge»-ը տեսա, կատակով ասացի՝ ես էլ եմ «10 Years Challenge» անելու: Հետաքրքիր էր, որ «10 Years Challenge»-ն ի հայտ եկավ, եւ այդ ժամանակ կարողացա կրկնել հաջողությունս: Պատահականություն էր, բայց հաճելի էր»,- ասաց նա:

Այս չեմպիոնության շնորհիվ Փաշիկյանն ընդգրկվել է ՀՀ հավաքականում, որը 2019 թ. ընթացքում Հայաստանն է ներկայացնելու միջազգային մրցաշարերում: Նա նշում է, որ ընտրանու կազմում իրենց սպասվում է Եվրոպայի թիմային առաջնությունը: Կա նաեւ աշխարհի թիմային առաջնությունը, որում Հայաստանի մասնակցությունը դեռ հստակ չէ: Փաշիկյանն ընդգծում է, որ ամեն ինչ անելու է լավ ելույթ ունենալու ու հավաքականին օգնելու համար:

ՀՀ շախմատի տղամարդկանց առաջնությանը զուգահեռ կայացել է նաեւ կանանց առաջնությունը: Չեմպիոն է դաձել Մարիա Գեւորգյանը:

Տպել
947 դիտում

«Գազպրոմ Արմենիա»-ն չի մեկնաբանում Նոր Հաճնում տեղի ունեցած ողբերգական դեպքը. միայն հիշեցնում է գազօգտագործման կանոնները

Աննա Հակոբյանը հանդիպել է Լիտվայի նախագահ Գիտանաս Նաուսեդայի կնոջ՝ Դիանա Նաուսեդիենեին

Սկանդալ թուրքական մամուլում. Հայոց ցեղասպանությունը ժխտող լրագրողը ազատման դիմում է գրել

Վեդիի ԲԿ-ն համալրվել է ժամանակակից տեխնիկայով

Զանգվածային ցույցեր Իրանի տասնյակ քաղաքներում. ցուցարարները հրդեհում են բանկերը, բենզալցակայանները, երկրում քաոս է

Արացախյան պատերազմի ժամանակ, երբ այս առարկաները պարտադիր չէին, պակաս հայրենասերներ չենք ունեցել. Արայիկ Հարությունյան

Բարձր կարգի թոշակ՝ հրաժարականի դիմաց. ՍԴ անդամները կգնա՞ն այս քայլին

Փակված հանքի տարածքում տնկվել է ավելի քան 600 ծառ

Ղարաբաղը պետք է վերադարձվի Ադրբեջանին. Սահակաշվիլին Ալիեւին իր եղբայրն է անվանել

Կառավարությունում քննարկվել են պետություն-եկեղեցի հարաբերություններում հարկային և մաքսային ոլորտի հարցեր

Վրաստանի խորհրդարանի մուտքերը արգելափակված էին 24 ժամ. ջրցան, հատուկջոկատայիններ և տուժածներ, ցույցը ցրվել է

Մոսկվայում Մհեր Գրիգորյանի նախագահությամբ կայացել է ԵԱՏՀ խորհրդի հերթական նիստը

ԿԳՄՍ նախարարության աջակցությամբ ընդլայնվել են կեցության փոխհատուցում ստացող ուսանողների խմբերը

Տավուշի մարզում եւ Արցախում ականի պայթյունից զինծառայողներ են վիրավորվել. նրանց կյանքին վտանգ չի սպառնում

Հերթ պահող քաղաքացիները երբեմն իրենց հերթերը վաճառում են. շահագործվեց Գյումրու ավտոմաքսատան առաջին հատվածը

Տան տանիքում հրդեհ է բռնկվել. ԱԻՆ

Վարչապետը և Համաշխարհային մաքսային կազմակերպության գլխավոր քարտուղարը քննարկել են համագործակցության զարգացման հարցեր

Զվարթնոց» օդանավակայանի գծային բաժնի ծառայողները բացահայտել են ոսկյա զարդերի գողությունը. ոստիկանություն

Ինչու է Red Eagles-ը պահանջում ՀՖՖ գործկոմի հրաժարականը. ֆան-ակումբը քննադատում է, իսկ գործկոմը՝ հակադարձում

ՀՀ պաշտպանության նախարարին կից հասարակական խորհուրդը կազմակերպել է երկօրյա այցելություն ՊԲ զորամասեր. ՊՆ