Վաղարշյան 1 հասցեի վիճաբանությունը կրակոցներով չի սահմանափակվել. բնակիչներն ահազանգում են՝ իրենց ահաբեկում են

Հունվարի 13-ին Երեւանի Վաղարշյան փողոցում տեղի ունեցած վիճաբանության եւ կրակոցների դեպքի առթիվ հարուցված քրեական գործի շրջանակում 5 անձի մեղադրանք է առաջադրվել:

Մասնավորապես՝ Դավիթ Բրուտյանին, Արման Բրուտյանին, Սպարտակ Սարգսյանին, Արթուր Սարգսյանին եւ Արամ Սարգսյանին մեղադրանք է առաջադրվել ՀՀ քրեական օրենսգքրի 258-րդ հոդվածի 4-րդ մասի հատկանիշներով (խուլիգանություն, որը կատարվել է զենքի կամ որպես զենք օգտագործվող առարկայով):

Հունվարի 13-ին, ժամը 14:00-ի սահմաններում ոստիկանության Արաբկիրի բաժնում հաղորդում է ստացվել, որ Վաղարշյան 1 շենքի բակում Mercedes մակնիշի մեքենայից կրակել են մարդկանց ուղղությամբ, ապա դիմել փախուստի: Պարզվել է, որ ծեծկռտուք է տեղի ունեցել Վաղարշյան փողոցի 1-ին շենքի բնակիչներ՝ 53-ամյա Դավիթ Բրուտյանի, վերջինիս որդու՝ 25-ամյա Արման Բրուտյանի, 74-ամյա Սպարտակ Սարգսյանի, վերջինիս որդու՝ 48-ամյա Արթուր Սարգսյանի եւ թոռան ՝ Արամ Սարգսյանի միջեւ:

Ծեծկռտուքի վերածված վիճաբանության ժամանակ Արթուր Սարգսյանը կրակոցներ է արձակել իր գազային ատրճանակով, Դավիթ Բրուտյանը՝ դանակով, Սպարտակ Սարգսյանը՝ մուրճով, իսկ մյուս մասնակիցները ձեռքերով ու ոտքերով մարմնական վնասվածքներ են պատճառել միմյանց:
Դեպքի վայրի զննությամբ հայտնաբերվել ու վերցվել է 2 պարկուճ: Նշանակվել են փորձաքննություններ: 

Ոստիկանության տվյալներով՝ բերման ենթարկված տղամարդկանց միջեւ վիճաբանությունը ծագել է մեքենան կայանելու հարցի շուրջ, սակայն Վաղարշյան 1 հասցեի բնակիչների պնդմամբ՝ խնդիրն ամենեւին էլ մեքենա կայանելու հետ կապված չի եղել: Ավելին, ծեծկռտուքի մասնակիցներից ոչ ոք մեքենա չունի:

«Հայկական ժամանակ»-ի խմբագրություն դիմած ականատեսներից մեկի խոսքով՝ դեպքի օրը Սպարտակ Սարգսյանն ու որդին՝ Արթուր Սարգսյանը, ծեծի են ենթարկել նույն շենքի բնակիչներից մեկին, որի անունը նշված չէ. «74-ամյա Սպարտակը միշտ ցելոֆոնի մեջ մուրճ է պահում ու իր հետ ման տալիս: Այդ օրն էլ հերթական վիճաբանությունն է տեղի ունենում շենքի բնակիչներից մեկի հետ, որի ժամանակ Սպարտակը որդու հետ հարձակվում է նրա վրա, իսկ Դավիթ Բրուտյանը տեսնելով՝ օգնության է հասնում»:

Շենքի բնակիչների պնդմամբ՝  Դավիթ Բրուտյանը ծեծկռտուքի ընթացքում տեսնելով Արթուր Սարգսյանի ատրճանակը՝ նոր է միայն դանակ վերցնում: Ականատեսների պնդմամբ՝ երեք տղամարդիկ՝ հայր ու որդի Սարգսյանները, քարերով, մուրճով ու ատրճանակով հարձակվել են նույն շենքի բնակիչ Դավիթ Բրուտյանի եւ որդու վրա: Ավելի ուշ նրանց է միացել Արթուր Սարգսյանի որդին՝ Արամ Սարգսյանը: Ծեծկռտուքին հաջորդել են կրակոցներն ու ոստիկանություն ահազանգը:

Վաղարշյան 1 հասցեի բնակիչների պնդմամբ՝ Դավիթ Բրուտյանի ինքնապաշտպանական մղումն ու դանակով դիմադրելու փորձերն իր դեմ են օգտագործվել: Իսկ Սարգսյանների դուստրը, մինչ կկռվեին ընտանիքի տղամարդիկ, հասցրել է դիտավորյալ տեսանկարահանել հենց այն հատվածը, որտեղ Բրուտյանը դանակը ձեռքին վազում է նրանց ընդառաջ:

Շենքի բնակիչների խոսքով՝ հայր եւ որդի Սարգսյանները տարիներ շարունակ շենքի բակում տարբեր տեղերից հավաքել ու պահում են ջարդված, ոչ պիտանի մեքենաներ: Մետաղե ջարդոնների առկայությունը շենքի բակում բնակիչներից շատերի մոտ դժգոհության առիթ է դարձել: Նրանք անգամ ստորագրահավաք են իրականացրել եւ նշված խնդրով դիմել Արաբկիրի թաղապետարան. թաղապետարանից արձագանք չեն ստացել, շենքի բակում անբարեկարգ վիճակը շարունակվել է:

