Սերժ Սարգսյանի առաջին չկատարած խոստումը՝ պաշտոնաթող նախագահի կարգավիճակում

Հայաստանի «Հանրապետական» կուսակցությունում հետաքրքիր զարգացումներ են տեղի ունենում: Կամ կարելի է արձանագրել, որ այս կուսակցությունում ոչինչ չի փոխվել՝ տալիս են խոստումներ եւ չեն կատարում: 2018 թվականի նոյեմբերին տեղի ունեցած ՀՀԿ խորհրդի նիստից հետո ՀՀԿ-ականները 2019 թվականի հունվարի 18-ին Սերժ Սարգսյանի գլխավորությամբ հավաքվել են Մելիք Ադամյան 2-ում եւ Գործադիր մարմնի նիստ անցկացրել:

Գործադիրի այս նիստից հետո ՀՀԿ խոսնակ Էդուարդ Շարմազանովը լրագրողների հետ զրույցում ուշագրավ մի քանի հայտարարություն արեց՝ Սերժ Սարգսյանի՝ ՀՀԿ-ից հեռանալու եւ կուսակցության նոր ղեկավար ընտրելու մասին: Լրագրողների հարցին ի պատասխան Շարմազանովը նշեց, որ Սերժ Սարգսյանը չի հեռացել ակտիվ քաղաքականությունից, Հանրապետական կուսակցության ղեկավար կազմի փոփոխություն օրակարգում չկա։ «Սերժ Սարգսյանը մեր ղեկավարն է։ Մենք ենք ընտրել նրան համագումարում։ Նա ունի ասելիք և անելիք»,– ասաց Շարմազանովը։

Հարցին՝ արդյո՞ք Սերժ Սարգսյանը պատրաստվում է վերադառնալ ակտիվ քաղաքականություն, Շարմազանովը պատասխանեց. «Բայց ինքը ե՞րբ է հեռացել ակտիվ քաղաքականությունից։ Եթե ակտիվ քաղաքականությունը միայն ԶԼՄ–ների հետ շփումն է, ուրեմն լիքը ճ կլասի գործիչներ կան, որոնք հիմա պիտի ՄԱԿ–ի գլխավոր քարտուղար լինեին»:

Շարմազանովը նշել էր, որ ՀՀԿ հերթական համագումարը մյուս տարի է, իսկ մինչև այդ արտահերթ համագումարի մասին խոսք չկա։

ՀՀԿ-ականների այսօրինակ հայտարարությունները տարօրինակ են, քանի որ Սերժ Սարգսյանը անձամբ էր ՀՀԿ-ականներին հորդորել զբաղվել կուսակցության նախագահի փոփոխման հարցով: Այս մասին նա ՀՀԿ-ականներին ասել էր 2018 թվականի ապրիլի 25-ին՝ հրաժարականից հետո: Այդ օրը ՀՀԿ խմբակցության տարածած հաղորդագրության համաձայն՝ պայմանավորվածություն է ձեռք բերվել նաև ՀՀԿ ղեկավար մարմիններում սկսել քննարկել կուսակցության նախագահի փոփոխության հարցը:

2018-ի ապրիլի 25-ին էլ ԱԺ նախկին ՀՀԿ խմբակցության ղեկավար Վահրամ Բաղդասարյանը լրագրողների հետ զրույցում հայտարարել էր, որ կուսակցության ղեկավարի փոփոխության հարց անձամբ Սերժ Սարգսյանն է առաջ քաշել: «Հանրապետական» կուսակցությունը նախագահի փոփոխության հարցն օրակարգ բերեց նաեւ նախընտրական շրջանում: Այդ ընթացքում նրանք մեղադրեցին իշխանություններին՝ նշելով, որ ընտրությունները նախատեսվածից շուտ են անցկացնում եւ իրենց ժամանակ չեն տալիս համագումար անցկացնելու: ՀՀԿ առաջին փոխնախագահ Վիգեն Սարգսյանը` 2018 թվականի նոյեմբերի 11-ին անդրադառնալով հարցին, թե արդյոք քննարկվել է կուսակցության նախագահին փոխելու հարց, նշեց, որ 2019 թվականի գարնանը պետք է ունենային համագումար եւ այս պայմաններում համագումար կազմակերպելը կարեւոր գործընթացներից մեկն էր, որը ըստ նրա` ձեւականություններից դուրս պետք է լիներ եւ այդ համագումարում կուսակցության ղեկավար կազմը պետք է ձեւավորվեր:

Այժմ, սակայն, ՀՀԿ-ականները ոչ գարնանը համագումար անցկացնելու ցանկություն ունեն, ոչ էլ Սերժ Սարգսյանի՝ կուսակցության նախագահին փոխելու առաջարկն են հիշում: Մասնավորապես, ՀՀԿ կազմակերպչական հարցերով նախագահ Ռուբեն Թադեւոսյանը «Հայկական ժամանակ»-ի հետ զրույցում համագումար անցկացնելու մասին խոսակցությունները վաղ համարեց:

«Դե կտեսնենք՝ ընթացքը ոնց կորոշվի, այդպես էլ կլինի: Համագումար հրավիրելու ընթացակարգ կա: Սահմանված կարգով, եթե անհրաժեշտություն լինի, կհրավիրենք: Կուսակցությունների մասին օրենքի համաձայն՝ հերթական համագումարները հրավիրվում են չորս տարին մեկ անգամ»,- ասաց Թադեւոսյանը եւ պատասխանելով հարցին՝ ՀՀԿ-ում արտահերթ համագումար անցկացնելու անհրաժեշտություն տեսնո՞ւմ են, նշեց՝ պետք է քննարկեն:

ՀՀԿ ԳՄ անդամ Գագիկ Մինասյանը ՀԺ-ի հետ զրույցում անդրադառնալով 2018 թվականի ապրիլի 25-ին Սերժ Սարգսյանի եւ ՀՀԿ-ականների հանդիպմանը, որտեղ Սերժ Սարգսյանն առաջարկել էր, որ կուսակցության նախագահի փոփոխության հարց սկսեն քննարկել, հայտարարեց, որ նման մանրամասներ չի հիշում: «Լավ չեմ հիշում: Այդպիսի հարցերը քննարկվում են կուսակցության համագումարի ժամանակ: Երբ կուսակցության համագումարի որոշում կայացնենք, այդ հարցը քննարկման առարկա կդարձնենք: Այսօր կուսակցության համագումարի մասին խոսակցություններ չկան»: Գագիկ Մինասյանը չցանկացավ նաեւ իր կարծիքը հայտնել՝ արդյո՞ք ՀՀԿ նախագահը պետք է փոխվի, թե ոչ: Հարցին էլ, որ ՀՀԿ-ն սկսում է ակտիվանալ, Գործադիր մարմնի նիստեր է գումարում, Մինասյանը պատասխանեց, որ ՀՀԿ-ն միշտ է ակտիվ եղել: Հարցին՝ այս շաբաթ է՞լ է ՀՀԿ ԳՄ նիստ տեղի ունենալու, Մինասյանն ասաց. «Կարող է տեղի ունենալ, կարող է տեղի չունենալ»:

Արդյունքում ստացվում է, որ ՀՀԿ-ականները Սերժ Սարգսյանին առաջիկայում այլ անձով փոխարինելու մտադրություն չունեն: Ուշագրավն այն է, որ նախագահի պաշտոնից հեռանալու ցանկություն չունի նաեւ Սերժ Սարգսյանը: Նա այդ քայլին գնալու համար պետք է ընդամենը մեկ դիմում գրի: Ստացվում է, որ նա որպես ոչ պաշտոնյա եւս չի կատարում իր խոստումները:

Սերժ Սարգսյանը ՀՀԿ նախագահն է 2007 թվականից: Նա ՀՀԿ-ն ղեկավարում է արդեն 12 տարի:

Տպել
3775 դիտում

Դատարանը երկու ամսով երկարաձգել է Ղրղըզստանի նախկին նախագահի կալանքը

Համակարգչային տեխնիկայի օգնությամբ այլ անձանց բանկային քարտերից հափշտակություն են կատարել. մեղադրանք է առաջադրվել 3 անձի

Բաղրամյան պողոտայում ստիպված ուժ կիրառվեց, ոչ թե բռնի, այլ համաչափ ֆիզիկական ուժ. ոստիկանություն

Հարեւանիս 30 խոզը կոտորվան, իմոնց բան չեղավ. Վիետնամական ցեղատեսակի խոզերը պահանջարկ ունեն Տավուշում (լուսանկարներ)

Սուրիկ Խաչատրյանը Փարիզում սրտի շատ ծանր վիրահատություն է տարել, մինչեւ այժմ կոմայի մեջ է․ Սեյրան Սարոյան

Պատկերացնո՞ւմ եք, երեխան ասում ա՝ պապա 1-ն ու պապա 2-ը եկան․ Սեյրան Սարոյանը՝ Ստամբուլյան կոնվենցիայի մասին

Չեմ հավատում, որ տենց բան կարա լինի, սութի շուխուռ ա․ Սարոյանը՝ Սերժ Սարգսյանի հնարավոր ձերբակալության մասին

Վարչապետը գաղտնազերծեց արվեստի գլուխգործոցները դպրոցներ տանելու գաղափարի մանրամասները

Ալիկ Սարգսյանը եւ այլք զբաղված են եղել հետին թվով նոր զեկուցագրեր պատրաստելով. Սեդա Սաֆարյան

Արդարադատության նախարարը խոսել է ցմահ դատապարտյաների հետ. նրանք բարձրաձայնել են մի շարք խնդիրներ

Սեյրան Սարոյանը համաձայն է, որ Մանվել Գրիգորյանի օրոք Էջմիածնում վախի մթնոլորտ է եղել

Նախարար Ֆելիքս Ցոլակյանը մանրամասներ է ներկայացրել հրդեհի և հրդեհաշիջման աշխատանքների ընթացքի վերաբերյալ. տեսանյութ

Հարթաշեն և Քարահունջ համայնքներում արձանագրվել են խոզերի անկման դեպքեր. ԱԻՆ

Դադարում եմ լինել առողջապահության նախարարության ուռուցքաբանության գծով խորհրդատու. Գեւորգ Թամամյանի խոսքը՝ նախարարին

Խնդրում եմ ազատել ինձ Շիրակի պետական համալսարանի հոգաբարձուների խորհրդի անդամ լինելու պաշտոնից. Գայանե Շագոյան

Նիկոլի հետ խոսել եմ Մանվելի մասին, որ հանկարծ էդ մարդը չմեռնի բերդերում, խայտառակ լինենք․ Սեյրան Սարոյան

«Քո գիտությունը դպրոցում». գալիք ուսումնական տարում դպրոցներում կիրագործվի նոր ծրագիր

ԱԱԾ-ն էներգետիկ համակարգի խափանման գործով լրացուցիչ փորձաքննության անհրաժեշտություն է տեսել

Ինչքան ճանաչված մարդ կա, պիտի պախարակեն․ սուտ տարածում ա, թե գեներալ Սեյրանին պառկացրին գետնին․ Սեյրան Սարոյան

Էջմիածնի քաղաքապետ Դիանա Գասպարյանի դեմ ներկայացված հայցը վարույթ է ընդունվել