«Երեխաները չեն կարողանում խաղալ, ուզում ենք նստարաններ տեղադրել՝ ամռանը դուրս գալու, նստելու համար, բայց չի լինում, տեղ չկա, մարդիկ անգամ մեքենաները չեն կարողանում բակում կանգնեցնել: Այդ Սպարտակ կոչվածը, եթե ինչ-որ մեկին տեսնում էր մեքենան այդ տարածքում կանգնեցրած՝ 4-րդ հարկից մեքենայի վրա ինչ-որ բան էր գցում ու վնասում»,- պատմեց բնակիչներից մեկը:

Նշում են, որ բազմիցս դիմել են ոստիկանություն, հայտնել, որ Սպարտակ Սարգսյանն իր մոտ մուրճ է պահում, որով պարբերաբար ահաբեկում է շենքի բնակիչներին: Նրանց պնդմամբ՝ ոստիկանությունը շատ մեծ դժվարությամբ է ահազանգին արձագանքում. երկրոդ երրորդ անգամ զանգելուց հետո միայն գնում. «Ոստիկանությունն իր աշխատանքը պատշաճ չի կատարում: Գալիս ասում են՝ այդ պապը՝ Սպարտակը, գժի թուղթ ունի, բայց, եթե գժի թուղթ ունի՝ ինչի՞ չեն տանում հիվանդանոց: Մենք ահ ու սարսափով ենք ապրում մեր տներում, անգամ վախենում ենք վերելակից օգտվել»:

Լարվածությունն այդ ընտանիքի հետ երկար տարիների պատմություն ունի: Սարգսյանները պարբերաբար խնդիրներ են ունենում շենքի տարբեր բնակիչների հետ, վախեցնում, մուրճով ահաբեկում, վրաերթի ենթարկելու փորձեր անում, իսկ անպարկեշտ խոսքերն եւ հայոյանքներն արդեն ավելորդ են համարում հիշատակել. «Եթե երեխաները խաղալու ընթացքում պատահաբար մեքենաների ջարդոնին են դիպչում, Սպարտակն այնքան հայհոյանքներ է տալիս, որ էլ ասելու չէ: Այդ մեքենաներն էլ այսքան կռիվներից հետո կամաց-կամաց տանում են, իբր մաքրում են, բայց դեռ էլի կան»:

ՀՀ քննչական կոմիտեի դեպարտամենտի տեղեկատվության եւ հասարակայնության հետ կապերի բաժնի պետ Նաիրա Հարությունյանի փոխանցմամբ՝ դատարան միջնորդություն է ներկայացվել՝ ծեծկռտուքի մասնակիցների նկատմամբ խափանման միջոց կալանավորումը կիրառելու վերաբերյալ:

ՀԳ Վաղարշյան 1 հասցեի բնակիչները չցանկացան նշել իրենց անունները՝ մտավախություն ունենալով, որ Սարգսյանները կարող են իրենց ընտանիքի անդամներին որեւէ վնաս պատճառել: Նշված հասցեի մի խումբ բնակիչներ ՀՀ ոստիկանության ուշադրությունն են ուզում հրավիրել Սարգսյանների ընտանիքի, մասնավորապես տարիներ շարունակ կրկնվող ահաբեկումների ու ծեծկռտուքների վրա:

Տպել
2081 դիտում

Ջերմուկցիները գալիս են Երեւան. սպասվում է թեժ քննարկում

Հատվել է 1462 հատ տարբեր տեսակի և տրամագծերի ծառ. մեղադրանք է առաջադրվել 16 անձի, մեկ անձ հետախուզվում է

Մեկնարկել է Ամուլսարի շահագործման դեմ ջերմուկցիների ավտոերթը դեպի Երեւան

Lոռու մարզպետարանի պաշտոնյան սպանվել է դանակի 17 հարվածով. նոր մանրամասներ (լուսանկարներ)

Հրդեհ՝ Շիրակի մարզում. այրվել է անասնագոմ եւ պահեստավորած անասնակեր

Նռնակ՝ իր պայթուցիչով, 37 հատ տարբեր տրամաչափի փամփուշտներ. կինը զինամթերք է հանձնել

«Թումանյան» կայարանից Օձունի խաչմերուկ ճանապարհը ժամանակավոր փակ է լինելու. ժայռը կպայթեցնեն

«Լիդիան Արմենիա»-ն ներկայացրել է բնապահպանական փորձաքննության եզրակացության առաջարկների մասին պատասխաններ

Շոգը չի նահանջելու նաև այս շաբաթ. ջերմաստիճանը կտատանվի +40-ի սահմաններում. Սուրենյան

Արեգնադեմ գյուղում տնակ է հրդեհվել, ապա պայթել գազի բալոն․ 1 հոգի այրվածքներով հոսպիտալացվել է

Գրանցվել է խոտածածկ տարածքներում բռնկված 48 հրդեհ` ներգրավելով 58 մարտական հաշվարկ, 3 օպերատիվ խումբ

Սերժ Թանկյանը միացել է SaveAmulsar արշավին

Ըմբշամարտի երիտասարդական ԱԱ․ Շանթ Խաչատրյանը դարձավ արծաթե մեդալակիր՝ հաղթելով թուրք ըմբիշին

Կառավարությունը 2.1 մլրդ դրամ կտրամադրի մարտական դիրքերը խմելու հոսող ջրով ապահովելու համար. վարչապետ

Էլիտար քեֆի էլիտար ներկայացուցիչների՝ մորաքույրի եւ հորաքույրի հետ. Նիկոլ Փաշինյան

Հարկ վճարողների մոտ հաշվետվությունների ներկայացման հետ կապված խնդիրներ են առաջացել. ՊԵԿ

Երեւանը համալրվելու է եւս 3 աղբատար մեքենայով. Հովսեփ Կուբատյան

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին